Punjabi Singer ਜੈਸਮੀਨ ਸੈਂਡਲਸ ਨੇ ਲਾਈਵ ਕੰਸਰਟ ‘ਚ ਪ੍ਰਸ਼ੰਸਕਾਂ ਨੂੰ ਦਿੱਤਾ ਵੱਡਾ ਸਰਪ੍ਰਾਈਜ਼
– ਪਰਫਾਰਮੈਂਸ ਦੌਰਾਨ ਮੰਗੇਤਰ ਨੂੰ ਸਟੇਜ ‘ਤੇ ਸੱਦ ਕੇ ਫੈਨਜ਼ ਕੀਤੇ ਹੈਰਾਨ
ਚੰਡੀਗੜ੍ਹ, 12 ਜੁਲਾਈ 2026 (ਵਿਸ਼ਵ ਵਾਰਤਾ): ਪੰਜਾਬੀ ਸਿੰਗਰ ਜੈਸਮੀਨ ਸੈਂਡਲਸ ਦੇ ‘ਦ ਡ੍ਰੀਮ ਗਰਲ ਇੰਡੀਆ ਟੂਰ’ ਦੇ ਪਹਿਲੇ ਕੰਸਰਟ ਦੌਰਾਨ ਇੱਕ ਅਜਿਹਾ ਪਲ ਸਾਹਮਣੇ ਆਇਆ, ਜਿਸ ਨੇ ਹਜ਼ਾਰਾਂ ਫੈਨਜ਼ ਨੂੰ ਹੈਰਾਨ ਕਰ ਦਿੱਤਾ। ਲਾਈਵ ਪਰਫਾਰਮੈਂਸ ਦੇ ਵਿਚਾਲੇ ਜੈਸਮੀਨ ਨੇ ਆਪਣੇ ਰਿਸ਼ਤੇ ਨੂੰ ਜਨਤਕ ਕਰਦੇ ਹੋਏ ਸਟੇਜ ‘ਤੇ ਇੱਕ ਸ਼ਖਸ ਨੂੰ ਬੁਲਾਇਆ ਅਤੇ ਦੱਸਿਆ ਕਿ ਉਹੀ ਉਨ੍ਹਾਂ ਦੇ ਮੰਗੇਤਰ ਹਨ।
ਕੰਸਰਟ ਆਪਣੇ ਪੂਰੇ ਰੰਗ ਵਿੱਚ ਸੀ ਅਤੇ ਫੈਨਜ਼ ਜੈਸਮੀਨ ਦੇ ਗਾਣਿਆਂ ‘ਤੇ ਝੂਮ ਰਹੇ ਸਨ। ਇਸੇ ਦੌਰਾਨ ਅਚਾਨਕ ਮਿਊਜ਼ਿਕ ਹੌਲੀ ਹੋ ਗਿਆ। ਜੈਸਮੀਨ ਨੇ ਇੱਕ ਸ਼ਖਸ ਦਾ ਹੱਥ ਫੜ ਕੇ ਉਸ ਨੂੰ ਸਟੇਜ ‘ਤੇ ਬੁਲਾਇਆ ਅਤੇ ਕਿਹਾ- “ਆਈ ਹੈਵ ਅ ਲਿਟਲ ਸੀਕ੍ਰੇਟ… ਆਈ ਹੈਵ ਅ ਲਿਟਲ, ਮੈਸਿਵ ਸੀਕ੍ਰੇਟ। ਯਾਨੀ ਮੇਰੇ ਕੋਲ ਇੱਕ ਛੋਟਾ ਜਿਹਾ ਰਾਜ਼ ਹੈ… ਮੇਰੇ ਕੋਲ ਇੱਕ ਬਹੁਤ ਵੱਡਾ ਰਾਜ਼ ਹੈ।”
ਇਸ ਤੋਂ ਬਾਅਦ ਉਨ੍ਹਾਂ ਨੇ ਫੈਨਜ਼ ਨੂੰ ਉਤਸ਼ਾਹ ਨਾਲ ਕਿਹਾ- ਕੈਨ ਯੂ ਸੇਅ ਸ਼ੇਖਰ? ਕੈਨ ਯੂ ਸੇਅ ਸ਼ੇਖਰ? ਕੈਨ ਯੂ ਸੇਅ ਚੌਧਰੀ ਸਾਹਬ?” ਇਸ ਦੌਰਾਨ ਪੂਰਾ ਸਟੇਡੀਅਮ ਤਾਲੀਆਂ ਅਤੇ ਹੂਟਿੰਗ ਨਾਲ ਗੂੰਜ ਉੱਠਿਆ। ਇਸ ਤੋਂ ਬਾਅਦ ਜੈਸਮੀਨ ਨੇ ਆਪਣੇ ਰਿਸ਼ਤੇ ਦਾ ਖੁਲਾਸਾ ਕਰਦੇ ਹੋਏ ਕਿਹਾ-“ਦਿਸ ਇਜ਼ ਅ ਮੈਨ ਹੂ ਪੁੱਟ ਅ ਰਿੰਗ ਔਨ ਇਟ। ਦਿਸ ਇਜ਼ ਮਾਈ ਮੈਨ, ਐਵਰੀਬਡੀ।” ਯਾਨੀ ਇਹ ਉਹੀ ਸ਼ਖਸ ਹਨ ਜਿਨ੍ਹਾਂ ਨੇ ਮੈਨੂੰ ਅੰਗੂਠੀ ਪਹਿਨਾਈ ਹੈ। ਤੁਸੀਂ ਸਾਰੇ ਜਾਣ ਲਵੋ, ਇਹੀ ਮੇਰੇ ਜੀਵਨਸਾਥੀ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
