ਅਮਰੀਕਾ ‘ਚ ਫੁੱਟਬਾਲ ਮੈਚ ਤੋਂ ਪਹਿਲਾਂ ਹਾਦਸਾ! 170 ਫੁੱਟ ਦੀ ਉਚਾਈ ਤੋਂ ਡਿੱਗਣ ਕਾਰਨ ਏਅਰ ਫੋਰਸ ਦੇ ਜਵਾਨ ਦੀ ਮੌਤ
ਅਮਰੀਕਾ, 19 ਅਕਤੂਬਰ 2026 (ਵਿਸ਼ਵ ਵਾਰਤਾ): ਅਮਰੀਕਾ ਦੇ ਸਾਨ ਐਂਟੋਨੀਓ ਵਿੱਚ ਇੱਕ ਸੈਨਿਕ ਦੀ 170 ਫੁੱਟ ਦੀ ਉਚਾਈ ਤੋਂ ਡਿੱਗਣ ਕਾਰਨ ਮੌਤ ਹੋ ਗਈ। ਇਹ ਸੈਨਿਕ ਸ਼ਨੀਵਾਰ ਨੂੰ ਅਲਾਮਡੋਮ ਸਟੇਡੀਅਮ ਵਿੱਚ ਇੱਕ ਫੁੱਟਬਾਲ ਮੈਚ ਤੋਂ ਪਹਿਲਾਂ ਰੱਸੀ ਰਾਹੀਂ ਹੇਠਾਂ ਉਤਰਨ ਦਾ ਲਾਈਵ ਡੈਮੋ ਦੇ ਰਿਹਾ ਸੀ।ਇਸ ਦੌਰਾਨ ਉਸ ਦਾ ਸੰਤੁਲਨ ਵਿਗੜ ਗਿਆ ਅਤੇ ਉਹ ਤੇਜ਼ੀ ਨਾਲ ਜ਼ਮੀਨ ‘ਤੇ ਡਿੱਗ ਪਿਆ। ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਪਰ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।ਹਾਦਸੇ ਵੇਲੇ ਸਟੇਡੀਅਮ ਵਿੱਚ 23 ਹਜ਼ਾਰ ਤੋਂ ਵੱਧ ਦਰਸ਼ਕ ਮੌਜੂਦ ਸਨ। ਸੈਨਿਕ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
ਦੱਸ ਦਈਏ ਕਿ ਇਹ ਹਾਦਸਾ ਸ਼ਨੀਵਾਰ ਨੂੰ ਯੂਨੀਵਰਸਿਟੀ ਆਫ਼ ਟੈਕਸਾਸ ਐਟ ਸਾਨ ਐਂਟੋਨੀਓ (ਯੂ.ਟੀ.ਐੱਸ.ਏ.) ਅਤੇ ਨੇਵੀ ਵਿਚਕਾਰ ਫੁੱਟਬਾਲ ਮੈਚ ਤੋਂ ਪਹਿਲਾਂ ਆਯੋਜਿਤ ਫਾਸਟ-ਰੋਪਿੰਗ ਪ੍ਰਦਰਸ਼ਨ ਦੌਰਾਨ ਹੋਇਆ। ਇਹ ਪ੍ਰੋਗਰਾਮ ਹਥਿਆਰਬੰਦ ਬਲਾਂ ਅਤੇ ਸਾਬਕਾ ਸੈਨਿਕਾਂ ਦੇ ਸਨਮਾਨ ਵਿੱਚ ਆਯੋਜਿਤ ‘ਸੈਲੂਟ ਟੂ ਆਰਮਡ ਫੋਰਸਿਜ਼ ਐਂਡ ਵੇਟਰਨਜ਼’ ਸਮਾਰੋਹ ਦਾ ਹਿੱਸਾ ਸੀ। ਰਿਪੋਰਟਾਂ ਮੁਤਾਬਕ, ਪ੍ਰਦਰਸ਼ਨ ਵਿੱਚ ਚਾਰ ਸੈਨਿਕ ਹਿੱਸਾ ਲੈ ਰਹੇ ਸਨ। ਇਸੇ ਦੌਰਾਨ ਇਆਨ ਪੈਟਰਸਨ ਰੱਸੀ ਦੇ ਸਹਾਰੇ ਹੇਠਾਂ ਉਤਰ ਰਹੇ ਸਨ, ਇਸ ਦੌਰਾਨ ਉਚਾਈ ਤੋਂ ਹੇਠਾਂ ਡਿੱਗ ਪਏ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
