India Vs England : ਐਂਡਰਸਨ-ਤੇਂਦੁਲਕਰ ਟਰਾਫੀ ; ਦੂਜੇ ਟੈਸਟ ਦਾ ਅੱਜ ਆਖਰੀ ਦਿਨ
ਭਾਰਤ ਨੇ ਇੰਗਲੈਂਡ ਨੂੰ ਦਿੱਤਾ 608 ਦੌੜਾਂ ਦਾ ਟੀਚਾ
ਦੂਜੀ ਪਾਰੀ ‘ਚ ਟੀਮ ਇੰਗਲੈਂਡ ਨੇ ਗਵਾਈਆਂ 3 ਵਿਕਟਾਂ
ਅੱਜ ਦੁਪਹਿਰ 3:30 ਵਜੇ ਸ਼ੁਰੂ ਹੋਵੇਗਾ ਆਖਰੀ ਦਿਨ ਦਾ ਖੇਡ
ਚੰਡੀਗੜ੍ਹ, 6ਜੁਲਾਈ(ਵਿਸ਼ਵ ਵਾਰਤਾ)India Vs England : ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਐਂਡਰਸਨ-ਤੇਂਦੁਲਕਰ ਟਰਾਫੀ ਦਾ ਦੂਜਾ ਟੈਸਟ ਬਰਮਿੰਘਮ ਦੇ ਐਜਬੈਸਟਨ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਅੱਜ ਮੈਚ ਦਾ ਆਖਰੀ ਦਿਨ ਹੈ ਤੇ ਅੱਜ ਦਾ ਖੇਡ ਦੁਪਹਿਰ 3:30 ਵਜੇ ਸ਼ੁਰੂ ਹੋਵੇਗਾ। ਬਰਮਿੰਘਮ ਟੈਸਟ ਦੇ ਚੌਥੇ ਦਿਨ ਸਟੰਪ ਤੱਕ, ਇੰਗਲੈਂਡ ਨੇ 3 ਵਿਕਟਾਂ ਗੁਆ ਦਿੱਤੀਆਂ ਹਨ ਅਤੇ 72 ਦੌੜਾਂ ਬਣਾ ਲਈਆਂ ਹਨ। ਅੱਜ ਆਖਰੀ ਦਿਨ, ਇੰਗਲੈਂਡ ਨੇ ਜਿੱਤ ਲਈ 536 ਦੌੜਾਂ ਬਣਾਉਣੀਆਂ ਹਨ, ਜਦੋਂ ਕਿ ਭਾਰਤ ਨੂੰ 7 ਵਿਕਟਾਂ ਦੀ ਲੋੜ ਹੈ।
https://x.com/BCCI/status/1941530508141395985
ਸ਼ਨੀਵਾਰ ਨੂੰ, ਸਟੰਪ ਤੱਕ ਇੰਗਲੈਂਡ ਦਾ ਸਕੋਰ 72/3 ਸੀ ਅਤੇ ਓਲੀ ਪੋਪ 24 ਅਤੇ ਹੈਰੀ ਬਰੂਕ 15 ਦੌੜਾਂ ‘ਤੇ ਅਜੇਤੂ ਵਾਪਸ ਪਰਤੇ। ਆਕਾਸ਼ ਦੀਪ ਨੇ ਜੋ ਰੂਟ (6 ਦੌੜਾਂ) ਅਤੇ ਬੇਨ ਡਕੇਟ (25 ਦੌੜਾਂ) ਨੂੰ ਬੋਲਡ ਕੀਤਾ। ਜਦੋਂ ਕਿ ਮੁਹੰਮਦ ਸਿਰਾਜ ਨੇ ਜੈਕ ਕਰੌਲੀ ਦੀ ਵਿਕਟ ਲਈ।
ਦੱਸ ਦਈਏ ਕਿ ਸ਼ਨੀਵਾਰ ਨੂੰ ਟੀਮ ਇੰਡੀਆ ਨੇ ਦੂਜੀ ਪਾਰੀ 427 ਦੌੜਾਂ ‘ਤੇ ਘੋਸ਼ਿਤ ਕੀਤੀ। ਰਵਿੰਦਰ ਜਡੇਜਾ 69 ਦੌੜਾਂ ਬਣਾ ਕੇ ਅਜੇਤੂ ਵਾਪਸ ਪਰਤੇ।
ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਨੇ 161 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਪਹਿਲੀ ਪਾਰੀ ਵਿੱਚ ਭਾਰਤ 587 ਅਤੇ ਇੰਗਲੈਂਡ 407 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ। ਭਾਰਤ ਨੂੰ ਪਹਿਲੀ ਪਾਰੀ ਵਿੱਚ 180 ਦੌੜਾਂ ਦੀ ਲੀਡ ਮਿਲੀ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
