Border–Gavaskar Trophy : ਪਰਥ ਟੈਸਟ ਦਾ ਅੱਜ ਹੈ ਚੌਥਾ ਦਿਨ
ਅੱਧੀ ਆਸਟ੍ਰੇਲੀਆਈ ਟੀਮ ਪਰਤੀ ਪੈਵੇਲੀਅਨ
ਚੰਡੀਗੜ੍ਹ, 25 ਨਵੰਬਰ(ਵਿਸ਼ਵ ਵਾਰਤਾ) ਬਾਰਡਰ-ਗਾਵਸਕਰ ਟਰਾਫੀ ਦੇ ਪਰਥ ਟੈਸਟ ‘ਚ ਭਾਰਤ ਆਸਟ੍ਰੇਲੀਆ ਖਿਲਾਫ ਮਜ਼ਬੂਤ ਸਥਿਤੀ ‘ਚ ਹੈ। ਮੁਹੰਮਦ ਸਿਰਾਜ ਨੇ ਸਟੀਵ ਸਮਿਥ 17 ਦੌੜਾਂ ਅਤੇ ਉਸਮਾਨ ਖਵਾਜਾ 4 ਦੌੜਾਂ ਨੂੰ ਆਊਟ ਕੀਤਾ। ਅੱਜ ਸੋਮਵਾਰ ਨੂੰ ਮੈਚ ਦਾ ਚੌਥਾ ਦਿਨ ਹੈ ਅਤੇ ਪਹਿਲਾ ਸੈਸ਼ਨ ਚੱਲ ਰਿਹਾ ਹੈ। ਆਸਟ੍ਰੇਲੀਆ ਨੇ ਸਵੇਰੇ 12/3 ਦੇ ਸਕੋਰ ਨਾਲ ਖੇਡਣਾ ਸ਼ੁਰੂ ਕੀਤਾ। 534 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰ ਰਹੀ ਆਸਟਰੇਲੀਆਈ ਟੀਮ ਲੰਚ ਬ੍ਰੇਕ ਤੱਕ 117 ਦੌੜਾਂ ਬਣਾ ਕੇ 5 ਵਿਕਟਾਂ ਗੁਆ ਚੁੱਕੀ ਹੈ। ਟ੍ਰੈਵਿਸ ਹੈੱਡ ਅਤੇ ਮਿਸ਼ੇਲ ਮਾਰਸ਼ ਅਜੇਤੂ ਹਨ।
ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਮਾਰਨਸ ਲਾਬੂਸ਼ੇਨ 3, ਕਪਤਾਨ ਪੈਟ ਕਮਿੰਸ 2 ਅਤੇ ਨਾਥਨ ਮੈਕਸਵੀਨੀ ਜ਼ੀਰੋ ‘ਤੇ ਆਊਟ ਹੋਏ। ਉਥੇ ਹੀ ਭਾਰਤੀ ਟੀਮ ਨੇ ਯਸ਼ਸਵੀ ਜੈਸਵਾਲ (161 ਦੌੜਾਂ) ਅਤੇ ਵਿਰਾਟ ਕੋਹਲੀ (100*) ਦੇ ਸੈਂਕੜੇ ਦੀ ਮਦਦ ਨਾਲ ਆਪਣੀ ਦੂਜੀ ਪਾਰੀ 487/6 ‘ਤੇ ਘੋਸ਼ਿਤ ਕਰ ਦਿੱਤੀ। ਇਸ ਨਾਲ ਆਸਟ੍ਰੇਲੀਆ ਨੂੰ 534 ਦੌੜਾਂ ਦਾ ਟੀਚਾ ਮਿਲਿਆ। ਭਾਰਤ ਨੇ ਪਹਿਲੀ ਪਾਰੀ ਵਿੱਚ 150 ਦੌੜਾਂ ਬਣਾਈਆਂ ਸਨ। ਇਸ ਦੇ ਨਾਲ ਹੀ ਆਸਟ੍ਰੇਲੀਆ ਪਹਿਲੀ ਪਾਰੀ ‘ਚ 104 ਦੌੜਾਂ ‘ਤੇ ਸਿਮਟ ਗਿਆ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
