NEET PG 2026 ਦੇ ਨਤੀਜਿਆਂ ਦਾ ਐਲਾਨ; ਲੱਖਾਂ ਉਮੀਦਵਾਰਾਂ ਦਾ ਇੰਤਜ਼ਾਰ ਹੋਇਆ ਖ਼ਤਮ!
ਚੰਡੀਗੜ੍ਹ, 24 ਸਤੰਬਰ (ਵਿਸ਼ਵ ਵਾਰਤਾ) – ਨੈਸ਼ਨਲ ਬੋਰਡ ਆਫ਼ ਐਗਜ਼ਾਮੀਨੇਸ਼ਨ ਇਨ ਮੈਡੀਕਲ ਸਾਇੰਸਜ਼ (NBEMS) ਨੇ ਨੀਟ ਪੀਜੀ (NEET PG) 2026 ਦਾ ਨਤੀਜਾ ਘੋਸ਼ਿਤ ਕਰ ਦਿੱਤਾ ਹੈ। ਜਿਨ੍ਹਾਂ ਉਮੀਦਵਾਰਾਂ ਨੇ ਇਹ ਪ੍ਰੀਖਿਆ ਦਿੱਤੀ ਸੀ, ਉਹ ਅਧਿਕਾਰਤ ਵੈੱਬਸਾਈਟ nbe.edu.in ਜਾਂ natboard.edu.in ‘ਤੇ ਜਾ ਕੇ ਆਪਣਾ ਨਤੀਜਾ ਚੈੱਕ ਕਰ ਸਕਦੇ ਹਨ। 30 ਅਗਸਤ ਨੂੰ ਦੇਸ਼ ਭਰ ਵਿੱਚ ਇਹ ਪ੍ਰੀਖਿਆ ਕਰਵਾਈ ਗਈ ਸੀ, ਜਿਸ ਵਿੱਚ ਜੈਪੁਰ ਦੇ ਦੋ ਪ੍ਰੀਖਿਆ ਕੇਂਦਰਾਂ ‘ਤੇ ਬਿਜਲੀ ਦੀ ਸਮੱਸਿਆ ਕਾਰਨ ਪ੍ਰੀਖਿਆ ਪੂਰੀ ਨਹੀਂ ਹੋ ਸਕੀ ਸੀ।
ਨੀਟ ਪੀਜੀ 2026 ਦੀ ਮੁੱਖ ਪ੍ਰੀਖਿਆ (30 ਅਗਸਤ 2026 ਨੂੰ) ‘ਚ ਕੁੱਲ 2,63,544 ਉਮੀਦਵਾਰ ਸ਼ਾਮਲ ਹੋਏ। ਉੱਥੇ ਹੀ, ਜੈਪੁਰ ਦੇ ਆਈ.ਓ.ਐਨ. ਡਿਜੀਟਲ ਜ਼ੋਨ (iON Digital Zone) IDZ ਸੀਤਾਪੁਰਾ-1 ਅਤੇ 2 ਪ੍ਰੀਖਿਆ ਕੇਂਦਰਾਂ ਤੋਂ ਪ੍ਰਭਾਵਿਤ ਉਮੀਦਵਾਰਾਂ ਲਈ 5 ਸਤੰਬਰ 2026 ਨੂੰ ਦੁਬਾਰਾ ਪ੍ਰੀਖਿਆ ਕਰਵਾਈ ਗਈ। ਇਸ ਵਿੱਚ 2,416 ਉਮੀਦਵਾਰ ਸ਼ਾਮਲ ਹੋਏ।
ਨਤੀਜੇ ਦੇ ਨਾਲ ਹੀ ਉਮੀਦਵਾਰਾਂ ਦੇ ਰੌ ਸਕੋਰ (Raw Score) ਅਤੇ ਨੀਟ-ਪੀਜੀ (NEET-PG) ਰੈਂਕ ਜਾਰੀ ਕਰ ਦਿੱਤੇ ਗਏ ਹਨ। NEET-PG ਰੈਂਕ ਉਮੀਦਵਾਰਾਂ ਵੱਲੋਂ ਪ੍ਰਾਪਤ ਕੀਤੇ ਅੰਕਾਂ ਅਤੇ ਟਾਈ-ਬ੍ਰੇਕਿੰਗ ਨਿਯਮਾਂ ਦੇ ਆਧਾਰ ‘ਤੇ ਤੈਅ ਕੀਤੀ ਗਈ ਹੈ।
ਨੀਟ-ਪੀਜੀ 2026 ਵਿੱਚ ਕਿੰਨੀ ਰਹੀ ਕੱਟ-ਆਫ਼? : ਵੱਖ-ਵੱਖ ਸ਼੍ਰੇਣੀਆਂ ਦੇ ਘੱਟੋ-ਘੱਟ ਯੋਗਤਾ ਪਰਸੈਂਟਾਈਲ ਅਤੇ ਕੱਟ-ਆਫ਼ ਅੰਕ ਵੱਖ-ਵੱਖ ਹਨ।
ਕੈਟੇਗਰੀ ਵਾਈਜ਼ ਪਰਸੈਂਟਾਈਲ ਕੱਟ-ਆਫ਼ ਕੁਝ ਇਸ ਤਰ੍ਹਾਂ ਹੈ:
ਜਨਰਲ / ਈ.ਡਬਲਿਊ.ਐੱਸ. (General/EWS): 50ਵਾਂ ਪਰਸੈਂਟਾਈਲ, 262
ਜਨਰਲ ਦਿਵਿਆਂਗ (General-PwBD): 45ਵਾਂ ਪਰਸੈਂਟਾਈਲ, 244
ਐੱਸ.ਸੀ. / ਐੱਸ.ਟੀ. / ਓ.ਬੀ.ਸੀ. ਅਤੇ ਸੰਬੰਧਿਤ ਦਿਵਿਆਂਗ (SC/ST/OBC and PwBD): 40ਵਾਂ ਪਰਸੈਂਟਾਈਲ, 226
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
