Cricket: ਕੀ BCCI ਨੇ ਬਦਲਿਆ T20 ਟੀਮ ਦਾ ਕਪਤਾਨ ?
ਨਵੀਂ ਦਿੱਲੀ, 3 ਮਈ 2026 – ਸੋਸ਼ਲ ਮੀਡੀਆ ‘ਤੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ, BCCI ਨੇ ਸ਼ੁਭਮਨ ਗਿੱਲ ਨੂੰ ਭਾਰਤ ਦੀ T20 ਟੀਮ ਦਾ ਨਵਾਂ ਕਪਤਾਨ ਨਿਯੁਕਤ ਕਰ ਦਿੱਤਾ ਹੈ। ਇਸ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਵਾਇਰਲ ਹੋ ਰਹੀ ਹੈ। ਵਾਇਰਲ ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ ਚੋਣ ਕਮੇਟੀ ਟੀਮ ਇੰਡੀਆ ਨੂੰ ਤਿੰਨਾਂ ਫਾਰਮੈਟਾਂ ਲਈ ਇੱਕ ਸਿੰਗਲ ਕਪਤਾਨ ਦੇਣਾ ਚਾਹੁੰਦੀ ਸੀ, ਅਤੇ ਇਸ ਲਈ ਗਿੱਲ ਨੂੰ ਹੁਣ T20 ਦਾ ਨਵਾਂ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ। ਪਰ ਅਸੀਂ ਇੱਥੇ ਇਹ ਦੱਸ ਦਈਏ ਕਿ ਇਹ ਵਾਇਰਲ ਪੋਸਟ ਪੂਰੀ ਤਰ੍ਹਾਂ ਨਾਲ ਫ਼ਰਜ਼ੀ ਹੈ ਅਤੇ BCCI ਵੱਲੋਂ T20 ਟੀਮ ਦੇ ਨਵੇਂ ਕਪਤਾਨ ਨੂੰ ਲੈ ਕੇ ਅਜੇ ਤੱਕ ਕੋਈ ਵੀ ਫੈਸਲਾ ਨਹੀਂ ਲਿਆ ਗਿਆ ਹੈ ਅਤੇ ਨਾ ਹੀ ਇਸ ਸਬੰਧ ਵਿੱਚ ਸ਼ੁਭਮਨ ਗਿੱਲ ਵੱਲੋਂ ਕੋਈ ਅਧਿਕਾਰਤ ਬਿਆਨ ਆਇਆ ਹੈ। ਜਾਣੀ ਕਿ ਅਜੇ ਤੱਕ T20 ਟੀਮ ਦੇ ਸੂਰਿਆ ਕੁਮਾਰ ਯਾਦਵ ਹੀ ਕਪਤਾਨ ਹਨ।
ਹਾਲਾਂਕਿ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਪੋਸਟ ਵਿੱਚ ਰਿਪੋਰਟਾਂ ਦਾ ਹਵਾਲਾ ਦਿੱਤਾ ਗਿਆ ਹੈ ਕਿ BCCI ਨੇ ਸ਼ੁਭਮਨ ਗਿੱਲ ਨੂੰ ਨਵਾਂ T20 ਕਪਤਾਨ ਨਿਯੁਕਤ ਕਰਨ ਦਾ ਫੈਸਲਾ ਕੀਤਾ ਹੈ। ਚੋਣਕਰਤਾ ਤਿੰਨਾਂ ਫਾਰਮੈਟਾਂ ਵਿੱਚ ਭਾਰਤੀ ਟੀਮ ਲਈ ਇੱਕ ਸਿੰਗਲ ਕਪਤਾਨ ਚਾਹੁੰਦੇ ਹਨ, ਅਤੇ ਗਿੱਲ ਨੂੰ ਇਸ ਭੂਮਿਕਾ ਲਈ ਸਭ ਤੋਂ ਵਧੀਆ ਵਿਕਲਪ ਦੱਸਿਆ ਗਿਆ ਹੈ। ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ ਸ਼ੁਭਮਨ ਗਿੱਲ IPL 2026 ਤੋਂ ਬਾਅਦ T20 ਟੀਮ ਦੇ ਕਪਤਾਨ ਵਜੋਂ ਅਹੁਦਾ ਸੰਭਾਲਣਗੇ।
ਹਾਲਾਂਕਿ, ਕੁਝ ਹਾਲੀਆ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਸੂਰਿਆਕੁਮਾਰ ਨੂੰ ਖਰਾਬ ਨਿੱਜੀ ਫਾਰਮ ਕਾਰਨ T20 ਕਪਤਾਨੀ ਤੋਂ ਹਟਾਇਆ ਜਾ ਸਕਦਾ ਹੈ। ਸ਼ੁਭਮਨ ਗਿੱਲ ਇਸ ਸਮੇਂ ਭਾਰਤ ਦੀਆਂ ODI ਅਤੇ ਟੈਸਟ ਟੀਮਾਂ ਦੇ ਕਪਤਾਨ ਹਨ। ODI ਅਤੇ ਟੈਸਟ ਵਿੱਚ ਕਪਤਾਨ ਵਜੋਂ ਗਿੱਲ ਦਾ ਪ੍ਰਦਰਸ਼ਨ ਮਿਲਿਆ-ਜੁਲਿਆ ਰਿਹਾ ਹੈ। ਗਿੱਲ ਨੂੰ ਵੀ ਖਰਾਬ ਫਾਰਮ ਕਾਰਨ T20 ਵਿਸ਼ਵ ਕੱਪ 2026 ਟੀਮ ਤੋਂ ਬਾਹਰ ਰੱਖਿਆ ਗਿਆ ਸੀ। ਗਿੱਲ ਨੂੰ ਉਸਦੀ ਮਾੜੀ ਫਾਰਮ ਦੇ ਬਾਵਜੂਦ ਨਵਾਂ T20 ਕਪਤਾਨ ਨਿਯੁਕਤ ਕਰਨਾ ਇੱਕ ਵਿਵਾਦਪੂਰਨ ਫੈਸਲਾ ਹੋ ਸਕਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
