Cricket news : ਇਸ ਗੰਭੀਰ ਬਿਮਾਰੀ ਨਾਲ ਜੂਝ ਰਹੀ ਆਕਾਸ਼ਦੀਪ ਦੀ ਭੈਣ
– ਬਰਮਿੰਘਮ ਟੈਸਟ ‘ਚ ਸ਼ਾਨਦਾਰ ਜਿੱਤ ਤੋਂ ਬਾਅਦ ਭਾਵੁਕ ਹੋਏ ਭਾਰਤੀ ਗੇਂਦਬਾਜ਼ ਆਕਾਸ਼ ਦੀਪ ਸਿੰਘ
ਨਵੀ ਦਿੱਲੀ, 7 ਜੁਲਾਈ (ਵਿਸ਼ਵ ਵਾਰਤਾ): ਟੀਮ ਇੰਡੀਆ ਨੇ ਆਕਾਸ਼ਦੀਪ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਦਮ ‘ਤੇ (Cricket news) ਐਜਬੈਸਟਨ ਵਿੱਚ 336 ਦੌੜਾਂ ਨਾਲ ਜਿੱਤ ਪ੍ਰਾਪਤ ਕਰਕੇ ਇਤਿਹਾਸ ਰਚਿਆ। ਇਸ ਜਿੱਤ ਵਿੱਚ ਆਕਾਸ਼ਦੀਪ ਦਾ ਵੱਡਾ ਯੋਗਦਾਨ ਸੀ। ਇਹ ਆਕਾਸ਼ਦੀਪ ਦੇ ਕਰੀਅਰ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ। ਆਕਾਸ਼ਦੀਪ ਨੇ ਇਹ ਪ੍ਰਦਰਸ਼ਨ ਆਪਣੀ ਭੈਣ ਨੂੰ ਸਮਰਪਿਤ ਕੀਤਾ ਹੈ, ਜੋ ਪਿਛਲੇ ਦੋ ਮਹੀਨਿਆਂ ਤੋਂ ਕੈਂਸਰ ਨਾਲ ਜੂਝ ਰਹੀ ਹੈ। ਆਕਾਸ਼ਦੀਪ ਨੇ ਜੀਓ ਹੌਟਸਟਾਰ ‘ਤੇ ਚੇਤੇਸ਼ਵਰ ਪੁਜਾਰਾ ਨਾਲ ਗੱਲ ਕਰਦੇ ਹੋਏ ਆਪਣੀਆਂ ਭਾਵਨਾਵਾਂ ‘ਤੇ ਕਾਬੂ ਪਾਉਂਦੇ ਹੋਏ ਕਿਹਾ, ‘ਮੈਂ ਇਸ ਬਾਰੇ ਕਿਸੇ ਨਾਲ ਗੱਲ ਨਹੀਂ ਕੀਤੀ ਹੈ,ਪਰ ਦੋ ਮਹੀਨੇ ਪਹਿਲਾਂ ਮੇਰੀ ਭੈਣ ਨੂੰ ਕੈਂਸਰ ਦਾ ਪਤਾ ਲੱਗਿਆ। ਉਹ ਮੇਰੇ ਪ੍ਰਦਰਸ਼ਨ ਤੋਂ ਬਹੁਤ ਖੁਸ਼ ਹੋਵੇਗੀ ਅਤੇ ਇਹ ਉਸਦੇ ਚਿਹਰੇ ‘ਤੇ ਮੁਸਕਰਾਹਟ ਵਾਪਸ ਲਿਆਵੇਗਾ।
ਬਰਮਿੰਘਮ ਟੈਸਟ ਵਿੱਚ 10 ਵਿਕਟਾਂ ਲੈਣ ਵਾਲੇ ਆਕਾਸ਼ ਦੀਪ ਨੇ ਕਿਹਾ, ‘ਜਦੋਂ ਵੀ ਮੈਂ ਗੇਂਦ ਫੜਦਾ ਸੀ, ਉਸਦੇ ਵਿਚਾਰ ਅਤੇ ਤਸਵੀਰਾਂ ਮੇਰੇ ਦਿਮਾਗ ਵਿੱਚ ਆਉਂਦੀਆਂ ਸਨ। ਇਹ ਪ੍ਰਦਰਸ਼ਨ ਉਸਨੂੰ ਸਮਰਪਿਤ ਹੈ। ਮੈਂ ਉਸਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਭੈਣ, ਅਸੀਂ ਸਾਰੇ ਤੁਹਾਡੇ ਨਾਲ ਹਾਂ।’
ਇਸ ਦੇ ਇਲਾਵਾ ਉਨ੍ਹਾਂ ਨੇ ਕਿਹਾ, ‘ਮੈਂ ਲਾਰਡਜ਼ ਲਈ ਆਪਣੀ ਰਣਨੀਤੀ ਬਾਰੇ ਨਹੀਂ ਸੋਚਿਆ ਹੈ, ਪਰ ਇਹ ਇੱਥੋਂ ਦੀ ਰਣਨੀਤੀ ਤੋਂ ਬਹੁਤ ਵੱਖਰੀ ਨਹੀਂ ਹੋਵੇਗੀ।’ ਆਕਾਸ਼ ਦੀਪ ਨੇ ਐਜਬੈਸਟਨ ਮੈਦਾਨ ‘ਤੇ ਇੰਗਲੈਂਡ ਵਿਰੁੱਧ 10 ਵਿਕਟਾਂ ਲਈਆਂ ਸਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
