ਭਾਖੜਾ ਨਹਿਰ ਵਿੱਚ ਡਿੱਗੀ ਗੱਡੀ ; ਨੌਜਵਾਨ ਪਾਣੀ ‘ਚ ਡੁੱਬਿਆ!
ਹਰਿਆਣਾ, 28 ਮਈ 2026 (ਵਿਸ਼ਵ ਵਾਰਤਾ) : ਫ਼ਤਿਹਾਬਾਦ ਜ਼ਿਲ੍ਹੇ ਵਿੱਚ ਭੂਨਾ ਖੇਤਰ ਦੇ ਪਿੰਡ ਬੈਜਲਪੁਰ ਵਿਖੇ ਸਵਿਫ਼ਟ ਡਿਜ਼ਾਇਰ ਗੱਡੀ ਸਮੇਤ ਇੱਕ ਨੌਜਵਾਨ ਭਾਖੜਾ ਨਹਿਰ ਵਿੱਚ ਡਿੱਗ ਗਿਆ। ਨੌਜਵਾਨ ਨੇ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਡੁੱਬ ਗਿਆ ਅਤੇ ਪਾਣੀ ਦੇ ਤੇਜ਼ ਵਹਾਅ ਨਾਲ ਅੱਗੇ ਵਹਿ ਗਿਆ।
ਮੌਕੇ ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਪਿੰਡ ਵਿੱਚ ਸਿਦਮੁਖ ਅਤੇ ਭਾਖੜਾ 2 ਨਹਿਰਾਂ ਹਨ। ਇਨ੍ਹਾਂ ਦੋਵਾਂ ਨਹਿਰਾਂ ਦੇ ਵਿਚਕਾਰ ਇੱਕ ਕੱਚਾ ਰਸਤਾ ਹੈ। ਇੱਥੋਂ ਜਦੋਂ ਸਵਿਫ਼ਟ ਗੱਡੀ ਸਵਾਰ ਨੌਜਵਾਨ ਗੱਡੀ ਨੂੰ ਮੋੜਨ ਲੱਗਾ, ਤਾਂ ਗੱਡੀ ਭਾਖੜਾ ਨਹਿਰ ਵਿੱਚ ਜਾ ਡਿੱਗੀ।
ਸੂਚਨਾ ਮਿਲਦਿਆਂ ਹੀ ਪਿੰਡ ਵਾਸੀ ਅਤੇ ਭੂਨਾ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ। ਭੂਨਾ ਤੋਂ ਗੋਤਾਖੋਰਾਂ ਨੂੰ ਬੁਲਾਇਆ ਗਿਆ ਅਤੇ ਪਿੰਡ ਵਾਸੀਆਂ ਦੀ ਮਦਦ ਨਾਲ ਗੱਡੀ ਨੂੰ ਨਹਿਰ ਵਿੱਚੋਂ ਬਾਹਰ ਕੱਢ ਲਿਆ ਗਿਆ ਹੈ।ਇਹ ਸਵਿਫ਼ਟ ਗੱਡੀ ਜੀਂਦ ਦੇ ਨੰਬਰ ‘ਤੇ ਰਜਿਸਟਰਡ ਹੈ।ਨਹਿਰ ਵਿੱਚ ਡੁੱਬੇ ਨੌਜਵਾਨ ਦੀ ਪਛਾਣ ਭੂਨਾ ਦੇ ਵਾਰਡ ਨੰਬਰ 13 ਦੇ ਰਹਿਣ ਵਾਲੇ ਰਾਹੁਲ ਉਰਫ਼ ਧੋਨੀ (18) ਵਜੋਂ ਹੋਈ ਹੈ। ਰਾਹੁਲ ਇੱਕ ਹੇਅਰ ਸੈਲੂਨ ਵਿੱਚ ਕੰਮ ਸਿੱਖ ਰਿਹਾ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
