ਯਸ਼ਸਵੀ ਜੈਸਵਾਲ ਅਤੇ ਅਸਿਥਾ ਫਰਨਾਂਡੋ ਖਿਲਾਫ ICC ਦੀ ਵੱਡੀ ਕਾਰਵਾਈ
– ਨਿਯਮਾਂ ਦੀ ਉਲੰਘਣਾ ਪਈ ਭਾਰੀ
ਨਵੀ ਦਿੱਲੀ, 24 ਅਗਸਤ 2026 (ਵਿਸ਼ਵ ਵਾਰਤਾ)– ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਕੋਲੰਬੋ ਵਿੱਚ ਖੇਡੇ ਜਾ ਰਹੇ ਦੂਜੇ ਟੈਸਟ ਦੇ ਪਹਿਲੇ ਦਿਨ ਯਸ਼ਸਵੀ ਜਾਇਸਵਾਲ ਅਤੇ ਅਸਿਥਾ ਫਰਨਾਂਡੋ ਵਿਚਕਾਰ ਹੋਈ ਘਟਨਾ ‘ਤੇ ICC ਨੇ ਕਾਰਵਾਈ ਕੀਤੀ ਹੈ। ਦੋਵਾਂ ਖਿਡਾਰੀਆਂ ‘ਤੇ ਮੈਚ ਫੀਸ ਦਾ 25-25% ਜੁਰਮਾਨਾ ਲਗਾਇਆ ਗਿਆ ਹੈ। ਨਾਲ ਹੀ ਦੋਵਾਂ ਦੇ ਖਾਤੇ ਵਿੱਚ 1-1 ਡਿਮੈਰਿਟ ਪੁਆਇੰਟ ਜੋੜਿਆ ਗਿਆ ਹੈ। ਦੋਵਾਂ ਖਿਡਾਰੀਆਂ ਨੇ ਆਪਣਾ ਅਪਰਾਧ ਸਵੀਕਾਰ ਕਰ ਲਿਆ ਅਤੇ ICC ਮੈਚ ਰੈਫਰੀ ਐਂਡੀ ਪਾਈਕ੍ਰਾਫਟ ਵੱਲੋਂ ਪ੍ਰਸਤਾਵਿਤ ਸਜ਼ਾ ਮੰਨ ਲਈ। ਇਸ ਲਈ ਮਾਮਲੇ ਵਿੱਚ ਰਸਮੀ ਸੁਣਵਾਈ ਦੀ ਲੋੜ ਨਹੀਂ ਪਈ।
ਇਹ ਘਟਨਾ ਭਾਰਤੀ ਪਾਰੀ ਦੇ 17ਵੇਂ ਓਵਰ ਵਿੱਚ ਵਾਪਰੀ। ਅਸਿਥਾ ਫਰਨਾਂਡੋ ਨੇ ਜਾਇਸਵਾਲ ਨੂੰ ਆਊਟ ਕੀਤਾ। ਇਸ ਤੋਂ ਬਾਅਦ ਭਾਰਤੀ ਬੱਲੇਬਾਜ਼ ਫਰਨਾਂਡੋ ਵੱਲ ਗਿਆ ਅਤੇ ਦੋਵਾਂ ਵਿਚਾਲੇ ਕੁਝ ਦੇਰ ਬਹਿਸ ਹੋਈ।ਇਸ ਤੋਂ ਬਾਅਦ ਫਰਨਾਂਡੋ ਨੇ ਆਪਣਾ ਸਿਰ ਜਾਇਸਵਾਲ ਵੱਲ ਵਧਾਇਆ। ਜਵਾਬ ਵਿੱਚ ਜਾਇਸਵਾਲ ਵੀ ਉਸ ਵੱਲ ਝੁਕਿਆ। ਇਸੇ ਦੌਰਾਨ ਦੋਵਾਂ ਦੇ ਸਿਰ ਆਪਸ ਵਿੱਚ ਟਕਰਾ ਗਏ।
ICC ਨੇ ਦੋਵਾਂ ਖਿਡਾਰੀਆਂ ਨੂੰ ICC ਕੋਡ ਆਫ਼ ਕੰਡਕਟ ਦੇ ਆਰਟੀਕਲ 2.12 ਦੀ ਉਲੰਘਣਾ ਦਾ ਦੋਸ਼ੀ ਮੰਨਿਆ। ਇਹ ਨਿਯਮ ਕਿਸੇ ਖਿਡਾਰੀ, ਸਪੋਰਟ ਸਟਾਫ਼, ਅੰਪਾਇਰ, ਮੈਚ ਰੈਫਰੀ ਜਾਂ ਕਿਸੇ ਹੋਰ ਵਿਅਕਤੀ ਨਾਲ ਅਣਉਚਿਤ ਸਰੀਰਕ ਸੰਪਰਕ (ਗਲਤ ਤਰੀਕੇ ਨਾਲ ਛੂਹਣ/ਟਕਰਾਉਣ) ਨਾਲ ਜੁੜਿਆ ਹੋਇਆ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
