ਮਾਊਂਟ ਐਵਰੈਸਟ ਤੋਂ ਉਤਰਦੇ ਸਮੇਂ 2 ਭਾਰਤੀ ਪਰਬਤਾਰੋਹੀਆਂ ਦੀ ਮੌਤ
ਨਵੀ ਦਿੱਲੀ, 22 ਮਈ 2026 (ਵਿਸ਼ਵ ਵਾਰਤਾ): ਦੁਨੀਆ ਦੀ ਸਭ ਤੋਂ ਉੱਚੀ ਚੋਟੀ, ਮਾਊਂਟ ਐਵਰੈਸਟ ਨੂੰ ਫਤਹਿ ਕਰਨ ਵਾਲੇ ਦੋ ਭਾਰਤੀ ਪਰਬਤਾਰੋਹੀਆਂ ਦੀ ਉਤਰਦੇ ਸਮੇਂ ਮੌਤ ਹੋ ਗਈ। ਇਹ ਜਾਣਕਾਰੀ ਸ਼ੁੱਕਰਵਾਰ ਨੂੰ ਨੇਪਾਲ ਮੁਹਿੰਮ ਸੰਚਾਲਕ ਸੰਘ ਦੇ ਜਨਰਲ ਸਕੱਤਰ ਰਿਸ਼ੀ ਭੰਡਾਰੀ ਨੇ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਅਰੁਣ ਕੁਮਾਰ ਤਿਵਾਰੀ ਅਤੇ ਸੰਦੀਪ ਅਰੇ ਨਾਮਕ ਪਰਬਤਾਰੋਹੀ ਐਵਰੇਸਟ ਤੋਂ ਉਤਰਦੇ ਸਮੇਂ ਬੁਰੀ ਤਰ੍ਹਾਂ ਥੱਕ ਗਏ ਸਨ। ਉਨ੍ਹਾਂ ਦੇ ਗਾਈਡਾਂ (ਸ਼ੇਰਪਾ ਟੀਮ) ਨੇ ਉਨ੍ਹਾਂ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ।
ਅਰੇ ਨੇ ਬੁੱਧਵਾਰ ਨੂੰ, ਜਦਕਿ ਅਰੁਣ ਤਿਵਾਰੀ ਨੇ ਵੀਰਵਾਰ ਨੂੰ ਸ਼ਾਮ ਕਰੀਬ 5:30 ਵਜੇ ਐਵਰੇਸਟ ‘ਤੇ ਫਤਹਿ ਹਾਸਲ ਕੀਤੀ ਸੀ। ਅਰੁਣ ਤਿਵਾਰੀ ਦੀ ਮੌਤ ਹਿਲੇਰੀ ਸਟੈੱਪ ਦੇ ਨੇੜੇ ਹੋਈ। ਉੱਥੇ ਹੀ, ਸੰਦੀਪ ਅਰੇ ਨੂੰ ਸ਼ੇਰਪਾ ਰੈਸਕਿਊ ਟੀਮ ਕੈਂਪ-2 ਤੱਕ ਲੈ ਆਈ ਸੀ। ਕੈਂਪ ਪਹੁੰਚਣ ਦੇ ਕੁਝ ਦੇਰ ਬਾਅਦ ਹੀ ਉਨ੍ਹਾਂ ਦੀ ਮੌਤ ਹੋ ਗਈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
