ਪਤਨੀ ਸੁਨੀਤਾ ਦੇ ‘Sugar Daddy’ ਵਾਲੇ ਬਿਆਨ ਤੇ ਭੜਕੇ ਬਾਲੀਵੁੱਡ ਅਦਾਕਾਰ ਗੋਵਿੰਦਾ; ਕੀਤਾ ਪਲਟਵਾਰ
ਨਵੀ ਦਿੱਲੀ, 15 ਅਗਸਤ 2026 (ਵਿਸ਼ਵ ਵਾਰਤਾ) – ਸੁਪਰਸਟਾਰ ਅਤੇ ਬਾਲੀਵੁੱਡ ਅਦਾਕਾਰ ਗੋਵਿੰਦਾ ਨੇ ਪਤਨੀ ਸੁਨੀਤਾ ਦੇ ਹਾਲੀਆ ਦੋਸ਼ਾਂ ਅਤੇ ਗੱਲਾਂ ‘ਤੇ ਕਰਾਰਾ ਪਲਟਵਾਰ ਕੀਤਾ ਹੈ। ਦਰਅਸਲ, ਸੁਨੀਤਾ ਨੇ ਗੋਵਿੰਦਾ ਦੇ ਕੋ-ਐਕਟਰੈਸ ਕੋਮਲ ਰਾਣੀ ਸਵਰਨਕਾਰ ਨਾਲ ਸਪੌਟ ਹੋਣ ‘ਤੇ ਕਿਹਾ ਸੀ ਕਿ ਗੋਵਿੰਦਾ ਧੀ ਦੀ ਉਮਰ ਦੀ ਕੁੜੀ ਘੁਮਾ ਰਹੇ ਹਨ, ਉਨ੍ਹਾਂ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ।
ਇੰਨਾ ਹੀ ਨਹੀਂ ਸੁਨੀਤਾ ਨੇ ਗੋਵਿੰਦਾ ਨੂੰ ਅਦਾਕਾਰਾ ਦਾ ‘ਸ਼ੂਗਰ ਡੈਡੀ’ ਤੱਕ ਕਿਹਾ ਸੀ। ਹੁਣ ਸੁਨੀਤਾ ਦੇ ਇਹਨਾਂ ਬਿਆਨਾਂ ‘ਤੇ ਗੋਵਿੰਦਾ ਨੇ ਚੇਤਾਵਨੀ ਦਿੰਦੇ ਹੋਏ ਕਿਹਾ ਹੈ ਕਿ ਉਨ੍ਹਾਂ ਨੂੰ ਹੱਦ ਵਿੱਚ ਰਹਿਣਾ ਚਾਹੀਦਾ ਹੈ। ਨਾਲ ਹੀ ਅਦਾਕਾਰ ਨੇ ਕੋ-ਸਟਾਰ ਦਾ ਬਚਾਅ ਵੀ ਕੀਤਾ ਅਤੇ ਕਿਹਾ ਕਿ ਸੁਨੀਤਾ ਉਨ੍ਹਾਂ ਨੂੰ ਬਦਨਾਮ ਕਰਨ ਦੀ ਕੋਈ ਕਸਰ ਨਹੀਂ ਛੱਡ ਰਹੀ ਹੈ।
ਹਾਲ ਹੀ ਵਿੱਚ ਗੋਵਿੰਦਾ ਨੇ ਸੁਨੀਤਾ ‘ਤੇ ਕਿਹਾ- ‘ ਜਦੋਂ ਆਪਣਾ ਕੰਮ ਤੁਸੀਂ ਕਰ ਰਹੇ ਸੀ, ਫਿਰ ਚਾਹੇ ਉਹ ਕੁਕਿੰਗ ਸ਼ੋਅ ਹੋਵੇ ਜਾਂ ਲਾਕਅੱਪ ਹੋਵੇ, ਟੀਨਾ (ਧੀ) ਤੋਂ ਅਖਵਾ ਕੇ ਮੈਨੂੰ ਉਸ ਵਿੱਚ ਬੁਲਾਇਆ, ਮੇਰੀਆਂ ਸੇਵਾਵਾਂ ਲਈਆਂ। ਖੈਰ ਉਹ ਤਾਂ ਤੁਹਾਡਾ ਹੱਕ ਹੈ, ਪਰ ਜਿਸ ਵੇਲੇ ਮੈਂ ਫਿਲਮ ਸ਼ੁਰੂ ਕੀਤੀ ਹੈ, ਤੁਸੀਂ ਇੱਕ ਵੀ ਕਸਰ ਨਹੀਂ ਛੱਡ ਰਹੇ ਕਿ ਮੈਂ ਲੋਕਾਂ ਦੇ ਦਿਲਾਂ ਤੋਂ ਉੱਤਰ ਜਾਵਾਂ, ਬਦਨਾਮ ਹੋ ਜਾਵਾਂ।’
ਗੋਵਿੰਦਾ ਨੇ ਇਸ ਦੌਰਾਨ ਕੋ-ਐਕਟਰੈਸ ਕੋਮਲ ਰਾਣੀ ਸਵਰਨਕਾਰ ਦਾ ਬਚਾਅ ਕਰਦੇ ਹੋਏ ਕਿਹਾ, ‘ਜੇਕਰ ਕੋਈ ਗਰੀਬ ਪਰਿਵਾਰ ਦੇ ਲੋਕ ਫ਼ਿਲਮਾਂ ਵਿੱਚ ਆਏ ਹਨ, ਤਾਂ ਉਨ੍ਹਾਂ ਨੂੰ ਇਸ ਤਰ੍ਹਾਂ ਬਦਨਾਮ ਜਾਂ ਜ਼ਲੀਲ ਨਾ ਕਰੋ ਕਿ ਉਹ ਭੱਜ ਜਾਣ। ਤੁਹਾਡੇ ਵਿੱਚ ਸਮਰੱਥਾ ਹੈ, ਤਾਕਤ ਹੈ, ਇੱਜ਼ਤ, ਦੌਲਤ, ਸ਼ੋਹਰਤ, ਸਭ ਦਿੱਤਾ ਹੈ ਉੱਪਰ ਵਾਲੇ ਨੇ। ਇਸ ਦਾ ਮਤਲਬ ਇਹ ਨਹੀਂ ਕਿ ਜਿਸ ਕੋਲ ਇਹ ਨਹੀਂ ਹੈ ਤੁਸੀਂ ਉਸ ਨੂੰ ਜ਼ਲੀਲ ਕਰੋ। ਇਹ ਤੁਹਾਨੂੰ ਸ਼ੋਭਾ ਨਹੀਂ ਦਿੰਦਾ।’
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
