India vs Sri Lanka ਵਿਚਕਾਰ ਪਹਿਲੇ ਟੈਸਟ ਦਾ ਅੱਜ ਦੂਜਾ ਦਿਨ, ਅੱਜ ਵੀ ਮੀਂਹ ਦੀ ਪੂਰੀ ਸੰਭਾਵਨਾ
– ਦੇਵਦੱਤ ਪਡਿੱਕਲ ਨੇ ਆਪਣਾ ਪਹਿਲਾ ਅੰਤਰਰਾਸ਼ਟਰੀ ਸੈਂਕੜਾ ਕਿਵੇਂ ਬਣਾਇਆ
– ਦੂਜੇ ਦਿਨ ਸਪਿਨਰਾਂ ਨੂੰ ਮਿਲ ਸਕਦੀ ਹੈ ਹੋਰ ਮਦਦ
ਚੰਡੀਗੜ੍ਹ, 16 ਅਗਸਤ (ਵਿਸ਼ਵ ਵਾਰਤਾ): ਅੱਜ ਭਾਰਤ ਅਤੇ ਸ਼੍ਰੀਲੰਕਾ ਵਿਚਕਾਰ ਪਹਿਲੇ ਟੈਸਟ ਮੈਚ ਦਾ ਦੂਜਾ ਦਿਨ ਹੈ, ਜੋ ਸ਼੍ਰੀਲੰਕਾ ਦੇ ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਮੀਂਹ ਨਾ; ਪ੍ਰਵਭਾਵਿਤ ਮੈਚ ਦੀ ਖੇਡ ਸਵੇਰੇ 9:45 ਵਜੇ ਸ਼ੁਰੂ ਹੋਵੇਗੀ। ਪਹਿਲੇ ਦਿਨ ਦੇ ਖੇਡ ਦੇ ਅੰਤ ਤੱਕ, ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਪਹਿਲੀ ਪਾਰੀ ਵਿੱਚ 288/2 ਦਾ ਮਜ਼ਬੂਤ ਸਕੋਰ ਬਣਾਇਆ ਸੀ।
ਭਾਰਤ ਲਈ, ਦੇਵਦੱਤ ਪਡਿੱਕਲ ਨੇ ਅਜੇਤੂ 131 ਦੌੜਾਂ ਬਣਾਈਆਂ ਅਤੇ ਆਪਣੇ ਟੈਸਟ ਕਰੀਅਰ ਦਾ ਪਹਿਲਾ ਸੈਂਕੜਾ ਲਗਾਇਆ। ਓਪਨਰ ਕੇਐਲ ਰਾਹੁਲ ਨੇ 77 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ, ਪਰ ਹੈਮਸਟ੍ਰਿੰਗ ਸਟ੍ਰੇਨ (ਕੜਵੱਲ) ਕਾਰਨ ਰਿਟਾਇਰਡ ਹਰਟ ਹੋ ਗਏ।
ਭਾਰਤ ਦੇ ਬੱਲੇਬਾਜ਼ੀ ਕੋਚ ਸੀਤਾਂਸ਼ੂ ਕੋਟਕ ਨੇ ਦੇਵਦੱਤ ਪਾਡਿੱਕਲ ਦੀ ਪ੍ਰਸ਼ੰਸਾ ਕੀਤੀ, ਜਿਸਨੇ ਸ਼੍ਰੀਲੰਕਾ ਵਿਰੁੱਧ ਪਹਿਲੇ ਟੈਸਟ ਦੇ ਪਹਿਲੇ ਦਿਨ ਸ਼ਾਨਦਾਰ ਸੈਂਕੜਾ ਲਗਾਇਆ। ਕੋਟਕ ਨੇ ਕਿਹਾ ਕਿ ਪਾਡਿੱਕਲ ਨੇ ਆਪਣੇ ਬੈਕਫੁੱਟ ਗੇਮ ਅਤੇ ਸ਼ਾਟ ਸਿਲੈਕਸ਼ਨ ‘ਤੇ ਸਖ਼ਤ ਮਿਹਨਤ ਕੀਤੀ ਸੀ, ਜਿਸਦਾ ਗਾਲੇ ਟੈਸਟ ਵਿੱਚ ਰਿਜ਼ਲਟ ਆਇਆ। ਪਾਡਿੱਕਲ ਨੇ ਸ਼ਾਨਦਾਰ ਨਾਬਾਦ 131 ਦੌੜਾਂ ਨਾਲ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦਾ ਪਹਿਲਾ ਸੈਂਕੜਾ ਲਗਾਇਆ। ਉਨ੍ਹਾਂ ਦੀ ਪਾਰੀ ਨੇ ਪਹਿਲੇ ਦਿਨ ਦੀ ਖੇਡ ਦੇ ਅੰਤ ਵਿੱਚ ਭਾਰਤ ਨੂੰ ਦੋ ਵਿਕਟਾਂ ‘ਤੇ 288 ਦੌੜਾਂ ਤੱਕ ਪਹੁੰਚਾਉਣ ਵਿੱਚ ਮਦਦ ਕੀਤੀ। ਰਿਸ਼ਭ ਪੰਤ ਅਤੇ ਕੇਐਲ ਰਾਹੁਲ ਦੀਆਂ ਪਾਰੀਆਂ ਦੇ ਨਾਲ ਪਾਡਿੱਕਲ ਦੀ ਪਾਰੀ ਨੇ ਵੀ ਭਾਰਤ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾਇਆ।
ਪਹਿਲੇ ਦਿਨ ਗਾਲੇ ਦੀ ਪਿੱਚ ‘ਤੇ ਬੱਲੇਬਾਜ਼ੀ ਕਰਨਾ ਆਸਾਨ ਸੀ। ਹਾਲਾਂਕਿ, ਕੋਟਕ ਨੇ ਕਿਹਾ ਕਿ ਮੈਚ ਅੱਗੇ ਵਧਣ ਦੇ ਨਾਲ-ਨਾਲ ਸਪਿਨਰਾਂ ਨੂੰ ਹੋਰ ਸਹਾਇਤਾ ਮਿਲਣ ਦੀ ਉਮੀਦ ਹੈ। ਉਨ੍ਹਾਂ ਕਿਹਾ ਕਿ ਇਸ ਸਮੇਂ ਪਿੱਚ ਸੁੱਕੀ ਹੈ, ਪਰ ਗੇਂਦ ਬੱਲੇ ‘ਤੇ ਚੰਗੀ ਤਰ੍ਹਾਂ ਆ ਰਹੀ ਹੈ ਅਤੇ ਪਹਿਲੇ ਦਿਨ ਜ਼ਿਆਦਾ ਟਰਨ ਨਹੀਂ ਆਇਆ। ਹਾਲਾਂਕਿ, ਦੂਜੇ, ਤੀਜੇ ਅਤੇ ਚੌਥੇ ਦਿਨ ਪਿੱਚ ‘ਤੇ ਜ਼ਿਆਦਾ ਟਰਨ ਹੋਣ ਦੀ ਉਮੀਦ ਹੈ। ਗਾਲੇ ਦੇ ਅੰਕੜੇ ਇਹ ਵੀ ਦਰਸਾਉਂਦੇ ਹਨ ਕਿ ਮੈਚ ਅੱਗੇ ਵਧਣ ਦੇ ਨਾਲ-ਨਾਲ ਬੱਲੇਬਾਜ਼ਾਂ ਦਾ ਔਸਤ ਦੌੜਾਂ ਦਾ ਸਕੋਰ ਘਟਦਾ ਜਾਂਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
