ਅਬੂ ਧਾਬੀ ਵਿੱਚ ਆਯੋਜਿਤ ਹੋਣਗੇ IIFA ਅਵਾਰਡ 2027 : ਵੱਡੇ ਫਿਲਮੀ ਸਿਤਾਰੇ ਹੋਣਗੇ ਸ਼ਾਮਲ
ਚੰਡੀਗੜ੍ਹ, 17 ਸਤੰਬਰ (ਵਿਸ਼ਵ ਵਾਰਤਾ) ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ (IIFA) ਅਵਾਰਡਾਂ ਦਾ 27ਵਾਂ ਸੰਸਕਰਣ 22-23 ਜਨਵਰੀ 2027 ਨੂੰ ਅਬੂ ਧਾਬੀ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਇਸ ਸਮਾਗਮ ਵਿੱਚ ਸਲਮਾਨ ਖਾਨ, ਕਰੀਨਾ ਕਪੂਰ ਖਾਨ ਅਤੇ ਸ਼ਾਹਿਦ ਕਪੂਰ ਸਮੇਤ ਕਈ ਵੱਡੇ ਫਿਲਮੀ ਸਿਤਾਰੇ ਹਿੱਸਾ ਲੈਣਗੇ।ਕਰਨ ਜੌਹਰ, ਵਰੁਣ ਧਵਨ, ਜਾਹਨਵੀ ਕਪੂਰ, ਪੰਕਜ ਤ੍ਰਿਪਾਠੀ ਅਤੇ ਅਲੀ ਫਜ਼ਲ ਵੀ ਇਸ ਪ੍ਰੋਗਰਾਮ ਦਾ ਹਿੱਸਾ ਹੋਣਗੇ। ਦੋ ਦਿਨਾਂ ਚੱਲਣ ਵਾਲੇ ਇਸ ਸਮਾਗਮ ਵਿੱਚ ਅਦਾਕਾਰ, ਫਿਲਮ ਨਿਰਮਾਤਾ ਅਤੇ ਸੰਗੀਤ ਕਲਾਕਾਰ ਸ਼ਾਮਲ ਹੋਣਗੇ।
IIFA 2027 ਦੀ ਮੇਜ਼ਬਾਨੀ ਅਬੂ ਧਾਬੀ ਦੇ ਯਾਸ ਆਈਲੈਂਡ ਸਥਿਤ ‘ਇਤਿਹਾਦ ਅਰੇਨਾ’ (Etihad Arena) ਵਿਖੇ ਕੀਤੀ ਜਾਵੇਗੀ। ਇਹ ਚੌਥਾ ਮੌਕਾ ਹੋਵੇਗਾ ਜਦੋਂ IIFA ਅਬੂ ਧਾਬੀ ਵਿੱਚ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਇਹ ਸਮਾਗਮ ‘ਡਿਪਾਰਟਮੈਂਟ ਆਫ ਕਲਚਰ ਐਂਡ ਟੂਰਿਜ਼ਮ – ਅਬੂ ਧਾਬੀ’ ਅਤੇ ‘ਮਿਰਾਲ’ (Miral) ਦੀ ਭਾਈਵਾਲੀ ਨਾਲ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਦੋ ਦਿਨਾਂ ਦੇ ਇਸ ਪ੍ਰੋਗਰਾਮ ਵਿੱਚ ਸਿਤਾਰਿਆਂ ਦੀਆਂ ਸ਼ਾਨਦਾਰ ਪੇਸ਼ਕਾਰੀਆਂ ਅਤੇ ਅਵਾਰਡ ਸਮਾਰੋਹ ਸ਼ਾਮਲ ਹੋਣਗੇ। 27ਵਾਂ ਸੰਸਕਰਣ 2027 ਦੀ ਸ਼ੁਰੂਆਤ ਵਿੱਚ ਯਾਸ ਆਈਲੈਂਡ, ਅਬੂ ਧਾਬੀ ਦੇ ਇਤਿਹਾਦ ਅਰੇਨਾ ਵਿਖੇ ਤੈਅ ਕੀਤਾ ਗਿਆ ਹੈ।
