Thailand: 11 ਸਾਲ ਦੇ ਬੱਚੇ ਨੇ ਬੋਧੀ ਭਿਕਸ਼ੂਆਂ ਨੂੰ ਕੁਚਲਿਆ
– 10 ਭਿਕਸ਼ੂਆਂ ਦੀ ਮੌਤ, 14 ਹੋਰ ਗੰਭੀਰ ਜ਼ਖਮੀ
ਚੰਡੀਗੜ੍ਹ, 4 ਜੁਲਾਈ (ਵਿਸ਼ਵ ਵਾਰਤਾ): ਵੀਰਵਾਰ ਨੂੰ, ਥਾਈਲੈਂਡ ਦੇ ਮੁਕਦਾਹਨ ਵਿੱਚ ਇੱਕ ਬੱਚੇ ਨੇ ਬੋਧੀ ਭਿਕਸ਼ੂਆਂ ਦੇ ਸਮੂਹ ‘ਤੇ ਇੱਕ ਪਿਕਅੱਪ ਟਰੱਕ ਚੜ੍ਹਾ ਦਿੱਤਾ। ਇਸ ‘ਹਾਦਸੇ ਚ ਘੱਟੋ-ਘੱਟ 10 ਭਿਕਸ਼ੂਆਂ ਦੀ ਮੌਤ ਹੋ ਗਈ ਅਤੇ ਪੰਜ ਗੰਭੀਰ ਜ਼ਖਮੀ ਹੋ ਗਏ। ਪੁਲਿਸ ਦੇ ਅਨੁਸਾਰ, ਇੱਕ 11 ਸਾਲਾ ਲੜਕਾ ਬਿਨਾਂ ਇਜਾਜ਼ਤ ਆਪਣੇ ਮਾਪਿਆਂ ਦੇ ਪਿਕਅੱਪ ਟਰੱਕ ਨੂੰ ਲੈ ਗਿਆ ਸੀ। ਲਗਭਗ 10 ਕਿਲੋਮੀਟਰ ਤੱਕ ਗੱਡੀ ਚਲਾਉਣ ਤੋਂ ਬਾਅਦ, ਉਸਨੇ ਵਾਹਨ ਦਾ ਕੰਟਰੋਲ ਗੁਆ ਦਿੱਤਾ ਅਤੇ ਇੱਕ ਤੀਰਥ ਯਾਤਰਾ ‘ਤੇ ਜਾ ਰਹੇ ਭਿਕਸ਼ੂਆਂ ਨੂੰ ਕੁਚਲ ਦਿੱਤਾ।
ਇਹ ਹਾਦਸਾ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 11 ਵਜੇ ਦੇ ਕਰੀਬ ਹੋਇਆ। ਭਿਕਸ਼ੂਆਂ ਦਾ ਇੱਕ ਸਮੂਹ ਸੜਕ ਦੇ ਕਿਨਾਰੇ ਇੱਕ ਲਾਈਨ ਵਿੱਚ ਚੱਲ ਰਿਹਾ ਸੀ। ਇਸ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ ਜਿਸ ‘ਚ ਪਿਕਅੱਪ ਟਰੱਕ ਤੇਜ਼ੀ ਨਾਲ ਬੋਧੀ ਭਿਕਸ਼ੂਆਂ ਨੂੰ ਕੁਚਲਦਾ ਦਿਖਾਈ ਦੇ ਰਿਹਾ ਹੈ। ਪੁਲਿਸ ਨੇ ਅਜੇ ਤੱਕ ਮਾਮਲਾ ਦਰਜ ਨਹੀਂ ਕੀਤਾ ਹੈ ਕਿਉਂਕਿ ਬੱਚਾ ਨਾਬਾਲਗ ਸੀ, ਵੇਲੇ ਅਜੇ ਵੀ ਪੁਲਿਸ ਦੀ ਹਿਰਾਸਤ ‘ਚ ਹੈ। ਅਧਿਕਾਰੀਆਂ ਦੇ ਅਨੁਸਾਰ, ਪੰਜ ਭਿਕਸ਼ੂਆਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਹੋਰ ਹਸਪਤਾਲ ਵਿੱਚ ਇਲਾਜ ਦੌਰਾਨ ਦਮ ਤੋੜ ਗਏ। 14 ਹੋਰ ਜ਼ਖਮੀਆਂ ਦਾ ਹਸਪਤਾਲ ‘ਚ ਇਲਾਜ ਚੱਲ ਰਿਹਾ ਹੈ।
ਥਾਈਲੈਂਡ ਦੀ 93% ਤੋਂ ਵੱਧ ਆਬਾਦੀ ਬੁੱਧ ਧਰਮ ਦਾ ਪਾਲਣ ਕਰਦੀ ਹੈ। ਜਨਤਕ ਧਾਰਮਿਕ ਤੀਰਥ ਯਾਤਰਾਵਾਂ ਆਮ ਹਨ। ਮੁਕਦਾਹਨ ਦੇ ਰਾਜਪਾਲ ਵੋਰਾਯਨ ਬੰਨਾਰਤ ਦੇ ਅਨੁਸਾਰ, ਵੀਰਵਾਰ ਨੂੰ ਕੁੱਲ 35 ਬੋਧੀ ਭਿਕਸ਼ੂ ਅਤੇ ਪੰਜ ਆਮ ਸ਼ਰਧਾਲੂ ਇੱਕ ਮੰਦਰ ਤੋਂ ਦੂਜੇ ਮੰਦਰ ਤੱਕ ਪੈਦਲ ਯਾਤਰਾ ‘ਤੇ ਸਨ। ਇਹ ਹਾਦਸਾ ਯਾਤਰਾ ਸ਼ੁਰੂ ਹੋਣ ਤੋਂ ਥੋੜ੍ਹੀ ਦੇਰ ਬਾਅਦ ਹੀ ਵਾਪਰਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
