ਹਰਿਆਣਾ ਵਾਸੀਆਂ ਨੂੰ ਲੱਗਿਆ ਮਹਿੰਗਾਈ ਦਾ ਝਟਕਾ! ‘VITA’ ਨੇ ਵਧਾਈਆਂ ਦੁੱਧ ਦੀਆਂ ਕੀਮਤਾਂ
– 20 ਮਈ ਤੋਂ ਨਵੀਆਂ ਦਰਾਂ ਲਾਗੂ
ਚੰਡੀਗੜ੍ਹ, 18 ਮਈ 2026 (ਵਿਸ਼ਵ ਵਾਰਤਾ): ਹਰਿਆਣਾ ਵਿੱਚ ਵੀਟਾ ਨੇ ਦੁੱਧ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਨ ਦਾ ਫੈਸਲਾ ਕੀਤਾ ਹੈ। ਨਵੀਆਂ ਦਰਾਂ 20 ਮਈ 2026 ਤੋਂ ਲਾਗੂ ਹੋਣਗੀਆਂ। ਸਭ ਤੋਂ ਵੱਧ ਵਾਧਾ ਵੀਟਾ ਦੇ ਬਫੇਲੋ A2 ਦੁੱਧ ਵਿੱਚ ਦੇਖਣ ਨੂੰ ਮਿਲਿਆ ਹੈ। 500 ਮਿਲੀਲੀਟਰ ਦਾ ਪੈਕ ਹੁਣ 37 ਰੁਪਏ ਦੀ ਬਜਾਏ 39 ਰੁਪਏ ਵਿੱਚ ਮਿਲੇਗਾ, ਜਦਕਿ 1 ਲੀਟਰ ਪੈਕ ਦੀ ਕੀਮਤ 73 ਰੁਪਏ ਤੋਂ ਵਧਾ ਕੇ 78 ਰੁਪਏ ਕਰ ਦਿੱਤੀ ਗਈ ਹੈ।
ਨਵੀਆਂ ਕੀਮਤਾਂ ਅਨੁਸਾਰ ਵੀਟਾ ਫੁੱਲ ਕਰੀਮ ਦੁੱਧ ਦੇ 500 ML ਪੈਕ ਦੀ ਕੀਮਤ 35 ਰੁਪਏ ਤੋਂ ਵਧਾ ਕੇ 36 ਰੁਪਏ ਅਤੇ 1 ਲੀਟਰ ਪੈਕ ਦੀ ਕੀਮਤ 69 ਰੁਪਏ ਤੋਂ ਵਧਾ ਕੇ 71 ਰੁਪਏ ਕਰ ਦਿੱਤੀ ਗਈ ਹੈ। ਟੋਨਡ ਮਿਲਕ ਦੇ 500 ਐਮ.ਐਲ. ਪੈਕ ‘ਤੇ 1 ਰੁਪਏ ਅਤੇ 1 ਲੀਟਰ ਪੈਕ ‘ਤੇ 2 ਰੁਪਏ ਦਾ ਵਾਧਾ ਹੋਇਆ ਹੈ। ਸਟੈਂਡਰਡਾਈਜ਼ਡ ਅਤੇ ਡਬਲ ਟੋਨਡ ਦੁੱਧ ਦੀਆਂ ਕੀਮਤਾਂ ਵਿੱਚ ਵੀ 1 ਤੋਂ 2 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।ਹਰਿਆਣਾ ਡੇਅਰੀ ਡਿਵੈਲਪਮੈਂਟ ਕੋ-ਆਪ੍ਰੇਟਿਵ ਫੈਡਰੇਸ਼ਨ ਦੀ ਇੱਕ ਰਿਪੋਰਟ ਮੁਤਾਬਕ, ਵੀਟਾ ਰੋਜ਼ਾਨਾ 10 ਲੱਖ ਲੀਟਰ ਦੁੱਧ ਦੀ ਪ੍ਰੋਸੈਸਿੰਗ ਕਰਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
