Australia: 38ਵੀਆਂ ਆਸਟ੍ਰੇਲੀਅਨ ਸਿੱਖ ਗੇਮਜ਼ 2026 ਦਾ ਅੱਜ ਦੂਜਾ ਦਿਨ
ਮੈਲਬੌਰਨ, 4 ਅਪ੍ਰੈਲ 2026 (ਵਿਸ਼ਵ ਵਾਰਤਾ – ਗੁਰਪੁਨੀਤ ਸਿੱਧੂ) – ਆਸਟ੍ਰੇਲੀਆ ‘ਚ 38ਵੀਆਂ ਸਿੱਖ ਗੇਮਜ਼ 2026 ਦਾ ਆਗਾਜ਼ ਹੋ ਗਿਆ ਹੈ। ਇਹ ਸਿੱਖ ਖੇਡਾਂ ਅੱਜ 3 ਅਪ੍ਰੈਲ ਤੋਂ ਲੈ ਕੇ 5 ਅਪ੍ਰੈਲ ਤੱਕ ਮੈਲਬੌਰਨ ‘ਚ ਹੋਣਗੀਆਂ। ਅੱਜ ਸ਼ਨੀਵਾਰ ਨੂੰ ਇਨ੍ਹਾਂ ਖੇਡਾਂ ਦਾ ਦੂਜਾ ਦਿਨ ਹੈ। ਪਹਿਲੇ ਦਿਨ 3 ਅਪ੍ਰੈਲ ਨੂੰ ਨੈੱਟਬਾਲ, ਬਾਸਕੇਟਬਾਲ, ਵਾਲੀਬਾਲ, ਹਾਕੀ, ਬੈਡਮਿੰਟਨ, ਕਬੱਡੀ, KHO KHO, ਜੂਨੀਅਰ ਫੁਟਬਾਲ, ਸੀਨੀਅਰ ਪੁਰਸ਼ ਫੁੱਟਬਾਲ, ਸੀਨੀਅਰ ਮਹਿਲਾ ਫੁੱਟਬਾਲ, ਜੂਨੀਅਰ ਫੁਟਬਾਲ, ਕ੍ਰਿਕੇਟ, ਐਥਲੈਟਿਕਸ ਦੇ ਦਿਲ ਖਿੱਚਵੇਂ ਮੁਕਾਬਲੇ ਹੋਏ। ਅੱਜ ਦੂਜੇ ਦਿਨ ਵੀ ਇਹ ਮੁਕਾਬਲੇ ਜਾਰੀ ਰਹਿਣਗੇ। ਖੇਡਾਂ ‘ਚ 9,000+ ਐਥਲੀਟਾਂ, 500+ ਟੀਮਾਂ ਅਤੇ 150,000+ ਦਰਸ਼ਕਾਂ ਦੇ ਨਾਲ, ਇਹ ਹੁਣ ਤੱਕ ਦੀਆਂ ਸਭ ਤੋਂ ਵੱਡੀਆਂ ਸਿੱਖ ਖੇਡਾਂ ਵਿੱਚੋਂ ਇੱਕ ਹੋਣ ਲਈ ਤਿਆਰ ਹਨ।
ਦੱਸ ਦਈਏ ਕਿ ਪਹਿਲੇ ਦਿਨ ਖਿਡਾਰੀਆਂ ਦੀਆਂ ਖੇਡਾਂ ਦੇਖਣ ਲਈ ਵੱਡੀ ਗਿਣਤੀ ‘ਚ ਲੋਕ ਸ਼ਾਮਿਲ ਹੋਏ। ਅੱਜ ਵੀ ਵੱਡੀ ਗਿਣਤੀ ‘ਚ ਲੋਕਾਂ ਦੇ ਸ਼ਾਮਿਲ ਹੋਣ ਦੀ ਉਮੀਦ ਹੈ। ਖੇਡਾਂ ਦੌਰਾਨ ਪ੍ਰਬੰਧਕਾਂ ਵੱਲੋਂ ਸਾਡਾ ਲੰਗਰ (ਕਮਿਊਨਿਟੀ ਰਸੋਈ) ਸਾਰੇ ਹਫਤੇ ਦੇ ਅੰਤ ਵਿੱਚ ਸਾਰਿਆਂ ਲਈ ਮੁਫ਼ਤ ਭੋਜਨ ਪਰੋਸਿਆ ਜਾ ਰਿਹਾ ਹੈ। ਖੇਡਾਂ ਦੇ ਪਹਿਲੇ ਦਿਨ 3 ਅਪ੍ਰੈਲ ਨੂੰ ਭੰਗੜਾ ਬੈਟਲ ਦੇ ਦਿਲ ਖਿੱਚਵੇਂ ਪ੍ਰੋਗਰਾਮ ਹੋਏ। ਇਸ ਤੋਂ ਇਲਾਵਾ ਹਰ ਦਿਨ ਦੇ ਅੰਤ ‘ਚ ਸੱਭਿਆਚਾਰਕ ਪ੍ਰੋਗਰਾਮਾਂ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ।
– 4 ਅਪ੍ਰੈਲ: ਗਿੱਧਾ ਟਅਤੇ ਥੀਏਟਰ
– ਸ਼ਾਮ 7 ਵਜੇ ਤੋਂ ਰਾਤ 11 ਵਜੇ, ਕਲਾਕਟਾਵਰ, ਮੂਨੀ ਪੌਂਡਸ
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
