Amazon ਦੇ ਸੰਸਥਾਪਕ ਜੈਫ ਬੇਜੋਸ ਨੂੰ ਵੱਡਾ ਸਦਮਾ; ਮਾਂ ਦਾ ਦਿਹਾਂਤ
ਨਵੀ ਦਿੱਲੀ,15 ਅਗਸਤ 2025 (ਵਿਸ਼ਵ ਵਾਰਤਾ): ਐਮਾਜ਼ਾਨ (Amazon) ਦੇ ਸੰਸਥਾਪਕ ਜੈਫ ਬੇਜੋਸ ਦੀ ਮਾਂ ਜੈਕਲੀਨ “ਜੈਕੀ” ਬੇਜੋਸ ਦਾ ਮਿਆਮੀ ਸਥਿਤ ਉਨ੍ਹਾਂ ਦੇ ਘਰ 78 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਬੇਜੋਸ ਫੈਮਿਲੀ ਫਾਊਂਡੇਸ਼ਨ ਨੇ ਇਕ ਬਿਆਨ ਜਾਰੀ ਕੀਤਾ। ਬੇਜ਼ੋਸ ਫੈਮਿਲੀ ਫਾਊਂਡੇਸ਼ਨ ਨੇ ਇਸਦੀ ਪੁਸ਼ਟੀ ਕੀਤੀ ਅਤੇ ਕਿਹਾ ਕਿ ਉਹ ਪਿਛਲੇ ਪੰਜ ਸਾਲਾਂ ਤੋਂ ਲੇਵੀ ਬਾਡੀ ਡਿਮੈਂਸ਼ੀਆ ਨਾਮਕ ਇੱਕ ਦੁਰਲੱਭ ਦਿਮਾਗੀ ਬਿਮਾਰੀ ਤੋਂ ਪੀੜਤ ਸੀ।
ਫਾਊਂਡੇਸ਼ਨ ਵੱਲੋਂ ਕਿਹਾ ਗਿਆ ਕਿ, “ਜੈਕੀ ਦਾ 14 ਅਗਸਤ ਨੂੰ ਮਿਆਮੀ ਸਥਿਤ ਆਪਣੇ ਘਰ ਵਿੱਚ 78 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ।” ਇਹ ਜ਼ਿੰਦਗੀ ਦਾ ਇੱਕ ਸ਼ਾਂਤ ਆਖਰੀ ਅਧਿਆਇ ਸੀ। ਜਿਸਨੇ ਸਾਨੂੰ ਸਾਰਿਆਂ ਨੂੰ, ਦੋਸਤਾਂ – ਪਰਿਵਾਰ ਨੂੰ, ਦ੍ਰਿੜਤਾ, ਦਿਆਲਤਾ ਅਤੇ ਦੂਜਿਆਂ ਦੀ ਸੇਵਾ ਦਾ ਅਸਲ ਅਰਥ ਸਿਖਾਇਆ।” ਦੱਸ ਦਈਏ ਕਿ ਉਨ੍ਹਾਂ ਦੇ ਪੁੱਤਰ ਜੈਫ ਬੇਜੋਸ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਆਪਣੀ ਮਾਂ ਨੂੰ ਭਾਵੁਕ ਸ਼ਰਧਾਂਜਲੀ ਭੇਟ ਕੀਤੀ।
ਉਨ੍ਹਾਂ ਕਿਹਾ ਕਿ “ਉਸਨੇ ਮੈਨੂੰ ਪੂਰੇ ਦਿਲ ਨਾਲ ਪਿਆਰ ਕਰਨ ਦਾ ਜ਼ਿੰਮਾ ਬਾਖੂਬੀ ਨਿਭਾਇਆ, “ਕੁਝ ਸਾਲਾਂ ਬਾਅਦ, ਉਸਨੇ ਮੇਰੇ ਸ਼ਾਨਦਾਰ ਪਿਤਾ ਨੂੰ ਆਪਣੀ ਜ਼ਿੰਦਗੀ ਵਿੱਚ ਸ਼ਾਮਲ ਕੀਤਾ, ਅਤੇ ਫਿਰ ਮੇਰੀ ਭੈਣ ਅਤੇ ਭਰਾ ਆਏ, ਜਿਨ੍ਹਾਂ ਨੂੰ ਉਹ ਪਿਆਰ ਕਰਦੀ ਸੀ ਅਤੇ ਉਨ੍ਹਾਂ ਦੀ ਰੱਖਿਆ ਕਰਦੀ ਸੀ। ਮਾਂ ਨੇ ਸਿਰਫ਼ 17 ਸਾਲ ਦੀ ਉਮਰ ਵਿੱਚ ਬੇਜੋਸ ਨੂੰ ਜਨਮ ਦਿੱਤਾ, ਜੋ ਕਿ ਆਸਾਨ ਨਹੀਂ ਸੀ।” ਦੱਸ ਦਈਏ ਕਿ ਜੈਕੀ ਨੇ 2000 ਵਿੱਚ ਬੇਜੋਸ ਫੈਮਿਲੀ ਫਾਊਂਡੇਸ਼ਨ ਦੀ ਸਥਾਪਨਾ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
