India A Vs Sri Lanka A : ਇੱਕ ਰੋਜ਼ਾ ਤਿਕੋਣੀ ਲੜੀ ਦਾ ਚੌਥਾ ਮੈਚ ਜਾਰੀ ; ਭਾਰਤ ਏ ਨੇ ਸ਼੍ਰੀਲੰਕਾ ਏ ਲਈ ਸੈੱਟ ਕੀਤਾ ਟਾਰਗੇਟ
ਸੂਰਯਾਂਸ਼ ਅਤੇ ਵਿਪ੍ਰਰਾਜ ਨੇ ਲਗਾਏ ਅਰਧ ਸੈਂਕੜੇ
ਚੰਡੀਗੜ੍ਹ, 15 ਜੂਨ (ਵਿਸ਼ਵ ਵਾਰਤਾ) ) ਭਾਰਤ ਏ ਅਤੇ ਸ਼੍ਰੀਲੰਕਾ ਏ ਵਿਚਕਾਰ ਇੱਕ ਰੋਜ਼ਾ ਤਿਕੋਣੀ ਲੜੀ ਦਾ ਚੌਥਾ ਮੈਚ ਦਾਂਬੁੱਲਾ ਵਿੱਚ ਖੇਡਿਆ ਜਾ ਰਿਹਾ ਹੈ। ਰੰਗੀਰੀ ਦਾਂਬੁੱਲਾ ਅੰਤਰਰਾਸ਼ਟਰੀ ਸਟੇਡੀਅਮ ਵਿੱਚ, ਸ਼੍ਰੀਲੰਕਾ ਏ ਟੀਮ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤੀ ਟੀਮ ਨੇ ਸ਼੍ਰੀਲੰਕਾ ਲਈ 266 ਦੌੜਾਂ ਦਾ ਟੀਚਾ ਰੱਖਿਆ ਹੈ। ਸ਼੍ਰੀਲੰਕਾ ਵੱਲੋਂ ਵਿਜੇਕਾਂਤ ਵਿਆਸਕਾਂਤ ਨੇ 3 ਵਿਕਟਾਂ ਲਈਆਂ।
ਭਾਰਤ ਵੱਲੋਂ ਅਨੁਕੂਲ ਰਾਏ (8 ਦੌੜਾਂ), ਨਿਸ਼ਾਂਤ ਸਿੰਧੂ (6 ਦੌੜਾਂ), ਆਯੁਸ਼ ਬਡੋਨੀ (15 ਦੌੜਾਂ), ਅਤੇ ਪ੍ਰਭਸਿਮਰਨ ਸਿੰਘ (11 ਦੌੜਾਂ) ਆਊਟ ਹੋ ਗਏ। ਇਸ ਤੋਂ ਇਲਾਵਾ ਵੈਭਵ ਸੂਰਿਆਵੰਸ਼ੀ ਨੇ 21 ਦੌੜਾਂ ਬਣਾਈਆਂ। ਟੀਮ ਇੰਡੀਆ ਲਈ ਰੁਤੁਰਾਜ ਗਾਇਕਵਾੜ (37 ਦੌੜਾਂ) ਅਤੇ ਤਿਲਕ ਵਰਮਾ (23 ਦੌੜਾਂ) ਨੇ 52 ਦੌੜਾਂ ਦੀ ਸਾਂਝੇਦਾਰੀ ਨਾਲ ਭਾਰਤੀ ਪਾਰੀ ਨੂੰ ਸੰਭਾਲਿਆ। ਬਾਅਦ ਵਿੱਚ, ਸੂਰਯਾਂਸ਼ ਸ਼ੇੜਗੇ (72 ਦੌੜਾਂ) ਅਤੇ ਵਿਪ੍ਰਜ ਨਿਗਮ (51 ਦੌੜਾਂ) ਨੇ ਸੈਂਕੜੇ ਵਾਲੀ ਸਾਂਝੇਦਾਰੀ ਕੀਤੀ, ਜਿਸ ਨਾਲ ਟੀਮ ਦਾ ਸਕੋਰ 250 ਦੌੜਾਂ ਦੇ ਅੰਕੜੇ ਨੂੰ ਪਾਰ ਕਰ ਗਿਆ। ਟੀਮ ਇੰਡੀਆ 49.2 ਓਵਰਾਂ ਵਿੱਚ 265 ਦੌੜਾਂ ‘ਤੇ ਆਲ ਆਊਟ ਹੋ ਗਈ।
