Budhlada : ਵਿਧਾਇਕ ਬੁੱਧ ਰਾਮ ਵੱਲੋਂ ਹਲਕੇ ‘ਚ ਵਿਕਾਸ ਕਾਰਜਾਂ ਦਾ ਕੰਮ ਜਾਰੀ
ਚੰਡੀਗੜ੍ਹ, 13ਜੂਨ(ਵਿਸ਼ਵ ਵਾਰਤਾ) Budhlada : ਬੁਢਲਾਢਾ ਤੋਂ MLA ਪ੍ਰਿੰਸੀਪਲ ਬੁੱਧ ਰਾਮ (Principal Budh Ram) ਦੀਆਂ ਕੋਸ਼ਿਸ਼ਾਂ ਸਦਕਾ ਹਲਕੇ ਦੇ ਵੱਖ-ਵੱਖ ਪਿੰਡਾਂ ਵਿੱਚ ਵੱਡੇ ਪੱਧਰ ‘ਤੇ ਵਿਕਾਸ ਕਾਰਜਾਂ ਦਾ ਕੰਮ ਜਾਰੀ ਹੈ। ਇਸੇ ਲੜੀ ਨੂੰ ਜਾਰੀ ਰੱਖਦਿਆਂ ਪ੍ਰਿੰਸੀਪਲ ਬੁੱਧ ਰਾਮ ਵੱਲੋਂ ਬਰੇਟਾ ਪਿੰਡ ਵਿੱਚ ਭਗਵਾਨ ਬਾਲਮੀਕੀ ਧਰਮਸ਼ਾਲਾ ਵਿਚ ਸ਼ੈੱਡ ਦੀ ਮੁਹੱਲਾ ਵਾਸੀਆਂ ਵੱਲੋਂ ਕੀਤੀ ਗਈ ਮੰਗ ਪੂਰੀ ਕੀਤੀ ਗਈ।
ਇਸ ਸੰਬੰਧੀ ਜਾਣਕਾਰੀ ਸਾਂਝੀ ਕਰਦਿਆਂ ਪ੍ਰਿੰਸੀਪਲ ਬੁੱਧ ਰਾਮ ਨੇ ਦੱਸਿਆ “ਬਰੇਟਾ ਪਿੰਡ ਵਿੱਚ ਭਗਵਾਨ ਬਾਲਮੀਕੀ ਧਰਮਸ਼ਾਲਾ ਵਿਚ ਸ਼ੈੱਡ ਦੀ ਮੁਹੱਲੇ ਵਾਸੀਆਂ ਵਲੋ ਮੰਗ ਕੀਤੀ ਗਈ ਸੀ ਜੋ ਪੂਰੀ ਕਰ ਦਿੱਤੀ ਹੈ । ਮੁੱਖ ਮੰਤਰੀ ਪੰਜਾਬ ਦੇ ਫੰਡ ਵਿਚੋਂ ਪੰਜ ਲੱਖ ਦੀ ਗ੍ਰਾਂਟ ਦਿੱਤੀ ਗਈ | ਜਿਸ ਅਧੀਨ ਅੱਜ ਇਸ ਧਰਮਸ਼ਾਲਾ ਵਿੱਚ ਸ਼ੈੱਡ ਦੀ ਉਸਾਰੀ ਦਾ ਕੰਮ ਸ਼ੁਰੂ ਕਰਵਾਇਆ ਗਿਆ | ਜਿਸ ਕਾਰਨ ਅੱਜ ਬਰੇਟਾ ਪਿੰਡ ਦੇ ਲੋਕਾਂ ਅਤੇ ਵਾਲਮੀਕੀ ਸਮਾਜ ਵਿੱਚ ਖੁਸ਼ੀ ਦਾ ਮਾਹੌਲ ਹੈ | ਇਸ ਮੌਕੇ ਤੇ ਬਰੇਟਾ ਆਮ ਆਦਮੀ ਪਾਰਟੀ ਤੋਂ ਸ਼ਹਿਰੀ ਪ੍ਰਧਾਨ ਕੇਵਲ ਸ਼ਰਮਾ, ਬਲਾਕ ਪ੍ਰਧਾਨ ਕਾਕੂ ਸਿੰਘ, ਸੈਲਰ ਐਸੋਸੀਏਸ਼ਨ ਆਗੂ ਲਲਿਤ ਜੈਨ, ਯੂਥ ਪ੍ਰਧਾਨ ਗਗਨਦੀਪ ਸਿੰਘ, ਪਾਲਾ ਨੰਬਰਦਾਰ,ਦਿਲਾਵਰ ਸਿੰਘ,ਅਵਤਾਰ ਸਿੰਘ,ਜੀਵਨ ਸਿੰਘ,ਡਾ. ਸੰਸਾਰ ਸਿੰਘ ਤੋਂ ਇਲਾਵਾ ਬਰੇਟਾ ਬਲਾਕ ਦੀ ਪੂਰੀ ਟੀਮ ਹਾਜਰ ਰਹੀ ।”
ਇਸ ਤੋਂ ਇਲਾਵਾ ਹਲਕਾ ਵਿਧਾਇਕ ਨੇ ਦੱਸਿਆ ਕਿ ਉਹਨਾਂ ਵੱਲੋਂ ਪਿੰਡ ਗਾਮੀਵਾਲਾ ਵਿਖੇ ਵੀ ਵਿਕਾਸ ਕਾਰਜ ਜਾਰੀ ਹੈ। ਉਨ੍ਹਾਂ ਨੇ ਇਸ ਸੰਬੰਧੀ ਸੋਸ਼ਲ ਮੀਡੀਆ ਤੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ “ਪਿੰਡ ਗਾਮੀਵਾਲਾ ਵਾਲਾ ਵਿਖੇ ਵਿਕਾਸ ਕਾਰਜ ਜਾਰੀ ਹਨ । 2 ਮਹੀਨਿਆਂ ਵਿੱਚ 4 ਵੱਡੇ ਕੰਮ ਨੇਪਰੇ ਚਾੜ ਦਿੱਤੇ ਹਨ । ਨਵਜੋਤ ਸਿੰਘ ਸਰਪੰਚ ਅਤੇ ਆਮ ਆਦਮੀ ਪਾਰਟੀ ਦੀ ਪੂਰੀ ਟੀਮ ਵਧਾਈ ਦੀ ਪਾਤਰ ਹੈ । ਅੱਜ ਨਵਜੋਤ ਸਿੰਘ , ਚੇਅਰਮੈਨ ਹਣਜੀਤ ਸਿੰਘ ਅਤੇ ਬਲਾਕ ਪ੍ਰਧਾਨ ਨੇ ਮੇਰੇ ਨਾਲ ਰਲ ਕੇ ਗਲੀ ਵਿੱਚ ਇੰਟਰਲਾਕ ਟਾਇਲਾਂ ਲਗਾਉਣ ਲਈ ਸ਼ੁਰੂਆਤ ਕੀਤੀ ।”
https://www.facebook.com/100063586726410/posts/1269112648551614/?mibextid=rS40aB7S9Ucbxw6v
ਇਸੇ ਵਿਕਾਸ ਲੜੀ ਨੂੰ ਜਾਰੀ ਰੱਖਦਿਆਂ ਹਲਕਾ ਵਿਧਾਇਕ ਨੇ ਦੱਸਿਆ ਕਿ ” ਪਿੰਡ ਖੱਤਰੀਵਾਲਾ ਦੀ ਆਂਗਣਵਾੜੀ ਕੇਂਦਰ ਲਈ ਐਲ਼ ਈ ਡੀ ਲਈ 46900 ਰੁਪਏ ਗ੍ਰਾਂਟ ਦਿੱਤੀ ਗਈ। ਇਸ ਤੋਂ ਇਲਾਵਾ ਪਿੰਡ ਫੁਲੂ ਵਾਲਾ ਡੋਗਰਾ ਦੀ ਲਾਇਬਰੇਰੀ ਵਿੱਚ ਫਰਨੀਚਰ ਅਤੇ ਕੰਪਿਉਟਰ ਲਈ 383350 ਰੁਪਏ ਗ੍ਰਾਂਟ ਦਿੱਤੀ ਗਈ।”
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
