Haryana : 10ਵੀਂ ਜਮਾਤ ਦਾ ਨਤੀਜਾ ਜਾਰੀ; ਭਿਵਾਨੀ ਦੀ ਦੀਪਿਕਾ ਨੇ ਚਮਕਾਇਆ ਨਾਮ!
ਹਰਿਆਣਾ, 14 ਮਈ 2026 (ਵਿਸ਼ਵ ਵਾਰਤਾ): ਹਰਿਆਣਾ ਵਿਦਿਆਲਿਆ ਸਿੱਖਿਆ ਬੋਰਡ ਵੱਲੋਂ ਅੱਜ ਯਾਨੀ ਕਿ 14 ਮਈ, ਵੀਰਵਾਰ ਨੂੰ 10ਵੀਂ ਦਾ ਨਤੀਜਾ ਜਾਰੀ ਕਰ ਦਿੱਤਾ ਗਿਆ ਹੈ। ਸੂਬੇ ਵਿੱਚ 16 ਵਿਦਿਆਰਥੀਆਂ ਨੇ ਟੌਪਰਾਂ ਦੀ ਸੂਚੀ ਵਿੱਚ ਥਾਂ ਬਣਾਈ ਹੈ। ਭਿਵਾਨੀ ਦੀ ਦੀਪਿਕਾ 500 ਵਿੱਚੋਂ 499 ਨੰਬਰ ਲੈ ਕੇ ਸਟੇਟ ਟੌਪਰ ਬਣੀ ਹੈ।
4 ਵਿਦਿਆਰਥੀ – ਰੌਨਕ (ਚਰਖੀ ਦਾਦਰੀ), ਖੁਸ਼ੀ (ਹਿਸਾਰ), ਅੰਤੂ (ਹਿਸਾਰ) ਅਤੇ ਦਿਪਾਂਸ਼ੂ (ਮਹਿੰਦਰਗੜ੍ਹ) ਦੂਜੇ ਸਥਾਨ ‘ਤੇ ਰਹੇ ਹਨ। ਜਦਕਿ 11 ਵਿਦਿਆਰਥੀ ਸਾਂਝੇ ਤੌਰ ‘ਤੇ ਤੀਜੇ ਸਥਾਨ ‘ਤੇ ਰਹੇ। ਬੋਰਡ ਚੇਅਰਮੈਨ ਡਾ. ਪਵਨ ਕੁਮਾਰ ਨੇ ਦੱਸਿਆ ਕਿ ਸੂਬੇ ਵਿੱਚ ਇਸ ਵਾਰ 2 ਲੱਖ 76 ਹਜ਼ਾਰ 640 ਵਿਦਿਆਰਥੀਆਂ ਨੇ ਦਸਵੀਂ ਦੀ ਪ੍ਰੀਖਿਆ ਦਿੱਤੀ ਸੀ, ਜਿਨ੍ਹਾਂ ਵਿੱਚੋਂ 2 ਲੱਖ 47 ਹਜ਼ਾਰ 860 ਯਾਨੀ 89.6% ਪਾਸ ਹੋਏ ਹਨ।
ਬੋਰਡ ਚੇਅਰਮੈਨ ਨੇ ਕਿਹਾ, “ਇਸ ਪ੍ਰੀਖਿਆ ਵਿੱਚ ਸ਼ਾਮਲ 1,33,530 ਵਿਦਿਆਰਥਣਾਂ ਵਿੱਚੋਂ 1,22,367 ਪਾਸ ਹੋਈਆਂ ਹਨ, ਇਨ੍ਹਾਂ ਦੀ ਪਾਸ ਪ੍ਰਤੀਸ਼ਤਤਾ 91.64 ਰਹੀ, ਜਦੋਂ ਕਿ 1,43,110 ਵਿਦਿਆਰਥੀਆਂ ਵਿੱਚੋਂ 1,25,493 ਪਾਸ ਹੋਏ ਹਨ ਅਤੇ ਇਨ੍ਹਾਂ ਦੀ ਪਾਸ ਪ੍ਰਤੀਸ਼ਤਤਾ 87.69 ਰਹੀ ਹੈ। ਇਸ ਤਰ੍ਹਾਂ ਵਿਦਿਆਰਥਣਾਂ ਨੇ ਵਿਦਿਆਰਥੀਆਂ ਨਾਲੋਂ 3.95 ਫੀਸਦੀ ਜ਼ਿਆਦਾ ਪਾਸ ਪ੍ਰਤੀਸ਼ਤਤਾ ਦਰਜ ਕਰਕੇ ਬੜ੍ਹਤ ਹਾਸਲ ਕੀਤੀ ਹੈ।”
