ਹਾੜੀ ਦੀ ਫਸਲ ਤੇ ਕਰੋਨਾ ਦੀ ਮਾਰ, 149 ਮਜਦੂਰਾਂ ਦੇ ਕਰਫਿਊ ਪਾਸ ਦਰਖਾਸਤਾ ਕੀਤੀਆਂ ਰੱਦ

ਵਾਰਡ ਨੰਬਰ 1, 3 ਅਤੇ 5 ਵਾਰਡ ਨਾਲ ਸੰਬੰਧਤ ਲੇਵਰ ਦੇ 184 ਪਾਸ ਕੀਤੇ ਜਾਰੀ
ਬੁਢਲਾਡਾ ਦੀਆਂ ਮੰਡੀਆਂ *ਚ 3155 ਟਨ ਕਣਕ ਦੀ ਹੋਈ ਆਮਦ
ਬੁਢਲਾਡਾ 17 ਅਪ੍ਰੈਲ (ਵਿਸ਼ਵ ਵਾਰਤਾ )- ਹਾੜੀ ਦੀ ਫਸਲ ਦੀ ਆਮਦ ਨੂੰ ਮੱਦੇਨਜਰ ਰੱਖਦਿਆਂ ਮਾਰਕਿਟ ਕਮੇਟੀ ਬੁਢਲਾਡਾ ਵੱਲੋਂ ਕਰੋਨਾ ਵਾਇਰਸ ਇਤਿਹਾਤ ਵਜੋਂ ਜਾਰੀ ਕੀਤੀਆਂ ਹਦਾਇਤਾ ਨੂੰ ਗੰਭੀਰਤਾ ਨਾਲ ਲੈਦਿਆਂ ਸ਼ਹਿਰ ਦੇ ਵਾਰਡ ਨੰਬਰ 2 ਅਤੇ 4 ਨਾਲ ਸੰਬੰਧਤ 149 ਲੋਕਾਂ ਦੇ ਕਰਫਿਊ ਪਾਸਾਂ ਲਈ ਦਿੱਤੀਆਂ ਦਰਖਾਸਤਾ ਰੱਦ ਕਰ ਦਿੱਤੀਆ ਗਈਆ ਹਨ. ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਸਕੱਤਰ ਮਨਮੋਹਨ ਸਿੰਘ ਫਫੜੇ ਭਾਈਕੇ ਨੇ ਦੱਸਿਆ ਕਿ ਸਥਾਨਕ ਸ਼ਹਿਰ ਅੰਦਰ ਸਿਹਤ ਵਿਭਾਗ ਵੱਲੋਂ ਵਾਰਡ ਨੰਬਰ 1 ਤੋਂ 4 ਤੱਕ ਇਤਿਹਾਤ ਵਜੋਂ ਸੀਲ ਕਰ ਦਿੱਤਾ ਗਿਆ ਸੀ ਜਿਸ ਦੇ ਮੱਦੇਨਜਰ ਕਿਸੇ ਵੀ ਵਾਰਡ ਦੇ ਹਾੜੀ ਦੀ ਸੀਜਨ ਵਿੱਚ ਹਿੱਸਾ ਲੈਣ ਵਾਲੇ ਕਿਸੇ ਵੀ ਵਿਅਕਤੀ ਦੇ ਕਰਫਿਊ ਪਾਸ ਤੋਂ ਇਨਕਾਰ ਕਰ ਦਿੱਤਾ ਸੀ ਪਰੰਤੂ ਜਿਲ੍ਹਾਂ ਪ੍ਰਸ਼ਾਸ਼ਨ ਵੱਲੋਂ ਲਏ ਗਏ ਫੈਸਲੇ ਅਧੀਨ ਵਾਰਡ ਨੰਬਰ 2 ਅਤੇ 4 ਨੂੰ ਛੱਡ ਕੇ ਵਾਰਡ ਨੰਬਰ 1, 3, 5 ਦੇ ਲੋਕ ਜ਼ੋ ਹਾੜੀ ਦੇ ਕੰਮ ਵਿੱਚ ਹਿੱਸਾ ਲੈਣਾ ਚਾਹੁੰਦੇ ਸਨ ਦੇ 184 ਲੋਕਾਂ ਦੇ ਕਰਫਿਊ ਪਾਸ ਜਾਰੀ ਕਰ ਦਿੱਤੇ ਗਏ ਹਨ. ਜ਼ੋ ਵੱਖ ਵੱਖ ਖਰੀਦ ਕੇਂਦਰਾਂ ਵਿੱਚ ਕਣਕ ਦੀ ਖਰੀਦ ਵਿੱਚ ਹਿੱਸਾ ਲੈਣਗੇ. ਉਨ੍ਹਾਂ ਦੱਸਿਆ ਕਿ ਮਾਰਕਿਟ ਕਮੇਟੀ ਅਧੀਨ 18 ਖਰੀਦ ਕੇਂਦਰ, 10 ਆਰਜੀ ਖਰੀਦ ਕੇਂਦਰ ਜ਼ੋ ਸੈਲਰਾਂ ਵਿੱਚ ਸਥਾਪਤ ਕੀਤੇ ਗਏ ਹਨ ਇੱਕ ਪੁੱਡਾ ਕਲੋਨੀ ਸਮੇਤ ਮੰਡੀਕਰਨ ਦੇ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ ਜਿੱਥੇ ਸੈਨੀਟਾਇਜ਼ਰ, ਡਿਸਟੈਸ ਦੀ ਪਾਲਣਾ ਕੀਤੀ ਜਾ ਰਹੀ ਹੈ. ਮੰਡੀਆਂ ਵਿੱਚ ਦਾਖਲ ਹੋਣ ਵਾਲੀਆਂ ਟਰਾਲੀਆਂ ਨੂੰ ਖਰੀਦ ਕੇਂਦਰ ਦੇ ਬਾਹਰ ਸੈਨੀਟਾਈਜ਼ ਕਰਕੇ ਦਾਖਲ ਹੋਣ ਦਿੱਤਾ ਜਾਵੇਗਾ. ਉਨ੍ਹਾਂ ਕਿਹਾ ਕਿ ਹਰ ਖਰੀਦ ਕੇਂਦਰ ਅੰਦਰ 15 ਤੋਂ 20 ਆੜਤੀਏ ਅਤੇ 6 ਤੋਂ 10 ਲੇਵਰ ਵਾਲੇ ਵਿਅਕਤੀਆ ਦੇ ਕਰਫਿਊ ਪਾਸ ਜਾਰੀ ਕੀਤੇ ਜਾ ਰਹੇ ਹਨ. ਉਨ੍ਹਾਂ ਦੱਸਿਆ ਕਿ ਬੁਢਲਾਡਾ ਸ਼ਹਿਰ ਨਾਲ ਸੰਬੰਧਤ ਆਰਜ਼ੀ ਖਰੀਦ ਕੇਂਦਰਾ ਉੱਪਰ ਸ਼ਹਿਰ ਨਾਲ ਸੰਬੰਧਤ ਖਰੀਦ ਏਜੰਸੀਆਂ ਹੀ ਕਣਕ ਦੀ ਖਰੀਦ ਕਰਨਗੀਆਂ. ਮੰਡੀ ਸੂਪਰਵਾਇਜ਼ਰ ਮਨਜਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਹੁਣ ਤੱਕ ਆੜਤੀਆਂ ਦੇ 256 ਅਤੇ ਮੁਨੀਮਾਂ ਦੇ 205 ਕਰਫਿਊ ਪਾਸ ਜਾਰੀ ਕੀਤੇ ਜਾ ਚੁੱਕੇ ਹਨ. ਉਨ੍ਹਾਂ ਦੱਸਿਆ ਕਿ ਮੰਡੀਆਂ ਵਿੱਚ ਹੁਣ ਤੱਕ ਕੁੱਲ 3155 ਟਨ ਕਣਕ ਦੀ ਆਮਦ ਆ ਚੁੱਕੀ ਹੈ ਜਿਸ ਵਿੱਚ ਕੁੱਲ ਖਰੀਦ 1600 ਟਨ, ਅਨਲਿਫਟਡ 1655 ਟਨ, ਖਰੀਦ ਕੀਤੀ ਏਜੰਸੀਆਂ ਚੋ ਪਨਗਰੇਨ 940 ਟਨ, ਪਨਸਪ 315 ਟਨ, ਮਾਰਕਫੈਡ 210 ਟਨ ਅਤੇ ਵੇਅਰਹਾਊਸ਼ 135 ਟਨ ਦੀ ਖਰੀਦ ਕਰ ਚੁੱਕਿਆ ਹੈ.