ਦਿੱਲੀ ਇਮਾਰਤ ਹਾਦਸਾ: ਮਾਲਕ ਹਰੀਰਾਮ ਬੰਸਲ ਗ੍ਰਿਫ਼ਤਾਰ
ਹਾਦਸੇ ਵਿੱਚ ਹੁਣ ਤੱਕ 7 ਲੋਕਾਂ ਦੀ ਮੌਤ, ਸਾਹਮਣੇ ਆਈ ਸੂਚੀ
ਨਵੀ ਦਿੱਲੀ, 7 ਸਤੰਬਰ 2026 (ਵਿਸ਼ਵ ਵਾਰਤਾ): ਈਸਟ ਦਿੱਲੀ ਦੇ ਸਤਯ ਨਿਕੇਤਨ ਇਲਾਕੇ ਵਿੱਚ 6 ਸਤੰਬਰ ਨੂੰ ਜੋ ਇਮਾਰਤ ਡਿੱਗੀ ਸੀ, ਪੁਲਿਸ ਨੇ ਉਸ ਦੇ ਮਾਲਕ ਹਰੀਰਾਮ ਬੰਸਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਨੇ ਉਸ ਨੂੰ ਰਾਜਸਥਾਨ ਦੇ ਭਿਵਾੜੀ ਤੋਂ ਫੜਿਆ ਹੈ ਅਤੇ ਦਿੱਲੀ ਲੈ ਆਈ ਹੈ। ਪੁਲਿਸ ਉਸ ਤੋਂ ਪੁੱਛਗਿੱਛ ਕਰ ਰਹੀ ਹੈ।
ਦੱਸ ਦਈਏ ਕਿ ਹਾਦਸੇ ਵਿੱਚ ਹੁਣ ਤੱਕ 7 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਰੈਸਕਿਊ ਟੀਮ ਨੇ ਸੋਮਵਾਰ ਸਵੇਰੇ ਮਲਬੇ ਵਿੱਚੋਂ ਇੱਕ ਹੋਰ ਲਾਸ਼ ਕੱਢੀ। ਉੱਥੇ ਹੀ 12 ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ। ਇਨ੍ਹਾਂ ਵਿੱਚੋਂ 5 ਦੀ ਹਾਲਤ ਗੰਭੀਰ ਹੈ। ਅਜੇ ਵੀ ਕੁਝ ਲੋਕਾਂ ਦੇ ਦਬੇ ਹੋਣ ਦਾ ਖ਼ਤਰਾ ਹੈ। ਰੈਸਕਿਊ ਕੁੱਤਿਆਂ ਅਤੇ ਕੈਮਰਿਆਂ ਦੀ ਸਹਾਇਤਾ ਨਾਲ ਲੋਕਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਇਹ ਹਾਦਸਾ ਦਿੱਲੀ ਯੂਨੀਵਰਸਿਟੀ ਦੇ ਸਾਊਥ ਕੈਂਪਸ ਕੋਲ ਸਤਯ ਨਿਕੇਤਨ ਵਿੱਚ ਐਤਵਾਰ ਦੁਪਹਿਰ ਕਰੀਬ 1:30 ਵਜੇ ਹੋਇਆ। 5 ਮੰਜ਼ਿਲਾ ਇਮਾਰਤ ਵਿੱਚ ਹਾਸਟਲ ਸੀ, ਇਮਾਰਤ ਕਰੀਬ 40 ਸਾਲ ਪੁਰਾਣੀ ਸੀ। ਦਿੱਲੀ ਨਗਰ ਨਿਗਮ (MCD) ਦੇ ਰਿਕਾਰਡ ਵਿੱਚ ਇਸ ਇਮਾਰਤ ਨੂੰ ਖ਼ਤਰਨਾਕ ਘੋਸ਼ਿਤ ਨਹੀਂ ਕੀਤਾ ਗਿਆ ਸੀ।
ਸਥਾਨਕ ਲੋਕਾਂ ਮੁਤਾਬਕ, ਇਮਾਰਤ ਦੇ ਬੇਸਮੈਂਟ ਵਿੱਚ ਪਿਛਲੇ 7 ਦਿਨਾਂ ਤੋਂ ਤੋੜ-ਭੰਨ ਦਾ ਕੰਮ ਚੱਲ ਰਿਹਾ ਸੀ। ਬੇਸਮੈਂਟ ਪਹਿਲਾਂ ਤੋਂ ਕਮਜ਼ੋਰ ਸੀ ਅਤੇ ਉਸ ਵਿੱਚ ਪਾਣੀ ਵੀ ਭਰਿਆ ਹੋਇਆ ਸੀ। ਖੁਦਾਈ ਦੌਰਾਨ ਇੱਕ ਪਿਲਰ ਖਿਸਕ ਗਿਆ, ਜਿਸ ਨਾਲ ਪੂਰੀ ਇਮਾਰਤ ਢਹਿ ਗਈ। ਹਾਦਸੇ ਸਮੇਂ ਉੱਥੇ ਕੰਮ ਕਰ ਰਹੇ ਮਜ਼ਦੂਰ ਵੀ ਮਲਬੇ ਵਿੱਚ ਦੱਬ ਗਏ।
ਮ੍ਰਿਤਕਾਂ ਦੇ ਨਾਮ
1. ਅਭਿਸ਼ੇਕ
2. ਯੁਵਰਾਜ ਸੋਨੀ
3. ਪਵਨ
4. ਅਰਪਿਤ ਜਹਜ
5. ਅਕਸ਼ਤ ਸਿੰਘ ਯਾਦਵ
6. ਸੁਰੇਂਦਰ ਸਿੰਘ
7. ਅਣਪਛਾਤਾ
