Haryana ਲਾਡੋ ਲਕਸ਼ਮੀ ਯੋਜਨਾ ਦੀ ਦੂਜੀ ਕਿਸ਼ਤ ਜਾਰੀ
– ਜੇ ਖਾਤੇ ‘ਚ ਨਹੀਂ ਆਏ 2,100 ਰੁਪਏ? ਤਾਂ ਇੰਝ ਕਰੋ ਚੈੱਕ
ਹਰਿਆਣਾ, 3 ਦਸੰਬਰ (ਵਿਸ਼ਵ ਵਾਰਤਾ): ਮੁੱਖ ਮੰਤਰੀ ਨਾਇਬ ਸੈਣੀ ਨੇ ਅੱਜ ਯਾਨੀ ਕਿ 3 ਦਸੰਬਰ ਨੂੰ ਦੀਨ ਦਿਆਲ ਲਾਡੋ ਲਕਸ਼ਮੀ ਯੋਜਨਾ ਦੀ ਦੂਜੀ ਕਿਸ਼ਤ ਜਾਰੀ ਕੀਤੀ ਹੈ। ਇਸ ਮੌਕੇ ਸੀਐਮ ਸੈਣੀ ਨੇ ਕਿਹਾ, “ਇਸ ਯੋਜਨਾ ਦੇ ਤਹਿਤ, 7,1965 ਲਾਭਪਾਤਰੀ ਔਰਤਾਂ ਦੇ ਖਾਤਿਆਂ ਵਿੱਚ 2,100 ਰੁਪਏ ਦੀ ਰਕਮ ਟਰਾਂਸਫਰ ਕੀਤੀ ਗਈ ਹੈ।”
ਹਰਿਆਣਾ ‘ਚ ਲਾਡੋ ਲਕਸ਼ਮੀ ਐਪ ਪੰਡਿਤ ਦੀਨਦਿਆਲ ਉਪਾਧਿਆਏ ਦੀ 109ਵੀਂ ਜਯੰਤੀ ਦੇ ਮੌਕੇ ‘ਤੇ ਲਾਂਚ ਕੀਤੀ ਗਈ ਸੀ। 30 ਨਵੰਬਰ ਤੱਕ, 9,552 ਔਰਤਾਂ ਨੇ ਐਪ ‘ਤੇ ਅਰਜ਼ੀ ਦਿੱਤੀ, ਜਿਨ੍ਹਾਂ ਵਿੱਚੋਂ 7,01,965 ਯੋਗ ਪਾਈਆਂ ਗਈਆਂ ਸਨ। ਮੁੱਖ ਮੰਤਰੀ ਨੇ ਕਿਹਾ- ਇਸ ਯੋਜਨਾ ਦਾ ਲਾਭ ਲੈਣ ਲਈ ਅਰਜ਼ੀ ਪ੍ਰਕਿਰਿਆ ਪੂਰੀ ਤਰ੍ਹਾਂ ਪਾਰਦਰਸ਼ੀ ਅਤੇ ਔਨਲਾਈਨ ਹੈ। ਸੀਐਮ ਸੈਣੀ ਨੇ ਇਹ ਵੀ ਕਿਹਾ ਕਿ ਹੁਣ ਹਰ ਮਹੀਨੇ ਦੀ ਬਜਾਏ ਯੋਜਨਾ ਦੀ ਰਕਮ ਹਰ 3 ਮਹੀਨਿਆਂ ਬਾਅਦ ਔਰਤਾਂ ਦੇ ਖਾਤਿਆਂ ਵਿੱਚ ਭੇਜੀ ਜਾਵੇਗੀ।
ਦੱਸ ਦਈਏ ਕਿ ਤੁਸੀਂ ਅਧਿਕਾਰਤ ਮੋਬਾਈਲ ਐਪ ਦੀ ਵਰਤੋਂ ਕਰਕੇ ਜਾਂਚ ਕਰ ਸਕਦੇ ਹੋ ਕਿ ਕੀ ਦੀਨ ਦਿਆਲ ਲਾਡੋ ਲਕਸ਼ਮੀ ਯੋਜਨਾ ਦੀ ਦੂਜੀ ਕਿਸ਼ਤ ਤੁਹਾਡੇ ਖਾਤੇ ਵਿੱਚ ਜਮ੍ਹਾਂ ਹੋ ਗਈ ਹੈ। ਮੋਬਾਈਲ ਐਪ ਵਿੱਚ, ਟ੍ਰੈਕ ਐਪਲੀਕੇਸ਼ਨ ‘ਤੇ ਜਾਓ। ਇੱਥੇ ਆਪਣਾ ਰਜਿਸਟ੍ਰੇਸ਼ਨ ਨੰਬਰ ਜਾਂ ਮੋਬਾਈਲ ਨੰਬਰ ਦਰਜ ਕਰੋ। ਤੁਹਾਡੀ ਖਾਤਾ ਜਾਣਕਾਰੀ ਇੱਥੇ ਦਿਖਾਈ ਦੇਵੇਗੀ।
ਜੇਕਰ ਲਾਡੋ ਲਕਸ਼ਮੀ ਯੋਜਨਾ ਦੀ ਦੂਜੀ ਕਿਸ਼ਤ ਤੁਹਾਡੇ ਖਾਤੇ ਵਿੱਚ ਨਹੀਂ ਆਈ ਹੈ, ਤਾਂ ਹੋ ਸਕਦਾ ਹੈ ਕਿ ਤੁਸੀਂ ਸਾਰੇ ਦਸਤਾਵੇਜ਼ ਜਮ੍ਹਾ ਨਾ ਕਰਵਾਏ ਹੋਣ, ਜਾਂ ਤੁਹਾਡਾ eKYC ਅਧੂਰਾ ਹੋਵੇ। ਮੋਬਾਈਲ ਐਪ ‘ਤੇ ਲਾਈਵ ਫੋਟੋ ਖਿੱਚ ਕੇ eKYC ਪ੍ਰਕਿਰਿਆ ਪਰੀ ਹੋ ਜਾਵੇਗੀ। ਇੱਕ ਵਾਰ ਇਹ ਹੋ ਜਾਣ ‘ਤੇ, ਪੈਸੇ ਕ੍ਰੈਡਿਟ ਹੋ ਜਾਣਗੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
