ਸਵੇਰੇ 9 ਵਜੇ ਤੋਂ ਦੁਪਿਹਰੇ 1 ਵਜੇ ਤੱਕ ਪਬਲਿਕ ਡੀਲਿੰਗ ਕਰਨਗੇ ਬੈਂਕ
ਏ . ਟੀ. ਐਮ ਸਵੇਰੇ 6 ਵਜੇ ਤੋ ਰਾਤ 8 ਵਜੇ ਤੱਕ ਖੁੱਲ੍ਹਣਗੇ
ਫਰੀਦਕੋਟ 11 ਮਈ ( ਵਿਸ਼ਵ ਵਾਰਤਾ )-ਫਰੀਦਕੋਟ ਜ਼ਿਲ੍ਹਾ ਮਜਿਸਟਰੇਟ ਸੌਰਵ ਰਾਜ ਆਈ. ਏ.ਐੱਸ ਨੇ ਜਿਲ੍ਹੇ ਵਿੱਚ 23 ਮਾਰਚ ਤੋਂ ਕਰੋਨਾ ਮਹਾਂਮਾਰੀ ਦੇ ਫੈਲਾਅ ਨੂੰ ਰੋਕਣ ਲਈ ਜਾਰੀ ਕਰਫ਼ਿਊ ਦੀ ਲਗਾਤਾਰਤਾ ਦੇ ਵਿੱਚ ਪੰਜਾਬ ਸਰਕਾਰ ਦੇ ਗ੍ਰਹਿ ਮੰਤਰਾਲੇ ਵੱਲੋਂ ਜਾਰੀ ਹਦਾਇਤਾਂ ਅਨੁਸਾਰ ਬੈਂਕਾਂ ਨੂੰ ਰੋਜ਼ਾਨਾ ਸ਼ਰਤਾਂ ਸਹਿਤ ਖੋਲ੍ਹਣ ਦੀ ਪ੍ਰਵਾਨਗੀ ਦਿੱਤੀ ਹੈ ।
ਜਿਲ੍ਹਾ ਮੈਜਿਸਟ੍ਰੇਟ ਨੇ ਦੱਸਿਆ ਕਿ ਜਿਲ੍ਹਾ ਫਰੀਦਕੋਟ ਦੇ ਸਾਰੇ ਬੈਂਕਾਂ ਦੇ ਏ .ਟੀ.ਐਮ ਸਵੇਰੇ 6 ਵਜੇ ਤੋਂ ਰਾਤ 8 ਵਜੇ ਤੱਕ ਖੁੱਲ੍ਹਣਗੇ । ਉਹਨਾਂ ਕਿਹਾ ਕਿ ਜਿਲ੍ਹੇ ਦੀਆ ਸਾਰੀਆਂ ਬੈਂਕਾਂ ਰੋਜ਼ਾਨਾ ਖੁੱਲਣਗਿਆ ਅਤੇ ਇਸ ਸਮੇਂ ਦੌਰਾਨ ਉਹ ਪਬਲਿਕ ਡਿਲਿੰਗ ਸਵੇਰੇ 9 ਵਜੇ ਤੋਂ ਦੁਪਹਿਰ 1 ਵਜੇ ਤੱਕ ਕਰਨਗੇ ਅਤੇ ਇਸ ਤੋਂ ਬਾਅਦ ਉਹ ਬੈਂਕਾਂ ਦੇ ਅੰਦੁਰਨੀ ਕੰਮ ਹੀ ਕਰ ਸਕਣ ਗਏ । ਬੈਂਕ ਮੁਲਾਜ਼ਮਾਂ ਦਾ ਆਈ ਡੀ ਕਾਰਡ ਹੀ ਉਹਨਾਂ ਦਾ ਕਰਫ਼ਿਊ ਪਾਸ ਮੰਨਿਆ ਜਾਵੇਗਾ । ਉਹਨਾਂ ਕਿਹਾ ਕਿ ਕੋਵਿਡ 19 ਨੂੰ ਫੈਲਣ ਤੋਂ ਰੋਕਣ ਲਈ ਇੱਕ ਪੁਲਸ ਕਰਮਚਾਰੀ ਹਰ ਬੈਂਕ ਅਤੇ ਏ .ਟੀ .ਐਮ ਦੇ ਅੱਗੇ ਤਾਇਨਾਤ ਕੀਤਾ ਜਾਵੇਗਾ ਤਾਂ ਜੋਂ ਭੀੜ ਤੇ ਕਾਬੂ ਪਾਇਆ ਜਾ ਸਕੇ । ਸਾਰੇ ਬੈਂਕਾਂ ਦੇ ਮੈਨੇਜਰ ਇਹ ਯਕੀਨੀ ਬਣਾਉਣ ਗਏ ਕਿ ਕੰਮ ਦੌਰਾਨ 1 ਮੀਟਰ , 1.50 ਮੀਟਰ ਸਮਾਜਿਕ ਦੂਰੀ ਯਕੀਨੀ ਬਣਾਈ ਜਾਵੇ ਤੇ ਸਾਰੇ ਸਟਾਫ ਨੂੰ ਮਾਸਕ ਅਤੇ ਦਸਤਾਨੇ ਪਾਉਣੇ ਯਕੀਨੀ ਬਣਾਏ ਜਾਣ ।
