Doraemon ਦੇ ਡਾਇਰੈਕਟਰ ਸ਼ਿਬਯਾਮਾ ਸੁਤੋਮੂ ਦਾ ਦਿਹਾਂਤ
ਨਵੀ ਦਿੱਲੀ, 19 ਮਾਰਚ 2026 (ਵਿਸ਼ਵ ਵਾਰਤਾ) : ਜਾਪਾਨੀ ਐਨੀਮੇਸ਼ਨ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਪ੍ਰਸਿੱਧ ਐਨੀਮੇ ਲੜੀ ਡੋਰੇਮੋਨ ਦੇ ਨਿਰਦੇਸ਼ਕ ਸ਼ਿਬਾਯਾਮਾ ਸੁਤੋਮੂ ਦਾ 84 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਸ਼ਿਬਾਯਾਮਾ ਸੁਤੋਮੂ ਲੰਬੇ ਸਮੇਂ ਤੋਂ ਫੇਫੜਿਆਂ ਦੇ ਕੈਂਸਰ ਨਾਲ ਜੂਝ ਰਹੇ ਸਨ। ਸ਼ਿਬਾਯਾਮਾ ਸੁਤੋਮੂ ਦੀ ਮੌਤ ਦੀ ਪੁਸ਼ਟੀ ਅਜੀਆ-ਡੂ ਐਨੀਮੇਸ਼ਨ ਵਰਕਸ ਦੁਆਰਾ ਕੀਤੀ ਗਈ।
ਦੱਸਿਆ ਜਾ ਰਿਹਾ ਹੈ ਕਿ ਸ਼ਿਬਾਯਾਮਾ ਸੁਤੋਮੂ ਦੀ ਮੌਤ 6 ਮਾਰਚ ਨੂੰ ਹੋਈ ਸੀ। ਸਟੂਡੀਓ ਦੇ ਅਨੁਸਾਰ, ਸ਼ਿਬਾਯਾਮਾ ਸੁਤੋਮੂ ਦਾ ਅੰਤਿਮ ਸੰਸਕਾਰ ਬਹੁਤ ਹੀ ਨਿੱਜੀ ਢੰਗ ਨਾਲ ਕੀਤਾ ਗਿਆ। ਸ਼ਿਬਾਯਾਮਾ ਸੁਤੋਮੂ ਦੇ ਪਰਿਵਾਰ ਦੀ ਇੱਛਾ ਦੇ ਕਾਰਨ, ਸੁਤੋਮੂ ਦੀ ਮੌਤ ਦੀ ਖ਼ਬਰ ਨੂੰ ਕੁਝ ਸਮੇਂ ਲਈ ਗੁਪਤ ਰੱਖਿਆ ਗਿਆ ਸੀ।
ਸ਼ਿਬਾਯਾਮਾ ਸੁਤੋਮੂ ਦਾ ਨਾਮ ‘ਡੋਰੇਮੋਨ’ ਨਾਲ ਕਾਫੀ ਲੰਬੇ ਸਮੇ ਤੋਂ ਜੁੜਿਆ ਹੋਇਆ ਹੈ। ਸ਼ਿਬਾਯਾਮਾ ਸੁਤੋਮੂ ਨੇ 1979 ਵਿੱਚ ਇਸ ਪ੍ਰਸਿੱਧ ਸੀਰੀਜ਼ ਦੇ ਨਿਰਦੇਸ਼ਨ ਵਜੋਂ ਕਮਾਨ ਸੰਭਾਲੀ ਅਤੇ ਇਸਨੂੰ ਨਵੀਆਂ ਉਚਾਈਆਂ ਤੱਕ ਪਹੁੰਚਾਇਆ। ਸ਼ਿਬਾਯਾਮਾ ਸੁਤੋਮੂ ਦੇ ਨਿਰਦੇਸ਼ਨ ਹੇਠ ‘ਡੋਰੇਮੋਨ’ ਸਿਰਫ਼ ਜਾਪਾਨ ਹੀ ਨਹੀਂ, ਸਗੋਂ ਦੁਨੀਆ ਭਰ ਵਿੱਚ ਬੱਚਿਆਂ ਅਤੇ ਵੱਡਿਆਂ ਦੇ ਦਿਲਾਂ ਵਿੱਚ ਖ਼ਾਸ ਜਗ੍ਹਾ ਬਣਾਉਣ ਵਿੱਚ ਕਾਮਯਾਬ ਰਿਹਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
