Himachal : ਮਨਾਲੀ ਵਿੱਚ ਲੱਗੇ ‘ਕੰਗਨਾ Go Back’ ਦੇ ਨਾਅਰੇ; ਲੋਕਾਂ ਨੇ ਦਿਖਾਏ ਕਾਲੇ ਝੰਡੇ
ਹਿਮਾਚਲ ਪ੍ਰਦੇਸ਼, 18 ਸਤੰਬਰ (ਵਿਸ਼ਵ ਵਾਰਤਾ): ਹਿਮਾਚਲ (Himachal) ਪ੍ਰਦੇਸ਼ ਦੇ ਆਫ਼ਤ ਪ੍ਰਭਾਵਿਤ ਖੇਤਰ ਮਨਾਲੀ ਪਹੁੰਚਣ ‘ਤੇ ਮੰਡੀ ਤੋਂ ਸੰਸਦ ਮੈਂਬਰ ਕੰਗਨਾ ਰਣੌਤ ਨੂੰ ਵਿਰੋਧ ਪ੍ਰਦਰਸ਼ਨਾਂ ਦਾ ਸਾਹਮਣਾ ਕਰਨਾ ਪਿਆ। ਯੂਥ ਕਾਂਗਰਸ ਦੇ ਵਰਕਰਾਂ ਨੇ ਉਨ੍ਹਾਂ ਨੂੰ ਕਾਲੇ ਝੰਡੇ ਦਿਖਾਏ ਅਤੇ “ਕੰਗਨਾ ਵਾਪਸ ਜਾਓ!” ਦੇ ਨਾਅਰੇ ਲਗਾਏ।
ਦੱਸ ਦਈਏ ਕਿ ਕੰਗਨਾ ਰਣੌਤ ਅੱਜ ਦੁਪਹਿਰ ਕਰੀਬ 2:30 ਵਜੇ ਨਾਗਰ ਪੁਲ ਨੇੜੇ ਖਰਾਬ ਹੋਈ ਸੜਕ ਦਾ ਨਿਰੀਖਣ ਕਰਨ ਲਈ ਪਹੁੰਚੀ। ਇਸ ਦੌਰਾਨ ਭਾਜਪਾ ਅਤੇ ਕਾਂਗਰਸ ਵਰਕਰਾਂ ਵਿਚਕਾਰ ਥੋੜ੍ਹੀ ਝੜਪ ਵੀ ਹੋਈ।ਮਨਾਲੀ ਯੂਥ ਕਾਂਗਰਸ ਦੇ ਪ੍ਰਧਾਨ ਨੇ ਕਿਹਾ, “ਹਿਮਾਚਲ ਵਿੱਚ ਆਫ਼ਤ ਦੌਰਾਨ ਸੰਸਦ ਮੈਂਬਰ ਕੰਗਨਾ ਰਣੌਤ ਗੈਰਹਾਜ਼ਰ ਸੀ। ਉਨ੍ਹਾਂ ਕਿਹਾ, “ਜਦੋਂ ਕੁੱਲੂ-ਮਨਾਲੀ ਤਬਾਹ ਹੋ ਰਿਹਾ ਸੀ, ਤਾਂ ਸੰਸਦ ਮੈਂਬਰ ਨੇ ਹਲਕੇ ਦਾ ਦੌਰਾ ਕਰਨਾ ਉਚਿਤ ਨਹੀਂ ਸਮਝਿਆ। ਹੁਣ ਜਦੋਂ ਜਨਤਕ ਜੀਵਨ ਆਮ ਵਾਂਗ ਹੋ ਗਿਆ ਹੈ, ਕੰਗਨਾ ਮਨਾਲੀ ਪਹੁੰਚ ਗਈ ਹੈ ਅਤੇ ਰਾਜਨੀਤੀ ਕਰ ਰਹੀ ਹੈ।”
ਦੱਸ ਦਈਏ ਕਿ ਲਗਭਗ 25 ਦਿਨ ਪਹਿਲਾਂ ਭਾਰੀ ਬਾਰਿਸ਼ ਕਾਰਨ ਆਏ ਹੜ੍ਹਾਂ ਕਾਰਨ ਮਨਾਲੀ ‘ਚ ਭਾਰੀ ਨੁਕਸਾਨ ਹੋਇਆ। ਮਨਾਲੀ ਹਾਈਵੇਅ 22 ਦਿਨਾਂ ਬਾਅਦ ਦੁਬਾਰਾ ਖੁਲ੍ਹਿਆ। ਮਨਾਲੀ ਵਿੱਚ ਸੈਰ-ਸਪਾਟਾ ਉਦਯੋਗ ਵੀ ਪੂਰੀ ਤਰ੍ਹਾਂ ਠੱਪ ਹੋ ਗਿਆ ਹੈ, ਜਿਸ ਕਾਰਨ ਲੋਕਾਂ ਵਿੱਚ ਰੋਸ ਹੈ। ਲੋਕ ਕੰਗਨਾ ਰਣੌਤ ਦੇ ਦੇਰ ਨਾਲ ਆਉਣ ਕਾਰਨ ਆਪਣਾ ਗੁੱਸਾ ਜ਼ਾਹਰ ਕਰ ਰਹੇ ਸਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
