ICC Women’s T20 World Cup :ਭਾਰਤ – ਬੰਗਲਾਦੇਸ਼ ਵਿਚਾਲੇ ਮੁਕਾਬਲਾ ਜਾਰੀ
– ਟੀਮ ਇੰਡੀਆ ਨੂੰ ਮਿਲਿਆ 137 ਦੌੜਾਂ ਦਾ ਟੀਚਾ
– ਸ਼ੇਫਾਲੀ ਵਰਮਾ ਨੇ ਲਗਾਇਆ ਅਰਧ ਸੈਂਕੜਾ! ਜਾਣੋ 11 ਓਵਰਾਂ ਤੋਂ ਬਾਅਦ ਭਾਰਤ ਦਾ ਸਕੋਰ
ਨਵੀ ਦਿੱਲੀ , 25 ਜੂਨ 2026 (ਵਿਸ਼ਵ ਵਾਰਤਾ) : ਆਈ.ਸੀ.ਸੀ. ਵਿਮੈਂਸ ਟੀ-20 ਵਰਲਡ ਕੱਪ ਦਾ 23ਵਾਂ ਮੈਚ ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਮੈਨਚੈਸਟਰ ਦੇ ਓਲਡ ਟ੍ਰੈਫੋਰਡ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਵਿੱਚ ਬੰਗਲਾਦੇਸ਼ ਦੀ ਕਪਤਾਨ ਨਿਗਾਰ ਸੁਲਤਾਨਾ ਨੇ ਟਾਸ ਜਿੱਤਿਆ ਅਤੇ ਉਨ੍ਹਾਂ ਨੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ।
ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਬੰਗਲਾਦੇਸ਼ ਦੀ ਟੀਮ 20 ਓਵਰ ਬੱਲੇਬਾਜ਼ੀ ਕਰਨ ਤੋਂ ਬਾਅਦ 8 ਵਿਕਟਾਂ ਦੇ ਨੁਕਸਾਨ ‘ਤੇ 136 ਦੌੜਾਂ ਬਣਾਉਣ ਵਿੱਚ ਕਾਮਯਾਬ ਰਹੀ। ਜਵਾਬ ਵਿੱਚ ਭਾਰਤ ਨੇ 11 ਓਵਰਾਂ ਤੋਂ ਬਾਅਦ 2 ਵਿਕਟਾਂ ਦੇ ਨੁਕਸਾਨ ‘ਤੇ 94 ਦੌੜਾਂ ਬਣਾ ਲਈਆਂ ਹਨ। ਸ਼ੇਫਾਲੀ ਵਰਮਾ 53 ਅਤੇ ਸਮ੍ਰਿਤੀ ਮੰਧਾਨਾ 8 ਦੌੜਾਂ ਬਣਾ ਕੇ ਆਊਟ ਹੋ ਗਈਆਂ।
ਬੰਗਲਾਦੇਸ਼ ਲਈ ਇਸ ਮੈਚ ਵਿੱਚ ਫਿਰਦੌਸ ਨੇ 31 ਗੇਂਦਾਂ ‘ਤੇ 33 ਦੌੜਾਂ ਬਣਾਈਆਂ। ਉੱਥੇ ਹੀ ਨਿਗਾਰ ਸੁਲਤਾਨਾ ਨੇ 27 ਗੇਂਦਾਂ ਵਿੱਚ 32 ਦੌੜਾਂ ਦਾ ਯੋਗਦਾਨ ਪਾਇਆ। ਉਨ੍ਹਾਂ ਤੋਂ ਇਲਾਵਾ ਸ਼ੋਭਨਾ ਮੋਸਤਰੀ ਨੇ 22, ਸ਼ਰਮੀਨ ਅਖ਼ਤਰ ਨੇ 10 ਅਤੇ ਸ਼ੂਰਣਾ ਅਖ਼ਤਰ ਨੇ 13 ਦੌੜਾਂ ਦਾ ਯੋਗਦਾਨ ਦਿੱਤਾ।
ਟੀਮ ਇੰਡੀਆ ਦੀ ਗੇਂਦਬਾਜ਼ੀ ਦੀ ਗੱਲ ਕਰੀਏ ਤਾਂ ਰਾਧਾ ਯਾਦਵ ਨੇ 3 ਵਿਕਟਾਂ ਹਾਸਲ ਕੀਤੀਆਂ। ਉੱਥੇ ਹੀ ਸ਼੍ਰੀ ਚਰਣੀ ਨੇ ਦੋ ਵਿਕਟਾਂ ਆਪਣੇ ਨਾਮ ਕੀਤੀਆਂ। ਰੇਣੁਕਾ ਠਾਕੁਰ ਅਤੇ ਨੰਦਨੀ ਸ਼ਰਮਾ ਨੂੰ 1-1 ਵਿਕਟ ਮਿਲਿਆ।
ਇਸ ਮੈਚ ਲਈ ਟੀਮ ਇੰਡੀਆ ਨੇ ਪਲੇਇੰਗ XI ਵਿੱਚ ਦੋ ਬਦਲਾਅ ਕੀਤੇ ਹਨ। ਪ੍ਰੇਮਾ ਰਾਵਤ ਦੀ ਜਗ੍ਹਾ ਰਾਧਾ ਯਾਦਵ ਇਸ ਮੈਚ ਵਿੱਚ ਖੇਡ ਰਹੀ ਹੈ, ਉੱਥੇ ਹੀ ਅਰੁੰਧਤੀ ਰੈੱਡੀ ਦੀ ਜਗ੍ਹਾ ਰੇਣੁਕਾ ਠਾਕੁਰ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਦੂਜੇ ਪਾਸੇ, ਬੰਗਲਾਦੇਸ਼ ਦੀ ਟੀਮ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਦੋਵਾਂ ਟੀਮਾਂ ਦੀ ਪਲੇਇੰਗ-11
ਭਾਰਤ: ਸਮ੍ਰਿਤੀ ਮੰਧਾਨਾ, ਸ਼ੇਫਾਲੀ ਵਰਮਾ, ਯਾਸਤਿਕਾ ਭਾਟੀਆ, ਜੇਮੀਮਾ ਰੌਡਰਿਗਜ਼, ਹਰਮਨਪ੍ਰੀਤ ਕੌਰ (ਕਪਤਾਨ), ਰਿਚਾ ਘੋਸ਼ (ਵਿਕੇਟਕੀਪਰ), ਦੀਪਤੀ ਸ਼ਰਮਾ, ਰਾਧਾ ਯਾਦਵ, ਐੱਨ. ਸ਼੍ਰੀ ਚਰਣੀ, ਰੇਣੁਕਾ ਸਿੰਘ, ਨੰਦਨੀ ਸ਼ਰਮਾ।
ਬੰਗਲਾਦੇਸ਼: ਦਿਲਾਰਾ ਅਖ਼ਤਰ, ਜੁਆਰੀਆ ਫਿਰਦੌਸ, ਸ਼ਰਮੀਨ ਅਖ਼ਤਰ, ਨਿਗਾਰ ਸੁਲਤਾਨਾ (ਕਪਤਾਨ), ਸ਼ੋਭਨਾ ਮੋਸਤਰੀ, ਰਿਤੂ ਮੋਨੀ, ਸ਼ੂਰਣਾ ਅਖ਼ਤਰ, ਰਾਬੀਆ ਖ਼ਾਨ, ਨਾਹਿਦਾ ਅਖ਼ਤਰ, ਮਾਰੂਫ਼ਾ ਅਖ਼ਤਰ, ਸੰਜੀਦਾ ਅਖ਼ਤਰ ਮੇਘਲਾ।
