ਚੰਡੀਗੜ੍ਹ, 16 ਨਵੰਬਰ (ਵਿਸ਼ਵ ਵਾਰਤਾ) ਮਸ਼ਹੂਰ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਇਸ ਸਮੇਂ ਆਪਣੇ “AURA ਇੰਡੀਆ ਟੂਰ 2026” ਨਾਲ ਪ੍ਰਸ਼ਸੰਕਾਂ ਦਾ ਮਨੋਰੰਜਨ ਕਰ ਰਹੇ ਹਨ। ਇਸ ਦੇ ਚਲਦਿਆਂ ਦਿਲਜੀਤ ਨੇ ਐਤਵਾਰ ਰਾਤ ਨੂੰ ਇੰਦੌਰ ਵਿੱਚ ਇੱਕ ਸ਼ਾਨਦਾਰ ਲਾਈਵ ਕੰਸਰਟ ਕੀਤਾ।
ਸ਼ੋਅ ਤੋਂ ਪਹਿਲਾਂ ਬੰਬ ਧਮਕੀਆਂ ਅਤੇ ਪ੍ਰਸ਼ਾਸਨਿਕ ਪਾਬੰਦੀਆਂ ਦੇ ਬਾਵਜੂਦ, ਦਿਲਜੀਤ ਸਟੇਜ ‘ਤੇ ਉਤਰੇ ਅਤੇ ਪ੍ਰਸ਼ੰਸਕਾਂ ਦੇ ਦਿਲ ਜਿੱਤ ਲਏ। ਉਨ੍ਹਾਂ ਨੇ ਕਿਸੇ ਦਾ ਨਾਮ ਲਏ ਬਿਨਾਂ ਮਰਹੂਮ ਸ਼ਾਇਰ ਰਾਹਤ ਇੰਦੋਰੀ ਦੇ ਇੱਕ ਸ਼ੇਅਰ ਰਾਹੀਂ ਆਪਣੇ ਵਿਰੋਧੀਆਂ ਕਰਾਰਾ ਜਵਾਬ ਦਿੱਤਾ, ਜਿਸਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਦਿਲਜੀਤ ਨੇ ਆਲੋਚਕਾਂ ਨੂੰ ਇੱਕ ਤਿੱਖਾ ਸੁਨੇਹਾ ਦਿੱਤਾ ਜਿਵੇਂ ਕਿ “ਦੁਸ਼ਮਣ ਵੀ ਕਮ ਨਹੀਂ, ਪਰ ਹਮਾਰੀ ਤਰ੍ਹਾਂ ਹਥੇਲੀ ਪੇ ਜਾਨ ਥੋੜੀ ਹੈ, ਅਤੇ “ਕਿਸੀ ਕੇ ਬਾਪ ਕਾ ਹਿੰਦੁਸਤਾਨ ਥੋੜੀ ਹੈ” । ਇੰਦੌਰ ਦੇ ਡਿਲਾਈਟ ਦਸਤੂਰ ਗਰਾਊਂਡ ‘ਤੇ ਆਯੋਜਿਤ ਇਹ ਕੰਸਰਟ ਇੱਕ ਬਹੁਤ ਹੀ ਜੋਸ਼ ਭਰਪੂਰ ਪ੍ਰਦਰਸ਼ਨ ਨਾਲ ਸ਼ੁਰੂ ਹੋਇਆ। ਸ਼ੋਅ ਦੌਰਾਨ, ਦਿਲਜੀਤ ਨੇ ਇੰਦੌਰ ਆਉਣ ਤੋਂ ਰੋਕਣ ਲਈ ਕੀਤੇ ਗਏ ਯਤਨਾਂ ਦਾ ਵੀ ਜ਼ਿਕਰ ਕੀਤਾ। ਆਪਣੇ ਪ੍ਰਸ਼ੰਸਕਾਂ ਨੂੰ ਸੰਬੋਧਨ ਕਰਦਿਆਂ, ਦਿਲਜੀਤ ਨੇ ਕਿਹਾ ਕਿ ਉਸਨੂੰ ਰੋਕਣ ਲਈ ਲਗਾਈਆਂ ਗਈਆਂ ਕਈ ਪਾਬੰਦੀਆਂ ਦੇ ਬਾਵਜੂਦ, ਉਹ ਆਪਣਾ ਵਾਅਦਾ ਪੂਰਾ ਕਰਨ ਲਈ ਸ਼ਹਿਰ ਆਇਆ ਹੈ। ਉਸਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਕਿ ਇੱਕ ਵਾਰ ਜਦੋਂ ਉਸਨੇ ਜਨਤਾ ਨੂੰ ਕਿਹਾ ਸੀ ਕਿ ਉਹ ਆਵੇਗਾ, ਉਹ ਆਪਣੇ ਸ਼ਬਦਾਂ ਤੋਂ ਕਦੇ ਪਿੱਛੇ ਨਹੀਂ ਹਟਿਆ ਅਤੇ, ਸਾਰੀਆਂ ਰੁਕਾਵਟਾਂ ਨੂੰ ਪਾਰ ਕਰਕੇ, ਅੱਜ ਉਨ੍ਹਾਂ ਦੇ ਸਾਹਮਣੇ ਖੜ੍ਹਾ ਹੈ। ਉਨ੍ਹਾਂ ਨੇ ਖੁੱਲ੍ਹ ਕੇ ਜਨਤਾ ਨੂੰ ਐਲਾਨ ਕੀਤਾ ਕਿ ਇਹ ਬਾਬਾ ਮਹਾਕਾਲ ਦਾ ਪਵਿੱਤਰ ਸ਼ਹਿਰ ਹੈ, ਅਤੇ ਕੋਈ ਵੀ ਉਨ੍ਹਾਂ ਨੂੰ ਇੱਥੇ ਆਉਣ ਤੋਂ ਨਹੀਂ ਰੋਕ ਸਕਦਾ। ਦਿਲਜੀਤ ਨੇ ਆਪਣੇ ਸਪੱਸ਼ਟ ਅੰਦਾਜ਼ ਵਿੱਚ ਕਿਹਾ ਕਿ ਉਹ ਪਹਿਲਾਂ ਕਦੇ ਨਹੀਂ ਡਰਿਆ ਸੀ ਅਤੇ ਨਾ ਹੀ ਹੁਣ ਡਰਦਾ ਹੈ, ਅਤੇ ਇਹ ਉਸਦੇ ਪ੍ਰਸ਼ੰਸਕਾਂ ਦੀ ਤਾਕਤ ਹੈ ਜੋ ਅੱਜ ਉਹ ਉੱਥੇ ਉਹਨਾਂ ਦਾ ਮਨੋਰੰਜਨ ਕਰ ਰਹੇ ਹਨ।