Dominican Republic ਦੀ ਜੋਹੇਰੀ ਮੋਲਾ ਡੋਮਿੰਗੁਏਜ਼ ਦੇ ਸਿਰ ਸਜਿਆ ਮਿਸ ਵਰਲਡ 2026 ਦਾ ਤਾਜ
ਚੰਡੀਗੜ੍ਹ, 5 ਸਤੰਬਰ (ਵਿਸ਼ਵ ਵਾਰਤਾ) ਡੋਮਿਨਿਕਨ ਰਿਪਬਲਿਕ (Dominican Republic) ਦੀ ਜੋਹੇਰੀ ਮੋਲਾ ਡੋਮਿੰਗੁਏਜ਼ (Joheirry Mola Dominguez) ਨੇ ਮਿਸ ਵਰਲਡ 2026 ਦਾ ਤਾਜ ਆਪਣੇ ਸਿਰ ਸਜਾ ਲਿਆ ਹੈ। ਸੁੰਦਰਤਾ ਮੁਕਾਬਲੇ ਦਾ ਗ੍ਰੈਂਡ ਫਿਨਾਲੇ ਸ਼ਨੀਵਾਰ ਨੂੰ ਵੀਅਤਨਾਮ ਦੇ ਨਹਾ ਤ੍ਰਾਂਗ ਵਿੱਚ ਹੋਇਆ। ਮਿਸ ਵਰਲਡ 2025, ਓਪਲ ਸੁਚਾਤਾ ਚੁਆਂਗਸਰੀ, ਨੇ ਨਵੀਂ ਮਿਸ ਵਰਲਡ 2026 ਦਾ ਤਾਜ ਪਹਿਨਾਇਆ। ਸਪੇਨ ਦੀ ਐਲਿਜ਼ਾਬੈਥ ਰੇਨੇਸ ਉਪ ਜੇਤੂ ਰਹੀ, ਜਦੋਂ ਕਿ ਮਲੇਸ਼ੀਆ ਦੀ ਤਨੁਸੀਆ ਚੇਟੀ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।
ਗੌਰਤਲਬ ਹੈ ਕਿ ਨਿਕਿਤਾ ਪੋਰਵਾਲ ਨੇ ਮੁਕਾਬਲੇ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ। ਹਾਲਾਂਕਿ, ਉਹ ਸਿਰਫ ਟੌਪ 40 ਰਾਊਂਡ ਵਿੱਚ ਪਹੁੰਚੀ ਅਤੇ ਟੌਪ 20 ਵਿੱਚ ਅੱਗੇ ਨਹੀਂ ਵਧ ਸਕੀ। ਇਹ ਮਿਸ ਵਰਲਡ ਮੁਕਾਬਲੇ ਦਾ 73ਵਾਂ ਐਡੀਸ਼ਨ ਸੀ, ਇਸ ਸਮਾਗਮ ਨੇ ਆਪਣੀ 75ਵੀਂ ਵਰ੍ਹੇਗੰਢ ਵੀ ਮਨਾਈ।
ਸਮਾਰੋਹ ਦੌਰਾਨ, ਇਹ ਐਲਾਨ ਕੀਤਾ ਗਿਆ ਕਿ ਮਿਸ ਵਰਲਡ 2027 ਅਗਲੇ ਸਾਲ ਤਨਜ਼ਾਨੀਆ ਵਿੱਚ ਆਯੋਜਿਤ ਕੀਤੀ ਜਾਵੇਗੀ।
