ਜਾਣੋ, America ਦੇ ਨਵੇਂ ਰਾਸ਼ਟਰਪਤੀ ਬਣਨ ਜਾ ਰਹੇ ਟ੍ਰੰਪ ਦੇ ਪੂਰੇ ਪਰਿਵਾਰ ਬਾਰੇ
– ਡੋਨਾਲਡ ਟਰੰਪ ਦੇ ਪਰਿਵਾਰ ‘ਚ ਹੈ ਕੌਣ-ਕੌਣ?
– ਕਿੰਨੀਆਂ ਪਤਨੀਆਂ ਅਤੇ ਕਿੰਨੇ ਬੱਚੇ?
ਨਵੀਂ ਦਿੱਲੀ, 7 ਨਵੰਬਰ (ਵਿਸ਼ਵ ਵਾਰਤਾ): ਡੋਨਾਲਡ ਟਰੰਪ ਅਮਰੀਕਾ (America) ਦੇ ਅਗਲੇ ਰਾਸ਼ਟਰਪਤੀ ਹੋਣਗੇ। ਟਰੰਪ ਨੇ ਡੈਮੋਕ੍ਰੇਟਿਕ ਪਾਰਟੀ ਦੀ ਉਮੀਦਵਾਰ ਅਤੇ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਨੂੰ ਹਰਾਇਆ ਹੈ। ਡੋਨਾਲਡ ਟਰੰਪ ਦੂਜੀ ਵਾਰ ਅਮਰੀਕਾ ਦੇ ਸਰਵਉੱਚ ਅਹੁਦੇ ‘ਤੇ ਪਹੁੰਚੇ ਹਨ। ਡੋਨਾਲਡ ਟਰੰਪ ਦੇ ਪਰਿਵਾਰ ‘ਚ ਕੌਣ-ਕੌਣ ਹੈ ਆਓ ਜਾਣਦੇ ਹਾਂ
ਡੋਨਾਲਡ ਟਰੰਪ ਦੇ ਦਾਦਾ ਦਾ ਨਾਂ ਫਰੈਡਰਿਕ ਟਰੰਪ ਅਤੇ ਦਾਦੀ ਦਾ ਨਾਂ ਐਲਿਜ਼ਾਬੈਥ ਕ੍ਰਾਈਸਟ ਟਰੰਪ ਸੀ। ਫਰੈਡਰਿਕ ਦਾ ਜਨਮ ਜਰਮਨੀ ਵਿੱਚ ਹੋਇਆ ਸੀ ਅਤੇ ਉਸਨੇ ਨਿਊਯਾਰਕ ਵਿੱਚ ਟਰੰਪ ਪਰਿਵਾਰ ਦੇ ਰੀਅਲ ਅਸਟੇਟ ਕਾਰੋਬਾਰ ਦੀ ਸਥਾਪਨਾ ਕੀਤੀ ਸੀ।
ਉਨ੍ਹਾਂ ਦੀ ਮੌਤ ਤੋਂ ਬਾਅਦ ਐਲਿਜ਼ਾਬੈਥ ਕ੍ਰਾਈਸਟ ਟਰੰਪ ਨੇ ਇਹ ਜ਼ਿੰਮੇਵਾਰੀ ਸੰਭਾਲ ਲਈ। ਡੋਨਾਲਡ ਟਰੰਪ ਦੇ ਨਾਨਾ-ਨਾਨੀ ਸਕਾਟਲੈਂਡ ਵਿੱਚ ਮਛੇਰੇ ਸਨ। ਉਨ੍ਹਾਂ ਦੇ ਨਾਨਾ ਦਾ ਨਾਮ ਮੈਲਕਮ ਮੈਕਲਿਓਡ ਅਤੇ ਨਾਨੀ ਦਾ ਨਾਮ ਮੈਰੀ ਮੈਕਲਿਓਡ ਸੀ।
ਡੋਨਾਲਡ ਟਰੰਪ ਦੇ ਪਿਤਾ ਦਾ ਨਾਂ ਫਰੈਡਰਿਕ ਸੀ ਟਰੰਪ ਹੈ। ਫਰੈਡਰਿਕ ਸੀ. ਟਰੰਪ ਨਿਊਯਾਰਕ ਦੇ ਇੱਕ ਰੀਅਲ ਅਸਟੇਟ ਡਿਵੈਲਪਰ ਅਤੇ ਕਾਰੋਬਾਰੀ ਸਨ। ਡੋਨਾਲਡ ਟਰੰਪ ਦੀ ਮਾਂ ਦਾ ਨਾਂ ਮੈਰੀ ਏ ਮੈਕਲਿਓਡ ਹੈ। ਡੋਨਾਲਡ ਟਰੰਪ ਕੁੱਲ ਪੰਜ ਭੈਣ-ਭਰਾ ਹਨ। ਉਨ੍ਹਾਂ ਦੇ ਭੈਣ-ਭਰਾ ਦੇ ਨਾਮ ਮੈਰੀਐਨ ਟਰੰਪ, ਫਰੈਡਰਿਕ ਸੀ. ਟਰੰਪ ਜੂਨੀਅਰ, ਐਲਿਜ਼ਾਬੈਥ ਜੇ. ਟਰੰਪ, ਅਤੇ ਰਾਬਰਟ ਐਸ. ਟਰੰਪ ਹਨ।
ਡੋਨਾਲਡ ਟਰੰਪ ਦਾ ਪਹਿਲਾ ਵਿਆਹ ਇਵਾਨਾ ਟਰੰਪ ਨਾਲ ਹੋਇਆ ਸੀ। ਉਹ ਇੱਕ ਚੈੱਕ-ਅਮਰੀਕੀ ਮਾਡਲ ਅਤੇ ਕਾਰੋਬਾਰੀ ਔਰਤ ਸੀ। ਡੋਨਾਲਡ ਟਰੰਪ ਦਾ ਇਵਾਨਾ ਨਾਲ ਵਿਆਹ 1977 ਤੋਂ 1992 ਤੱਕ ਚੱਲਿਆ। ਇਸ ਦੌਰਾਨ ਉਨ੍ਹਾਂ ਦੇ ਤਿੰਨ ਬੱਚੇ ਹੋਏ। ਜਿਨ੍ਹਾਂ ਦੇ ਨਾਂ ਡੋਨਾਲਡ ਜੂਨੀਅਰ, ਐਰਿਕ ਅਤੇ ਇਵਾਂਕਾ ਹਨ। 2022 ਵਿੱਚ ਇਵਾਨਾ ਦੀ ਮੌਤ ਹੋ ਗਈ ਸੀ।
ਡੋਨਾਲਡ ਟਰੰਪ ਦੀ ਦੂਜੀ ਪਤਨੀ ਅਭਿਨੇਤਰੀ ਅਤੇ ਮਾਡਲ ਮਾਰਲਾ ਮੈਪਲਸ ਸੀ। ਇਸ ਵਿਆਹ ਤੋਂ ਡੋਨਾਲਡ ਦੀ ਟਿਫਨੀ ਟਰੰਪ ਬੇਟੀ ਹੈ। ਡੋਨਾਲਡ ਦਾ ਇਹ ਵਿਆਹ 1993 ਤੋਂ 1999 ਤੱਕ ਚੱਲਿਆ।
ਡੋਨਾਲਡ ਟਰੰਪ ਦਾ ਤੀਜਾ ਅਤੇ ਆਖਰੀ ਵਿਆਹ 2005 ਵਿੱਚ ਮੇਲਾਨੀਆ ਟਰੰਪ ਨਾਲ ਹੋਇਆ ਸੀ। ਮੇਲਾਨੀਆ ਟਰੰਪ ਇੱਕ ਸਾਬਕਾ ਫੈਸ਼ਨ ਮਾਡਲ ਹੈ ਅਤੇ ਇਸ ਵਿਆਹ ਤੋਂ ਬਾਅਦ ਡੋਨਾਲਡ ਟਰੰਪ ਦੇ ਇੱਕ ਬੇਟੇ ਦਾ ਨਾਮ ਬੈਰਨ ਹੈ।
ਇਸ ਵਾਰ ਅਮਰੀਕਾ ਵਿੱਚ ਰਾਸ਼ਟਰਪਤੀ ਚੋਣ ਮੁਕਾਬਲਾ ਬਹੁਤ ਰੋਮਾਂਚਕ ਰਿਹਾ। ਆਪਣੀ ਪੂਰੀ ਤਾਕਤ ਲਾਉਣ ਦੇ ਬਾਵਜੂਦ ਡੈਮੋਕ੍ਰੇਟਿਕ ਪਾਰਟੀ ਦੀ ਉਮੀਦਵਾਰ ਕਮਲਾ ਹੈਰਿਸ ਚੋਣ ਨਹੀਂ ਜਿੱਤ ਸਕੀ। ਟਰੰਪ ਨੂੰ ਲਿਖਣ ਦਾ ਵੀ ਸ਼ੌਕ ਹੈ। ਟਰੰਪ ਨੇ ਵਪਾਰ ‘ਤੇ ਕਈ ਕਿਤਾਬਾਂ ਪ੍ਰਕਾਸ਼ਤ ਕੀਤੀਆਂ। ਲੋਕਾਂ ਵੱਲੋਂ ਇਹ ਕਿਤਾਬਾਂ ਬਹੁਤ ਪੜ੍ਹੀਆਂ ਗਈਆਂ। 1996 ਤੋਂ 2015 ਤੱਕ, ਉਹ ਮਿਸ ਯੂਐਸਏ, ਮਿਸ ਟੀਨ ਯੂਐਸਏ ਅਤੇ ਮਿਸ ਯੂਨੀਵਰਸ ਮੁਕਾਬਲਿਆਂ ਦੇ ਮਾਲਕ ਸਨ।
ਹੋਰ ਖ਼ਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ‘ਤੇ ਕਲਿੱਕ ਕਰੋ : https://wishavwarta.in/
