Delhi Airport ਦਾ ਤੀਜਾ ਰਨਵੇ ਅੱਜ ਤੋਂ ਹੋਵੇਗਾ ਚਾਲੂ
ਚੰਡੀਗੜ੍ਹ, 20 ਸਤੰਬਰ 2026 (ਵਿਸ਼ਵ ਵਾਰਤਾ) — ਦਿੱਲੀ ਏਅਰਪੋਰਟ ਦਾ ਤੀਜਾ ਰਨਵੇ 11R/29L ਅੱਜ ਤੋਂ ਮੁੜ ਚਾਲੂ ਹੋ ਜਾਵੇਗਾ। ਇਸ ਸਾਲ ਫਰਵਰੀ ਵਿੱਚ ਰੇਨੋਵੇਸ਼ਨ ਦੇ ਕੰਮ ਕਾਰਨ ਇਸ ਰਨਵੇ ਨੂੰ ਬੰਦ ਕੀਤਾ ਗਿਆ ਸੀ। ਕਰੀਬ 7 ਮਹੀਨਿਆਂ ਬਾਅਦ ਇਸ ਨੂੰ ਦੁਬਾਰਾ ਖੋਲ੍ਹਿਆ ਜਾ ਰਿਹਾ ਹੈ।
ਦਿੱਲੀ ਇੰਟਰਨੈਸ਼ਨਲ ਏਅਰਪੋਰਟ ਲਿਮਟਿਡ (DIAL) ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਰਨਵੇ ਚਾਲੂ ਕਰਨ ਤੋਂ ਪਹਿਲਾਂ ਸਾਰੇ ਲੋੜੀਂਦੇ ਇੰਸਪੈਕਸ਼ਨ, ਵੈਲੀਡੇਸ਼ਨ ਅਤੇ ਰੈਗੂਲੇਟਰੀ ਮਨਜ਼ੂਰੀਆਂ ਹਾਸਲ ਕਰ ਲਈਆਂ ਗਈਆਂ ਹਨ।
ਨਵੇਂ ਰਨਵੇ ’ਤੇ ਰੈਪਿਡ ਐਗਜ਼ਿਟ ਟੈਕਸੀਵੇ ਵੀ ਬਣਾਇਆ ਗਿਆ ਹੈ। ਇਸ ਦੀ ਮਦਦ ਨਾਲ ਲੈਂਡਿੰਗ ਤੋਂ ਬਾਅਦ ਜਹਾਜ਼ ਦੀ ਰਫ਼ਤਾਰ ਘੱਟ ਹੁੰਦੇ ਹੀ ਉਹ ਮੁੱਖ ਰਨਵੇ ਤੋਂ ਜਲਦੀ ਬਾਹਰ ਨਿਕਲ ਸਕੇਗਾ। ਇਸ ਨਾਲ ਰਨਵੇ ਘੱਟ ਸਮੇਂ ਵਿੱਚ ਖਾਲੀ ਹੋਵੇਗਾ ਅਤੇ ਅਗਲੇ ਜਹਾਜ਼ ਦੀ ਲੈਂਡਿੰਗ ਜਾਂ ਟੇਕ-ਆਫ ਲਈ ਰਨਵੇ ਜਲਦੀ ਉਪਲਬਧ ਹੋ ਸਕੇਗਾ।
ਇਸ ਨਾਲ ਦਿੱਲੀ ਏਅਰਪੋਰਟ ’ਤੇ ਫਲਾਈਟ ਓਪਰੇਸ਼ਨਾਂ ਦੀ ਸਮਰੱਥਾ ਅਤੇ ਰਨਵੇ ਦੀ ਵਰਤੋਂ ਦੀ ਕੁਸ਼ਲਤਾ ਵਿੱਚ ਸੁਧਾਰ ਆਉਣ ਦੀ ਉਮੀਦ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
