ਫੈਂਸੀ ਨੰਬਰਾਂ ਦਾ ਵਧਿਆ ਕਰੇਜ਼! 21.31 ਲੱਖ ਰੁਪਏ ‘ਚ ਵਿਕਿਆ 0001
ਚੰਡੀਗੜ੍ਹ, 12 ਅਕਤੂਬਰ, 2026 (ਵਿਸ਼ਵ ਵਾਰਤਾ) : ਚੰਡੀਗੜ੍ਹ ਵਿੱਚ ਇਕ ਵਾਰ ਫਿਰ ਗੱਡੀਆਂ ਦੇ VIP ਨੰਬਰਾਂ ਦਾ ਕ੍ਰੇਜ਼ ਦੇਖਣ ਨੂੰ ਮਿਲਿਆ। ਇੱਕ ਖਾਸ ਨੰਬਰ ਲਈ 21.31 ਲੱਖ ਰੁਪਏ ਤੱਕ ਦੀ ਬੋਲੀ ਲੱਗ ਗਈ। ਰਜਿਸਟਰਿੰਗ ਐਂਡ ਲਾਇਸੈਂਸਿੰਗ ਅਥਾਰਟੀ (RLA) ਵੱਲੋਂ ਨਵੀਂ ਲੜੀ CH01-DG ਦੇ ਫੈਂਸੀ ਨੰਬਰਾਂ ਦੀ ਈ-ਨੀਲਾਮੀ ਕਰਵਾਈ ਗਈ।
ਰਜਿਸਟ੍ਰੇਸ਼ਨ ਅਤੇ ਲਾਇਸੈਂਸਿੰਗ ਅਥਾਰਟੀ, ਯੂ.ਟੀ. ਚੰਡੀਗੜ੍ਹ ਦੇ ਦਫ਼ਤਰ ਨੇ 10 ਤੋਂ 12 ਅਕਤੂਬਰ, 2026 ਤੱਕ ਨਵੀਂ ਲੜੀ “CH01-DG” ਦੇ 0001 ਤੋਂ 9999 ਤੱਕ ਦੇ ਆਕਰਸ਼ਕ ਅਤੇ ਪਸੰਦੀਦਾ ਵਾਹਨ ਰਜਿਸਟ੍ਰੇਸ਼ਨ ਨੰਬਰਾਂ ਦੇ ਨਾਲ-ਨਾਲ ਪਿਛਲੀਆਂ ਲੜੀਆਂ ਦੇ ਬਾਕੀ ਰਹਿੰਦੇ ਖ਼ਾਸ ਰਜਿਸਟ੍ਰੇਸ਼ਨ ਨੰਬਰਾਂ ਦੀ ਈ-ਨੀਲਾਮੀ ਕਰਵਾਈ। ਈ-ਨੀਲਾਮੀ ਵਿੱਚ ਕੁੱਲ 527 ਰਜਿਸਟ੍ਰੇਸ਼ਨ ਨੰਬਰਾਂ ਦੀ ਨੀਲਾਮੀ ਹੋਈ, ਜਿਸ ਤੋਂ 2,97,56,000 ਰੁਪਏ ਦਾ ਮਾਲੀਆ ਪ੍ਰਾਪਤ ਹੋਇਆ। ਰਜਿਸਟ੍ਰੇਸ਼ਨ ਨੰਬਰ “CH01-DG-0001” ਲਈ ਸਭ ਤੋਂ ਵੱਧ 21,31,000 ਰੁਪਏ ਦੀ ਬੋਲੀ ਲੱਗੀ, ਜਦੋਂ ਕਿ “CH01-DG-0007” ਲਈ ਦੂਜੀ ਸਭ ਤੋਂ ਵੱਧ 11,71,000 ਰੁਪਏ ਦੀ ਬੋਲੀ ਪ੍ਰਾਪਤ ਹੋਈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
