Cricket news : 41 ਸਾਲ ਦੀ ਉਮਰ ‘ਚ ਇਸ ਅੰਪਾਇਰ ਦੀ ਹੋਈ ਮੌਤ
– ਕ੍ਰਿਕਟ ਜਗਤ ਵਿੱਚ ਪਸਰਿਆ ਮਾਤਮ
ਨਵੀ ਦਿੱਲੀ, 8 ਜੁਲਾਈ (ਵਿਸ਼ਵ ਵਾਰਤਾ): ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਅੰਪਾਇਰਿੰਗ ਕਰਨ ਵਾਲੇ ਇੱਕ ਅੰਪਾਇਰ ਦੀ ਅਚਾਨਕ ਮੌਤ ਨਾਲ ਪੂਰਾ ਕ੍ਰਿਕਟ ਜਗਤ ਸਦਮੇ ‘ਚ ਹੈ। ਆਈਸੀਸੀ ਦੇ ਅੰਪਾਇਰਿੰਗ ਪੈਨਲ ਦਾ ਹਿੱਸਾ ਰਹੇ ਇੱਕ ਅੰਪਾਇਰ ਦੀ ਮੌਤ ਤੋਂ ਹਰ ਕੋਈ ਦੁਖੀ ਹੈ। ਅੰਤਰਰਾਸ਼ਟਰੀ ਕ੍ਰਿਕਟ ਅੰਪਾਇਰ ਬਿਸਮਿੱਲ੍ਹਾ ਜਾਨ ਸ਼ਿਨਵਾਰੀ ਦਾ ਮਹਿਜ 41 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਅਫਗਾਨਿਸਤਾਨ ਕ੍ਰਿਕਟ ਬੋਰਡ ਨੇ ਮੰਗਲਵਾਰ ਨੂੰ ਇਸਦੀ ਪੁਸ਼ਟੀ ਕੀਤੀ ਹੈ।
ਅਫਗਾਨ ਬੋਰਡ ਨੇ ਆਪਣੇ ਐਕਸ ਹੈਂਡਲ ‘ਤੇ ਲਿਖਿਆ ਕਿ “ਅਫਗਾਨਿਸਤਾਨ ਕ੍ਰਿਕਟ ਬੋਰਡ (ਏਸੀਬੀ) ਦੀ ਲੀਡਰਸ਼ਿਪ, ਸਟਾਫ ਅਤੇ ਪੂਰਾ ਅਫਗਾਨ ਐਟਲਾਨ ਪਰਿਵਾਰ ਬਿਸਮਿੱਲਾ ਜਾਨ ਸ਼ਿਨਵਾਰੀ (1984 – 2025) ਦੇ ਦੇਹਾਂਤ ਤੋਂ ਬਹੁਤ ਹੈਰਾਨ ਅਤੇ ਦੁਖੀ ਹੈ। ਉਹ ਅਫਗਾਨਿਸਤਾਨ ਦੇ ਐਲੀਟ ਅੰਪਾਇਰਿੰਗ ਪੈਨਲ ਦੇ ਇੱਕ ਸਤਿਕਾਰਯੋਗ ਮੈਂਬਰ ਸਨ। ਅਸੀਂ ਡੂੰਘੇ ਦੁੱਖ ਨਾਲ ਇਹ ਜਾਣਕਾਰੀ ਸਾਂਝੀ ਕਰਦੇ ਹਾਂ ਕਿ ਸ਼ਿਨਵਾਰੀ ਦਾ ਬਿਮਾਰੀ ਕਾਰਨ ਦੇਹਾਂਤ ਹੋ ਗਿਆ।”
ਬਿਸਮਿੱਲ੍ਹਾ ਜਾਨ ਅਫਗਾਨ ਨੇ ਆਪਣੇ ਸ਼ਾਨਦਾਰ ਕਰੀਅਰ ਦੌਰਾਨ 34 ਇੱਕ ਰੋਜ਼ਾ ਅੰਤਰਰਾਸ਼ਟਰੀ (ODI), 26 ਟੀ-20 ਅੰਤਰਰਾਸ਼ਟਰੀ, 31 ਪਹਿਲੀ ਸ਼੍ਰੇਣੀ, 51 ਲਿਸਟ ਏ ਅਤੇ 96 ਘਰੇਲੂ ਟੀ-20 ਮੈਚਾਂ ਵਿੱਚ ਅੰਪਾਇਰਿੰਗ ਕੀਤੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
