Fifa World Cup: ਈਰਾਨ ਫੁੱਟਬਾਲ ਟੀਮ ਅਮਰੀਕਾ ‘ਚ ਖੇਡੇਗੀ ਮੈਚ, ਮੈਕਸੀਕੋ ਵਿੱਚ ਹੋਵੇਗਾ ਠਿਕਾਣਾ
ਨਵੀਂ ਦਿੱਲੀ, 27 ਮਈ (ਵਿਸ਼ਵ ਵਾਰਤਾ): ਈਰਾਨ ਦੀ ਰਾਸ਼ਟਰੀ ਫੁੱਟਬਾਲ ਟੀਮ ਫੀਫਾ ਵਰਲਡ ਕੱਪ ਲਈ ਮੈਕਸੀਕੋ ਵਿੱਚ ਰੁਕੇਗੀ। ਈਰਾਨ ਦੀ ਟੀਮ ਅਮਰੀਕਾ ‘ਚ ਸਿਰਫ ਆਪਣੇ ਮੈਚ ਖੇਡਣ ਜਾਵੇਗੀ ਅਤੇ ਮੈਚ ਖੇਡ ਕੇ ਫੇਰ ਵਾਪਿਸ ਮੈਕਸੀਕੋ ਆ ਜਾਵੇਗੀ। ਦੱਸ ਦਈਏ ਕਿ ਈਰਾਨ ਆਪਣੇ ਤਿੰਨ ਵਿਸ਼ਵ ਕੱਪ ਮੈਚਾਂ ਲਈ ਮੈਚ ਵਾਲੇ ਦਿਨਾਂ ਹੀ ਅਮਰੀਕਾ ਦੀ ਯਾਤਰਾ ਕਰੇਗੀ। ਮੈਕਸੀਕੋ ਨੇ ਈਰਾਨ ਦੀ ਫੁੱਟਬਾਲ ਟੀਮ ਨੂੰ ਮੈਕਸੀਕੋ ਵਿੱਚ ਰਹਿਣ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਰਾਸ਼ਟਰਪਤੀ ਕਲਾਉਡੀਆ ਸ਼ੀਨਬੌਮ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੂੰ ਇਸ ਨਾਲ ਕੋਈ ਸਮੱਸਿਆ ਨਹੀਂ ਹੈ।
ਈਰਾਨ ਆਪਣੇ ਗਰੁੱਪ ਰਾਊਂਡ ਮੈਚ ਸੰਯੁਕਤ ਰਾਜ ਅਮਰੀਕਾ ਵਿੱਚ ਖੇਡਣ ਵਾਲਾ ਹੈ। ਟੀਮ ਨਿਰਧਾਰਤ ਸਮੇਂ ਅਨੁਸਾਰ ਖੇਡੇਗੀ। ਇਹ ਮੈਚ ਵਾਲੇ ਦਿਨ ਸੰਯੁਕਤ ਰਾਜ ਅਮਰੀਕਾ ਦੀ ਯਾਤਰਾ ਕਰੇਗੀ ਅਤੇ ਉਸੇ ਦਿਨ ਮੈਕਸੀਕੋ ਵਾਪਸ ਆਵੇਗੀ। ਈਰਾਨ ਫੁੱਟਬਾਲ ਟੀਮ ਦਾ ਬੇਸ ਕੈਂਪ ਮੈਕਸੀਕੋ ਦੇ ਤਿਜੁਆਨਾ ਵਿੱਚ ਬਣਾਇਆ ਗਿਆ ਹੈ ਜੋ ਕਿ ਕੈਲੀਫੋਰਨੀਆ ਦੇ ਦੱਖਣ ਵਿੱਚ ਸਥਿਤ ਹੈ। ਈਰਾਨੀ ਫੁੱਟਬਾਲ ਫੈਡਰੇਸ਼ਨ ਨੇ ਹਾਲ ਹੀ ਵਿੱਚ ਇਸ ਬਦਲਾਅ ਦਾ ਐਲਾਨ ਕੀਤਾ ਹੈ, ਅਤੇ ਫੀਫਾ ਨੇ ਵੀ ਇਸਦੀ ਪੁਸ਼ਟੀ ਕੀਤੀ ਹੈ।
ਰਾਸ਼ਟਰਪਤੀ ਸ਼ੀਨਬੌਮ ਨੇ ਮੀਡੀਆ ਨੂੰ ਦੱਸਿਆ ਕਿ ਫੀਫਾ ਨੇ ਉਨ੍ਹਾਂ ਦੀ ਸਰਕਾਰ ਨਾਲ ਸੰਪਰਕ ਕੀਤਾ ਅਤੇ ਪੁੱਛਿਆ ਕਿ ਕੀ ਈਰਾਨੀ ਟੀਮ ਮੈਕਸੀਕੋ ਵਿੱਚ ਰਹਿ ਸਕਦੀ ਹੈ, ਕਿਉਂਕਿ ਅਮਰੀਕਾ ਈਰਾਨੀ ਫੁੱਟਬਾਲ ਟੀਮ ਨੂੰ ਮੈਕਸੀਕੋ ਵਿੱਚ ਰਹਿਣ ਦੀ ਇਜਾਜ਼ਤ ਦੇਣ ਲਈ ਤਿਆਰ ਨਹੀਂ ਸੀ। ਇਸ ਤੋਂ ਬਾਅਦ, ਫੀਫਾ ਨੇ ਸਾਨੂੰ ਪੁੱਛਿਆ ਕਿ ਕੀ ਉਹ ਮੈਕਸੀਕੋ ਵਿੱਚ ਰਹਿ ਸਕਦੇ ਹਨ, ਅਤੇ ਅਸੀਂ ਤੁਰੰਤ ਸਹਿਮਤ ਹੋ ਗਏ।”
ਦੱਸ ਦਈਏ ਕਿ 2026 ਫੀਫਾ ਵਿਸ਼ਵ ਕੱਪ 11 ਜੂਨ ਨੂੰ ਸ਼ੁਰੂ ਹੋ ਰਿਹਾ ਹੈ। ਫਾਈਨਲ ਮੈਚ 19 ਜੁਲਾਈ ਨੂੰ ਹੋਵੇਗਾ। ਇਸ ਟੂਰਨਾਮੈਂਟ ਦੀ ਮੇਜ਼ਬਾਨੀ ਅਮਰੀਕਾ, ਮੈਕਸੀਕੋ ਅਤੇ ਕੈਨੇਡਾ ਕਰ ਰਹੇ ਹਨ। ਈਰਾਨ ਗਰੁੱਪ ਜੀ ਵਿੱਚ ਹੈ, ਜਿਸ ਵਿੱਚ ਬੈਲਜੀਅਮ, ਮਿਸਰ ਅਤੇ ਨਿਊਜ਼ੀਲੈਂਡ ਵੀ ਸ਼ਾਮਲ ਹਨ। ਈਰਾਨ ਆਪਣਾ ਪਹਿਲਾ ਮੈਚ 15 ਜੂਨ ਨੂੰ ਇੰਗਲਵੁੱਡ ਦੇ ਸੋਫੀ ਸਟੇਡੀਅਮ ਵਿੱਚ ਨਿਊਜ਼ੀਲੈਂਡ ਵਿਰੁੱਧ ਖੇਡੇਗਾ। ਟੀਮ 21 ਜੂਨ ਨੂੰ ਉਸੇ ਸਥਾਨ ‘ਤੇ ਬੈਲਜੀਅਮ ਦਾ ਸਾਹਮਣਾ ਕਰੇਗੀ। ਮਿਸਰ ਵਿਰੁੱਧ ਈਰਾਨ ਦਾ ਆਖਰੀ ਗਰੁੱਪ ਮੈਚ ਸੀਏਟਲ ਦੇ ਲੂਮੇਨ ਫੀਲਡ ਵਿੱਚ ਹੋਵੇਗਾ। ਇੰਗਲਵੁੱਡ ਮੈਕਸੀਕੋ ਦੇ ਟਿਜੁਆਨਾ ਤੋਂ ਸਿਰਫ 225 ਕਿਲੋਮੀਟਰ ਦੂਰ ਹੈ, ਜਦੋਂ ਕਿ ਸੀਏਟਲ 2000 ਕਿਲੋਮੀਟਰ ਦੂਰ ਹੈ।
ਜ਼ਿਕਰਯੋਗ ਹੈ ਕਿ ਸੰਯੁਕਤ ਰਾਜ ਅਮਰੀਕਾ ਇਸ ਵੇਲੇ ਈਰਾਨ ਫਰਵਰੀ ਤੋਂ ਨਾਲ ਜੰਗ ‘ਚ ਉਲਝਿਆ ਹੋਇਆ ਹੈ। ਇਸਨੂੰ ਰੋਕਣ ਲਈ ਕਈ ਕੋਸ਼ਿਸ਼ਾਂ ਕੀਤੀਆਂ ਗਈਆਂ ਹਨ, ਪਰ ਹੁਣ ਤੱਕ ਸਫਲਤਾ ਨਹੀਂ ਮਿਲੀ ਹੈ। ਇਸੀ ਤਣਾਅ ਦੇ ਵਿਚਕਾਰ ਅਮਰੀਕਾ ਨੇ ਈਰਾਨੀ ਟੀਮ ਨੂੰ ਰਹਿਣ ਲਈ ਇਜਾਜ਼ਤ ਨਹੀਂ ਦਿੱਤੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
