Women’s Asia Cup 2026 : ਸ਼ੈਫਾਲੀ ਵਰਮਾ ਦੀ ਤੂਫ਼ਾਨੀ ਫਿਫ਼ਟੀ; 36 ਗੇਂਦਾਂ ‘ਚ ਬਣਾਈਆਂ 64 ਦੌੜਾਂ
– ਜਾਣੋ, ਭਾਰਤ ਨੇ ਥਾਈਲੈਂਡ ਸਾਹਮਣੇ ਰੱਖਿਆ ਕਿੰਨੀਆਂ ਦੌੜਾਂ ਦਾ ਟੀਚਾ
ਨਵੀ ਦਿੱਲੀ, 30 ਅਗਸਤ (ਵਿਸ਼ਵ ਵਾਰਤਾ): ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਏਸ਼ੀਆ ਕੱਪ ਦੀ ਟਰਾਫ਼ੀ ‘ਤੇ ਕਬਜ਼ਾ ਕਰਨ ਦੇ ਇਰਾਦੇ ਨਾਲ ਮੈਦਾਨ ਵਿੱਚ ਉੱਤਰ ਚੁੱਕੀ ਹੈ। ਮਹਿਲਾ ਏਸ਼ੀਆ ਕੱਪ 2026 ਦੇ ਆਪਣੇ ਪਹਿਲੇ ਮੁਕਾਬਲੇ ਵਿੱਚ ਭਾਰਤ ਦਾ ਸਾਹਮਣਾ ਥਾਈਲੈਂਡ ਨਾਲ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਹੋ ਰਿਹਾ ਹੈ। ਟੂਰਨਾਮੈਂਟ ਵਿੱਚ ਦਮਦਾਰ ਸ਼ੁਰੂਆਤ ਲਈ ਭਾਰਤੀ ਟੀਮ ਦੀ ਨਜ਼ਰ ਵੱਡੀ ਜਿੱਤ ‘ਤੇ ਹੈ। ਥਾਈਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ।
ਭਾਰਤੀ ਮਹਿਲਾ ਟੀਮ ਨੇ ਵੂਮੈਂਸ ਏਸ਼ੀਆ ਕੱਪ ਵਿੱਚ ਥਾਈਲੈਂਡ ਦੇ ਖ਼ਿਲਾਫ਼ 159 ਰਨ ਬਣਾਏ ਹਨ। ਇਸ ਤਰ੍ਹਾਂ ਥਾਈਲੈਂਡ ਨੂੰ ਜਿੱਤ ਲਈ 160 ਰਨ ਬਣਾਉਣੇ ਹੋਣਗੇ। ਥਾਈਲੈਂਡ ਵੱਲੋਂ ਸੁਲੀਪੌਰਨ ਲਾਓਮੀ ਨੇ ਸਭ ਤੋਂ ਵੱਧ 3 ਵਿਕਟਾਂ ਆਪਣੇ ਨਾਂ ਕੀਤੀਆਂ। ਭਾਰਤ ਵੱਲੋਂ ਸਲਾਮੀ ਬੱਲੇਬਾਜ਼ ਸ਼ੈਫਾਲੀ ਵਰਮਾ ਨੇ ਅਰਧ-ਸੈਂਕੜਾ ਜੜਿਆ। ਸ਼ੈਫਾਲੀ ਨੇ 36 ਗੇਂਦਾਂ ‘ਚ 64 ਦੌੜਾ ਦੀ ਸ਼ਾਨਦਾਰ ਪਾਰੀ ਖੇਡੀ। ਉਸ ਨੇ ਆਪਣੀ ਪਾਰੀ ਵਿੱਚ 8 ਚੌਕੇ ਅਤੇ 3 ਛੱਕੇ ਲਗਾਏ।
ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਟੀਮ ਇੰਡੀਆ ਨੇ ਮਜ਼ਬੂਤ ਸ਼ੁਰੂਆਤ ਕੀਤੀ। ਪਰ, ਸਕੋਰ 200 ਪਾਰ ਨਹੀਂ ਪਹੁੰਚ ਸਕਿਆ।ਟੌਪ-3 ਬੱਲੇਬਾਜ਼ਾਂ ਨੇ 105 ਰਨ ਬਣਾਏ। ਇਸ ਵਿੱਚ ਸਮ੍ਰਿਤੀ ਮੰਧਾਨਾ ਦੇ 22, ਸ਼ੈਫਾਲੀ ਵਰਮਾ ਦੇ 64 ਅਤੇ ਪ੍ਰਤਿਕਾ ਰਾਵਲ ਦੇ 22 ਰਨ ਸ਼ਾਮਲ ਰਹੇ।
ਦੋਵਾਂ ਟੀਮਾਂ ਦੀ ਪਲੇਇੰਗ-XI
ਭਾਰਤ: ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਪ੍ਰਤਿਕਾ ਰਾਵਲ, ਹਰਮਨਪ੍ਰੀਤ ਕੌਰ, ਭਾਰਤੀ ਫੁਲਮਾਲੀ, ਰਿਚਾ ਘੋਸ਼, ਦੀਪਤੀ ਸ਼ਰਮਾ, ਪ੍ਰੇਮਾ ਰਾਵਤ, ਸ਼੍ਰੀ ਚਰਣੀ, ਕ੍ਰਾਂਤੀ ਗੌੜ ਅਤੇ ਨੰਦਨੀ ਸ਼ਰਮਾ।
ਥਾਈਲੈਂਡ: ਅਪਿਸਰਾ ਸੁਵਾਨਚੋਨਰਾਠੀ, ਫੰਨਿਤਾ ਮਾਇਆ, ਨੰਨਾਪਤ ਕੋਨਚਾਰੋਏਨਕਾਈ (ਵਿਕਟਕੀਪਰ), ਨੱਥਾਕਨ ਚੰਥਮ, ਚਨਿਦਾ ਸੁਥਿਰੁਆਂਗ, ਨਾਓਮੀ ਹੈਮਿਲਟਨ, ਸੁਲੇਪੌਰਨ ਲਾਓਮੀ, ਨੰਨਾਫਟ ਚਾਈਹਾਨ, ਸੁਨੀਦਾ ਚਤੁਰੋਂਗਰੱਤਨਾ, ਓਨਨਿਚਾ ਕਾਮਚੋਮਫੂ ਅਤੇ ਥਿਪਾਚਾ ਪੁਥਾਵੋਂਗ (ਕਪਤਾਨ)।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
