Chandigarh ‘ਚ MC One Pass ਦੀ ਸ਼ੁਰੂਆਤ ਅੱਜ
ਚੰਡੀਗੜ੍ਹ, 27 ਜਨਵਰੀ 2026 (ਵਿਸ਼ਵ ਵਾਰਤਾ): ਚੰਡੀਗੜ੍ਹ (Chandigarh) ਨਗਰ ਨਿਗਮ ਵੱਲੋਂ ਅੱਜ *MC One Pass ਚੰਡੀਗੜ੍ਹ* ਦੀ ਸ਼ੁਰੂਆਤ ਕੀਤੀ ਜਾਵੇਗੀ। ਇਹ ਪ੍ਰੋਗਰਾਮ ਸੈਕਟਰ 22-ਡੀ ਸਥਿਤ MC ਪਾਰਕਿੰਗ ਸਾਈਟ (ਕਿਰਣ ਸਿਨੇਮਾ ਦੇ ਨਾਲ) ਵਿੱਚ ਦੁਪਹਿਰ 12 ਵਜੇ ਆਯੋਜਿਤ ਕੀਤਾ ਜਾ ਰਿਹਾ ਹੈ।
MC One Pass ਤਹਿਤ ਮਹੀਨਾਵਾਰ ਪਾਰਕਿੰਗ ਸੁਵਿਧਾ ਦਿੱਤੀ ਜਾਵੇਗੀ, ਜਿਸ ਲਈ ਕਾਰਾਂ ਲਈ ₹500 ਅਤੇ ਦੋਪਹੀਆ ਵਾਹਨਾਂ ਲਈ ₹250 ਮਹੀਨਾ ਚਾਰਜ ਰੱਖਿਆ ਗਿਆ ਹੈ।
ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਚੰਡੀਗੜ੍ਹ ਦੀ ਮੇਅਰ *ਸ੍ਰੀਮਤੀ ਹਰਪ੍ਰੀਤ ਕੌਰ ਬਬਲਾ* ਹਾਜ਼ਰ ਰਹਿਣਗੇ। ਸਮਾਰੋਹ ਵਿੱਚ ਕਮਿਸ਼ਨਰ *ਅਮਿਤ ਕੁਮਾਰ (IAS), ਸਪੈਸ਼ਲ ਕਮਿਸ਼ਨਰ **ਪਰਦੀਪ ਕੁਮਾਰ (IAS), ਬੈਂਕ ਆਫ਼ ਬੜੌਦਾ ਦੇ ਡਿਪਟੀ ਜਨਰਲ ਮੈਨੇਜਰ **ਰਾਜੇਸ਼ ਕੁਮਾਰ ਸ਼ਰਮਾ* ਅਤੇ ਏਰੀਆ ਕੌਂਸਲਰ *ਦਮਨਪ੍ਰੀਤ ਸਿੰਘ* ਵੀ ਮੌਜੂਦ ਰਹਿਣਗੇ।
ਇਹ ਯੋਜਨਾ ਚੰਡੀਗੜ੍ਹ ਵਿੱਚ ਪਾਰਕਿੰਗ ਪ੍ਰਬੰਧਨ ਨੂੰ ਹੋਰ ਸੁਚੱਜਾ ਅਤੇ ਡਿਜ਼ਿਟਲ ਬਣਾਉਣ ਵੱਲ ਇੱਕ ਅਹਿਮ ਕਦਮ ਮੰਨੀ ਜਾ ਰਹੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
