Brett James dies: ਗ੍ਰੈਮੀ ਅਵਾਰਡ ਜੇਤੂ ਗੀਤਕਾਰ ਦੀ ਜਹਾਜ਼ ਹਾਦਸੇ ‘ਚ ਹੋਈ ਮੌਤ; ਸੰਗੀਤ ਜਗਤ ‘ਚ ਸੋਗ ਦੀ ਲਹਿਰ
– 57 ਸਾਲ ਦੀ ਉਮਰ ਵਿੱਚ ਲਏ ਆਖਰੀ ਸਾਹ
ਨਵੀ ਦਿੱਲੀ,19 ਸਤੰਬਰ 2025 (ਵਿਸ਼ਵ ਵਾਰਤਾ): ਗ੍ਰੈਮੀ ਅਵਾਰਡ ਜੇਤੂ (Brett James dies) ਅਤੇ ਨੈਸ਼ਵਿਲ ਸੌਂਗਰਾਈਟਰਜ਼ ਹਾਲ ਆਫ਼ ਫੇਮ ਦੇ ਇੰਡਕਟੀ, ਬ੍ਰੇਟ ਜੇਮਜ਼ ਦੀ 57 ਸਾਲ ਦੀ ਉਮਰ ਵਿੱਚ ਇੱਕ ਜਹਾਜ਼ ਹਾਦਸੇ ਵਿੱਚ ਮੌਤ ਹੋ ਗਈ ਹੈ। ਕਈ ਸੁਪਰਹਿੱਟ ਗੀਤ ਲਿਖ ਕੇ ਸੰਗੀਤ ਪ੍ਰੇਮੀਆਂ ਦੇ ਦਿਲਾਂ ਵਿੱਚ ਖਾਸ ਜਗ੍ਹਾ ਬਣਾਉਣ ਵਾਲੇ ਜੇਮਜ਼ ਇਸ ਅਚਾਨਕ ਹਾਦਸੇ ਕਾਰਨ ਹੁਣ ਇਸ ਦੁਨੀਆਂ ਵਿੱਚ ਨਹੀਂ ਰਹੇ। ਜੇਮਸ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਉਣ ਨਾਲ ਸੰਗੀਤ ਜਗਤ ਵਿੱਚ ਸੋਗ ਦੀ ਲਹਿਰ ਫੈਲ ਗਈ।
ਜਾਣਕਾਰੀ ਅਨੁਸਾਰ, ਜਿਸ ਛੋਟੇ ਜਹਾਜ਼ ਵਿੱਚ ਬ੍ਰੈਟ ਜੇਮਸ ਸਫ਼ਰ ਕਰ ਰਹੇ ਸਨ, ਉਹ ਉੱਤਰੀ ਕੈਰੋਲੀਨਾ ਦੇ ਫਰੈਂਕਲਿਨ ਖੇਤਰ ਵਿੱਚ ਹਾਦਸਾਗ੍ਰਸਤ ਹੋ ਗਿਆ। ਜਹਾਜ਼ ਸਕੂਲ ਦੇ ਨੇੜੇ ਹਾਦਸਾਗ੍ਰਸਤ ਹੋ ਗਿਆ ਅਤੇ ਉਸ ਵਿੱਚ ਅੱਗ ਲੱਗ ਗਈ। ਹਾਦਸੇ ਸਮੇਂ ਜਹਾਜ਼ ਵਿੱਚ ਤਿੰਨ ਲੋਕ ਸਵਾਰ ਸਨ ਅਤੇ ਬਦਕਿਸਮਤੀ ਨਾਲ, ਕੋਈ ਵੀ ਨਹੀਂ ਬਚਿਆ। ਮੈਕਨ ਕਾਉਂਟੀ ਸ਼ੈਰਿਫ਼ ਦੇ ਦਫ਼ਤਰ ਨੇ ਪੁਸ਼ਟੀ ਕੀਤੀ ਕਿ ਨੇੜਲੇ ਅਯੋਟਲਾ ਵੈਲੀ ਐਲੀਮੈਂਟਰੀ ਸਕੂਲ ਦੇ ਸਾਰੇ ਬੱਚੇ ਅਤੇ ਸਟਾਫ਼ ਸੁਰੱਖਿਅਤ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
