Haryana ‘ਚ ਭਾਰੀ ਮੀਂਹ ਕਾਰਨ ਜਲਥਲ
– ਡੀਸੀ-ਐਸਪੀ ਦੇ ਘਰ ‘ਚ ਵੜਿਆ ਪਾਣੀ
ਹਰਿਆਣਾ, 1 ਜੁਲਾਈ (ਵਿਸ਼ਵ ਵਾਰਤਾ): ਅੱਜ ਸਵੇਰ ਤੋਂ ਹੀ ਹਰਿਆਣਾ (Haryana) ਦੇ 7 ਜ਼ਿਲ੍ਹਿਆਂ ਵਿੱਚ ਮੀਂਹ ਪੈ ਰਿਹਾ ਹੈ। ਇਨ੍ਹਾਂ ਵਿੱਚ ਪਾਣੀਪਤ, ਝੱਜਰ, ਰੇਵਾੜੀ, ਜੀਂਦ, ਮਹਿੰਦਰਗੜ੍ਹ, ਚਰਖੀ ਦਾਦਰੀ ਅਤੇ ਸੋਨੀਪਤ ਸ਼ਾਮਲ ਹਨ। ਭਿਵਾਨੀ, ਅੰਬਾਲਾ ਅਤੇ ਕਰਨਾਲ ਵਿੱਚ ਵੀ ਬੱਦਲਵਾਈ ਹੈ। ਮੌਸਮ ਵਿਭਾਗ ਨੇ ਯਮੁਨਾਨਗਰ, ਕਰਨਾਲ, ਪਾਣੀਪਤ, ਸੋਨੀਪਤ ਅਤੇ ਝੱਜਰ ਵਿੱਚ ਵੀ ਭਾਰੀ ਮੀਂਹ ਪੈਣ ਦਾ ਅਲਰਟ ਜਾਰੀ ਕੀਤਾ ਹੈ। ਇਸ ਵਿਚਾਲੇ ਭਾਰੀ ਮੀਂਹ ਦੌਰਾਨ,ਚਰਖੀ ਦਾਦਰੀ ਦੇ ਡੀਸੀ ਮੁਨੀਸ਼ ਸ਼ਰਮਾ ਅਤੇ ਐਸਪੀ ਅਰਸ਼ ਵਰਮਾ ਦੇ ਸਰਕਾਰੀ ਨਿਵਾਸ ਸਥਾਨ ਦੇ ਬਾਹਰ ਭਾਰੀ ਪਾਣੀ ਭਰ ਗਿਆ, ਜਿਸ ਤੋਂ ਬਾਅਦ ਪਾਣੀ ਉਨ੍ਹਾਂ ਦੇ ਘਰਾਂ ਵਿੱਚ ਦਾਖਲ ਹੋ ਗਿਆ।
ਚਰਖੀ ਦਾਦਰੀ ਵਿੱਚ ਵੀ ਭਾਰੀ ਮੀਂਹ ਕਾਰਨ ਇੱਕ ਕਿਸਾਨ ਦਾ ਟੀਨ ਸ਼ੈੱਡ ਉੱਡ ਗਿਆ ਅਤੇ ਹੇਠਾਂ ਖੜ੍ਹਾ ਬਾਈਕ ਮਲਬੇ ਹੇਠ ਦੱਬ ਗਿਆ। ਯਮੁਨਾਨਗਰ ਵਿੱਚ ਮੀਂਹ ਤੋਂ ਬਾਅਦ ਨਾਲਾ ਓਵਰਫਲੋ ਹੋ ਗਿਆ। ਜਿਸ ਕਾਰਨ ਸਰਸਵਤੀ ਸ਼ੂਗਰ ਮਿੱਲ ਦੇ ਤਿੰਨੋਂ ਗੋਦਾਮ ਪਾਣੀ ਵਿੱਚ ਡੁੱਬ ਗਏ। ਇਸ ਕਾਰਨ ਅੰਦਰ ਰੱਖੀ 80 ਹਜ਼ਾਰ ਕੁਇੰਟਲ ਖੰਡ ਖਰਾਬ ਹੋ ਗਈ। ਜਿਸ ਦੀ ਕੀਮਤ ਕਰੋੜਾਂ ਰੁਪਏ ਦੱਸੀ ਜਾ ਰਹੀ ਹੈ।
ਇਸ ਦੇ ਇਲਾਵਾ ਮੀਂਹ ਕਾਰਨ ਬੀਤੀ ਰਾਤ ਯਮੁਨਾ ਵਿੱਚ ਅਚਾਨਕ ਪਾਣੀ ਭਰ ਗਿਆ। ਜਿਸ ਕਾਰਨ 3 ਡੰਪਰ ਅਤੇ ਇੱਕ ਜੇਸੀਬੀ ਇਸ ਵਿੱਚ ਡੁੱਬ ਗਏ। ਪਾਣੀ ਦਾ ਵਹਾਅ ਇੰਨਾ ਤੇਜ਼ ਸੀ ਕਿ ਡਰਾਈਵਰਾਂ ਨੂੰ ਭੱਜਣ ਦਾ ਮੌਕਾ ਵੀ ਨਹੀਂ ਮਿਲਿਆ। ਉਨ੍ਹਾਂ ਨੇ ਡੰਪਰ ਦੀ ਛੱਤ ‘ਤੇ ਚੜ੍ਹ ਕੇ ਆਪਣੀ ਜਾਨ ਬਚਾਈ। ਉਨ੍ਹਾਂ ਨੂੰ ਕਿਸ਼ਤੀ ਰਾਹੀਂ ਬਚਾਇਆ ਗਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
