Firing on Gym Owner: ਮੋਹਾਲੀ ਵਿੱਚ ਜਿਮ ਮਾਲਕ ‘ਤੇ ਚੱਲੀ ਗੋਲੀ: ਹਮਲਾਵਰਾਂ ਨੇ ਪੰਜ ਗੋਲੀਆਂ ਚਲਾਈਆਂ
– ਸੀਸੀਟੀਵੀ ਵਿੱਚ ਬਾਈਕ ਸਵਾਰ ਹਮਲਾਵਰ ਭੱਜਦੇ ਦਿਖਾਈ ਦਿੱਤੇ
– ਚੰਡੀਗੜ੍ਹ ਦੇ ਹੋਟਲ ‘ਤੇ ਵੀ ਗੋਲੀਆਂ ਚਲਾਈਆਂ
ਮੋਹਾਲੀ, 25 ਸਤੰਬਰ 2025 (ਵਿਸ਼ਵ ਵਾਰਤਾ) – ਵੀਰਵਾਰ ਸਵੇਰੇ ਲਗਭਗ 4:50 ਵਜੇ, ਮੋਹਾਲੀ ਦੇ ਫੇਜ਼ 2 ਵਿੱਚ ਬਾਈਕ ਸਵਾਰ ਹਮਲਾਵਰਾਂ (Firing on Gym Owner) ਨੇ ਜਿਮ ਮਾਲਕ ਵਿੱਕੀ ‘ਤੇ ਪੰਜ ਗੋਲੀਆਂ ਚਲਾ ਦਿੱਤੀਆਂ। ਜਿਸ ‘ਚੋਂ ਵਿੱਕੀ ਨੂੰ ਚਾਰ ਗੋਲੀਆਂ ਲੱਗੀਆਂ, ਚਾਰੋਂ ਗੋਲੀਆਂ ਉਸ ਦੀਆਂ ਲੱਤਾਂ ਵਿੱਚ ਲੱਗੀਆਂ ਹਨ। ਜਿਸ ਤੋਂ ਬਾਅਦ ਜ਼ਖਮੀ ਹਲਾਤ ‘ਚ ਜਿਮ ਟ੍ਰੇਨਰ ਉਸਨੂੰ ਬਾਈਕ ‘ਤੇ ਇੰਡਸ ਹਸਪਤਾਲ ਲੈ ਗਿਆ। ਉਸਦੀ ਨਾਜ਼ੁਕ ਹਾਲਤ ਨੂੰ ਦੇਖਦੇ ਹੋਏ, ਉਸਨੂੰ ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਗਿਆ। ਪਰਿਵਾਰ ਦਾ ਦੋਸ਼ ਹੈ ਕਿ ਹਮਲਾ ਨਿੱਜੀ ਰੰਜਿਸ਼ ਕਾਰਨ ਹੋਇਆ ਹੈ।
ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਗੋਲੀਬਾਰੀ ਦੀ ਆਵਾਜ਼ ਅਤੇ ਹਮਲਾਵਰ ਬਾਈਕ ‘ਤੇ ਭੱਜਦੇ ਦਿਖਾਈ ਦੇ ਰਹੇ ਹਨ। ਰਿਪੋਰਟਾਂ ਅਨੁਸਾਰ, ਹਮਲਾਵਰਾਂ ਨੇ ਚੰਡੀਗੜ੍ਹ ਦੇ ਕਜਹੇੜੀ ਵਿੱਚ ਇੱਕ ਹੋਟਲ ‘ਤੇ ਵੀ ਗੋਲੀਆਂ (Firing on Gym Owner) ਚਲਾਈਆਂ। ਵਿੱਕੀ ਜਿਮ ਦੇ ਬਾਹਰ ਆਪਣੀ ਬਲੇਨੋ ਕਾਰ ਵਿੱਚ ਪਿਆ ਸੀ ਜਦੋਂ ਬਾਈਕ ‘ਤੇ ਸਵਾਰ ਹਮਲਾਵਰਾਂ ਨੇ ਉਸ ‘ਤੇ ਗੋਲੀਆਂ ਚਲਾਈਆਂ। ਜਿਮ ਮਾਲਕ ਦੀਆਂ ਲੱਤਾਂ ਵਿੱਚ ਗੋਲੀਆਂ ਲੱਗੀਆਂ।
ਫੇਜ਼ 2 ਮਾਰਕੀਟ ਦੇ ਚੌਕੀਦਾਰ ਨੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕੀਤਾ। ਫੇਜ਼ 1 ਪੁਲਿਸ ਸਟੇਸ਼ਨ ਘਟਨਾ ਦੀ ਜਾਂਚ ਕਰ ਰਿਹਾ ਹੈ। ਫਿਲਹਾਲ ਇਹ ਪਤਾ ਨਹੀਂ ਲੱਗਿਆ ਹੈ ਕਿ ਗੋਲੀਆਂ ਕਿਸਨੇ ਚਲਾਈਆਂ।
ਇੱਕ ਚਸ਼ਮਦੀਦ ਨੇ ਦੱਸਿਆ ਕਿ ਇਹ ਘਟਨਾ ਸ਼ਾਮ 4:50 ਤੋਂ 5 ਵਜੇ ਦੇ ਵਿਚਕਾਰ ਵਾਪਰੀ। “ਅਸੀਂ ਆਪਣਾ ਕੰਮ ਕਰ ਰਹੇ ਸੀ ਜਦੋਂ ਸਾਨੂੰ ਆਵਾਜ਼ਾਂ ਸੁਣੀਆਂ। ਸਾਨੂੰ ਲੱਗਾ ਕਿ ਪਟਾਕੇ ਚੱਲ ਰਹੇ ਹਨ। ਅਚਾਨਕ ਇੱਕ ਮੁੰਡਾ ਬਾਹਰ ਆਇਆ ਅਤੇ ਕਿਹਾ ਕਿ ਗੋਲੀ (Firing on Gym Owner) ਚੱਲੀ ਹੈ। ਜਦੋਂ ਅਸੀਂ ਪਹੁੰਚੇ ਤਾਂ ਅਸੀਂ ਜ਼ਖਮੀ ਵਿਅਕਤੀ ਨੂੰ ਉੱਥੇ ਪਿਆ ਦੇਖਿਆ, ਉਸ ਦੀਆਂ ਲੱਤਾਂ ਵਿੱਚੋਂ ਖੂਨ ਵਹਿ ਰਿਹਾ ਸੀ। ਜਿੰਮ ‘ਚ ਜੋ ਮੁੰਡੇ ਆਏ ਸੀ, ਉਹ ਉਸਨੂੰ ਜ਼ਖਮੀ ਹਾਲਤ ‘ਚ ਹਸਪਤਾਲ ਲੈ ਗਏ।”
ਮੌਕੇ ‘ਤੇ ਪਹੁੰਚੇ ਐਸਆਈ ਜਸਵੰਤ ਸਿੰਘ ਨੇ ਕਿਹਾ ਕਿ ਜ਼ਖਮੀ ਵਿਅਕਤੀ ਹਸਪਤਾਲ ਵਿੱਚ ਹੈ। ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਅਸੀਂ ਇਸ ਸਮੇਂ ਜਾਂਚ ਕਰ ਰਹੇ ਹਾਂ ਕਿ ਉੱਥੇ ਕਿੰਨੇ ਲੋਕ ਸਨ ਅਤੇ ਉਹ ਕਿੱਥੋਂ ਆਏ ਸਨ। ਬਲੇਨੋ ਕਾਰ ਨੂੰ ਜ਼ਬਤ ਕਰ ਲਿਆ ਗਿਆ ਹੈ। ਜਾਣਕਾਰੀ ਅਨੁਸਾਰ, ਵਿੱਕੀ 7 ਸਾਲਾਂ ਤੋਂ ਮੋਹਾਲੀ ਦੇ ਫੇਜ਼ 2 ਵਿੱਚ ਇੱਕ ਜਿੰਮ ਚਲਾ ਰਿਹਾ ਹੈ। ਪਰਿਵਾਰ ਵਿੱਚ ਉਸਦੇ ਮਾਤਾ-ਪਿਤਾ, ਪਤਨੀ ਅਤੇ ਦੋ ਪੁੱਤਰ, ਇੱਕ ਚਾਰ ਸਾਲ ਦਾ ਅਤੇ ਦੂਜਾ ਇੱਕ ਸਾਲ ਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
