Cricket : ਕਪਤਾਨ ਸ਼ੁਭਮਨ ਗਿੱਲ ਹਸਪਤਾਲ ਵਿੱਚ ਭਰਤੀ
ਨਵੀ ਦਿੱਲੀ, 15 ਨਵੰਬਰ 2025 (ਵਿਸ਼ਵ ਵਾਰਤਾ): ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਨੂੰ ਸ਼ਨੀਵਾਰ ਸ਼ਾਮ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਕੋਲਕਾਤਾ ਟੈਸਟ ਦੇ ਦੂਜੇ ਦਿਨ (15 ਨਵੰਬਰ) ਸ਼ੁਭਮਨ ਗਿੱਲ 3 ਗੇਂਦਾਂ ‘ਤੇ 4 ਦੌੜਾਂ ਬਣਾਉਣ ਤੋਂ ਬਾਅਦ ਰਿਟਾਇਰਡ ਹਰਟ ਹੋ ਗਏ। ਹਾਲਾਂਕਿ ਫਿਜ਼ੀਓ ਤੁਰੰਤ ਮੈਦਾਨ ‘ਤੇ ਪਹੁੰਚੇ, ਪਰ ਸਥਿਤੀ ਹੋਰ ਵੀ ਚਿੰਤਾਜਨਕ ਓਦੋ ਹੋ ਗਈ ਜਦੋਂ ਉਸਨੂੰ ਉਸਦੇ ਗਲੇ ‘ਤੇ ਕਾਲਰ ਬੰਨ੍ਹ ਕੇ ਲਿਜਾਂਦੇ ਦੇਖਿਆ ਗਿਆ, ਜਿਸ ਨਾਲ ਉਸਦੀ ਸੱਟ ਦੀ ਗੰਭੀਰਤਾ ਬਾਰੇ ਹੋਰ ਚਿੰਤਾਵਾਂ ਪੈਦਾ ਹੋ ਗਈਆਂ।
ਸਮਾਚਾਰ ਏਜੰਸੀ ਪੀਟੀਆਈ ਦੇ ਅਨੁਸਾਰ, ਗਿੱਲ ਨੂੰ ਵੁੱਡਲੈਂਡਜ਼ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ ਅਤੇ ਸ਼ਨੀਵਾਰ ਰਾਤ ਨੂੰ ਉਹ ਨਿਗਰਾਨੀ ਹੇਠ ਹੋਣਗੇ। ਭਾਰਤ ਦੇ ਸਹਾਇਕ ਕੋਚ ਮੋਰਨੇ ਮੋਰਕਲ ਨੇ ਕਿਹਾ, “ਸਾਨੂੰ ਇਹ ਪਤਾ ਲਗਾਉਣ ਦੀ ਜ਼ਰੂਰਤ ਹੈ ਕਿ ਉਸਨੂੰ ਗਰਦਨ ਵਿੱਚ ਇਹ ਸਮੱਸਿਆ ਕਿਵੇਂ ਆਈ।ਇਸਦਾ ਕੰਮ ਦੇ ਬੋਝ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।”
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
