Australia: 38ਵੀਆਂ ਆਸਟ੍ਰੇਲੀਅਨ ਸਿੱਖ ਗੇਮਜ਼ 2026 ਦਾ ਹੋਇਆ ਆਗਾਜ਼
ਮੈਲਬੌਰਨ, 3 ਅਪ੍ਰੈਲ 2026 (ਵਿਸ਼ਵ ਵਾਰਤਾ – ਗੁਰਪੁਨੀਤ ਸਿੱਧੂ) – ਆਸਟ੍ਰੇਲੀਆ ‘ਚ 38ਵੀਆਂ ਸਿੱਖ ਗੇਮਜ਼ 2026 ਦਾ ਆਗਾਜ਼ ਹੋ ਗਿਆ ਹੈ। ਇਹ ਸਿੱਖ ਖੇਡਾਂ ਅੱਜ 3 ਅਪ੍ਰੈਲ ਤੋਂ ਲੈ ਕੇ 5 ਅਪ੍ਰੈਲ ਤੱਕ ਮੈਲਬੌਰਨ ‘ਚ ਹੋਣਗੀਆਂ। ਇਨ੍ਹਾਂ ਤਿੰਨ ਦਿਨਾਂ ਦੌਰਾਨ ਹਾਕੀ, ਨੈੱਟਬਾਲ ਅਤੇ ਬਾਸਕਟਬਾਲ ਤੋਂ ਲੈ ਕੇ ਕਬੱਡੀ, ਫੁਟਬਾਲ, ਕ੍ਰਿਕਟ, ਅਥਲੈਟਿਕਸ ਅਤੇ ਹੋਰ ਬਹੁਤ ਸਾਰੀਆਂ ਲੋਕਲ ਖੇਡਾਂ ਕਰਵਾਈਆਂ ਜਾ ਰਹੀਆਂ ਹਨ। ਖੇਡਾਂ ‘ਚ 9,000+ ਐਥਲੀਟਾਂ, 500+ ਟੀਮਾਂ ਅਤੇ 150,000+ ਦਰਸ਼ਕਾਂ ਦੇ ਨਾਲ, ਇਹ ਹੁਣ ਤੱਕ ਦੀਆਂ ਸਭ ਤੋਂ ਵੱਡੀਆਂ ਸਿੱਖ ਖੇਡਾਂ ਵਿੱਚੋਂ ਇੱਕ ਹੋਣ ਲਈ ਤਿਆਰ ਹਨ। ਖੇਡਾਂ ਦੌਰਾਨ ਪ੍ਰਬੰਧਕਾਂ ਵੱਲੋਂ ਸਾਡਾ ਲੰਗਰ (ਕਮਿਊਨਿਟੀ ਰਸੋਈ) ਸਾਰੇ ਹਫਤੇ ਦੇ ਅੰਤ ਵਿੱਚ ਸਾਰਿਆਂ ਲਈ ਮੁਫ਼ਤ ਭੋਜਨ ਪਰੋਸੇਗਾ।
ਇਸ ਤੋਂ ਇਲਾਵਾ ਹਰ ਦਿਨ ਦੇ ਅੰਤ ‘ਚ ਸੱਭਿਆਚਾਰਕ ਪ੍ਰੋਗਰਾਮਾਂ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ।
– 3 ਅਪ੍ਰੈਲ: ਭੰਗੜਾ ਬੈਟਲ
– 4 ਅਪ੍ਰੈਲ: ਗਿੱਧਾ ਟਅਤੇ ਥੀਏਟਰ
– ਸ਼ਾਮ 7 ਵਜੇ ਤੋਂ ਰਾਤ 11 ਵਜੇ, ਕਲਾਕਟਾਵਰ, ਮੂਨੀ ਪੌਂਡਸ
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
