Health Tips : ਗਰਮੀਆਂ ਵਿੱਚ ਸਰੀਰ ਨੂੰ ਅੰਦਰੋਂ ਰੱਖਣਾ ਹੈ ਠੰਢਾ ਅਤੇ ਸਿਹਤਮੰਦ? ਅਜ਼ਮਾਓ ਇਹ ਹੋਮਮੇਡ ‘ਡਿਟੌਕਸ ਡ੍ਰਿੰਕਸ’
– ਗਰਮੀ, ਥਕਾਵਟ ਅਤੇ ਡੀਹਾਈਡਰੇਸ਼ਨ ਤੋਂ ਮਿਲੇਗਾ ਛੁਟਕਾਰਾ!
– ਐਲੋਵੇਰਾ, ਆਂਵਲਾ , ਧਨੀਆ ਪੁਦੀਨਾ ਡ੍ਰਿੰਕ ਨਾਲ ਵਧਾਓ ਇਮਿਊਨਿਟੀ
ਚੰਡੀਗੜ੍ਹ, 25 ਅਪ੍ਰੈਲ 2026 (ਵਿਸ਼ਵ ਵਾਰਤਾ) – ਗਰਮੀਆਂ ਆਉਂਦੇ ਹੀ ਸਰੀਰ ‘ਤੇ ਇਸ ਦੇ ਪ੍ਰਭਾਵ ਸਪੱਸ਼ਟ ਤੌਰ ‘ਤੇ ਦਿਖਾਈ ਦੇਣ ਲੱਗ ਪੈਂਦੇ ਹਨ। ਬਹੁਤ ਜ਼ਿਆਦਾ ਪਸੀਨਾ ਆਉਣਾ, ਥਕਾਵਟ, ਡੀਹਾਈਡਰੇਸ਼ਨ ਅਤੇ ਚਮੜੀ ਦੀਆਂ ਸਮੱਸਿਆਵਾਂ ਆਮ ਹੋ ਜਾਂਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਸਰੀਰ ਨੂੰ ਅੰਦਰੋਂ ਸਾਫ਼ ਅਤੇ ਠੰਡਾ ਰੱਖਣਾ ਜ਼ਰੂਰੀ ਹੈ।
ਬਹੁਤ ਸਾਰੇ ਲੋਕ ਇਸ ਲਈ ਬਜਾਰਾਂ ‘ਚ ਉਪਲਬਧ ਪੀਣ ਵਾਲੇ ਪਦਾਰਥਾਂ ‘ਤੇ ਨਿਰਭਰ ਹੋ ਜਾਂਦੇ ਹਨ। ਪਰ ਇਸ ਦੀ ਬਜਾਏ, ਤੁਸੀਂ ਘਰ ਵਿੱਚ ਹੀ ਡਿਟੋਕਸ ਡਰਿੰਕ ਬਣਾ ਕੇ ਪੀ ਸਕਦੇ ਹੋ। ਜੋ ਕਿ ਸਰੀਰ ਨੂੰ ਹਾਈਡਰੇਟ ਰੱਖਣ ਦੇ ਨਾਲ-ਨਾਲ ਡੀਟੌਕਸੀਫਾਈ ਕਰਨ ਵਿੱਚ ਮਦਦ ਕਰਦੇ ਹਨ।
ਡਿਟੌਕਸ ਵਾਟਰ ਇੱਕ ਅਜਿਹਾ ਹੈਲਦੀ ਡ੍ਰਿੰਕ ਹੁੰਦਾ ਹੈ ਜਿਸ ਨੂੰ ਫਲ, ਸਬਜ਼ੀਆਂ ਅਤੇ ਜੜੀ-ਬੂਟੀਆਂ ਮਿਲਾ ਕੇ ਤਿਆਰ ਕੀਤਾ ਜਾਂਦਾ ਹੈ, ਜੋ ਸਰੀਰ ਵਿੱਚੋਂ ਜ਼ਹਿਰੀਲੇ ਤੱਤਾਂ ਨੂੰ ਬਾਹਰ ਕੱਢਣ ਵਿੱਚ ਮਦਦਗਾਰ ਹੁੰਦਾ ਹੈ। ਇਹ ਮੈਟਾਬੋਲਿਜ਼ਮ ਨੂੰ ਤੇਜ਼ ਕਰਦਾ ਹੈ, ਚਮੜੀ ਨੂੰ ਚਮਕਦਾਰ ਬਣਾਉਂਦਾ ਹੈ ਅਤੇ ਸਰੀਰ ਨੂੰ ਲੰਬੇ ਸਮੇਂ ਤੱਕ ਹਾਈਡ੍ਰੇਟਡ ਰੱਖਦਾ ਹੈ।
ਧਨੀਆ -ਪੁਦੀਨਾ
ਧਨੀਆ ਅਤੇ ਪੁਦੀਨਾ ਦੋਵਾਂ ਵਿੱਚ ਡਿਟੌਕਸੀਫਾਈੰਗ ਗੁਣ ਪਾਏ ਜਾਂਦੇ ਹਨ। ਇੱਕ ਲੀਟਰ ਪਾਣੀ ਵਿੱਚ ਪੁਦੀਨੇ ਦੇ ਕੁਝ ਪੱਤੇ ਅਤੇ ਇੱਕ ਚਮਚ ਧਨੀਏ ਦੇ ਬੀਜ ਪਾ ਕੇ ਰਾਤ ਭਰ ਭਿਓਂ ਕੇ ਰੱਖ ਦਿਓ। ਸਵੇਰੇ ਇਸਨੂੰ ਛਾਣ ਕੇ ਦਿਨ ਭਰ ਪੀਓ। ਇਹ ਡ੍ਰਿੰਕ ਸਰੀਰ ਨੂੰ ਠੰਢਕ ਦਿੰਦੀ ਹੈ ਅਤੇ ਧਨੀਆ-ਪੁਦੀਨੇ ਦਾ ਪਾਣੀ ਸਿਹਤ ਸੁਧਾਰਨ ਵਿੱਚ ਕਾਫ਼ੀ ਮਦਦਗਾਰ ਹੋ ਸਕਦਾ ਹੈ।
ਨਾਰੀਅਲ ਪਾਣੀ, ਤੁਲਸੀ ਅਤੇ ਨਿੰਬੂ
ਨਾਰੀਅਲ ਪਾਣੀ ਵਿੱਚ ਕੁਦਰਤੀ ਇਲੈਕਟ੍ਰੋਲਾਈਟਸ ਹੁੰਦੇ ਹਨ, ਜੋ ਸਰੀਰ ਨੂੰ ਹਾਈਡ੍ਰੇਟ ਰੱਖਦੇ ਹਨ। ਇਸ ਵਿੱਚ ਤੁਲਸੀ ਦੇ 4-5 ਪੱਤੇ ਅਤੇ ਇੱਕ ਚਮਚ ਨਿੰਬੂ ਦਾ ਰਸ ਮਿਲਾ ਕੇ ਪੀਣ ਨਾਲ ਇਹ ਇੱਕ ਸ਼ਾਨਦਾਰ ਡਿਟੌਕਸ ਡ੍ਰਿੰਕ ਬਣ ਜਾਂਦਾ ਹੈ। ਇਹ ਪੇਟ ਨੂੰ ਸਾਫ਼ ਰੱਖਣ ਵਿੱਚ ਮਦਦ ਕਰਦਾ ਹੈ ਅਤੇ ਚਮੜੀ ਨੂੰ ਵੀ ਚਮਕਦਾਰ ਬਣਾਉਂਦਾ ਹੈ।
ਐਲੋਵੇਰਾ – ਆਂਵਲਾ ਡਰਿੰਕ
ਐਲੋਵੇਰਾ ਅਤੇ ਆਂਵਲਾ ਦੋਵੇਂ ਹੀ ਆਯੁਰਵੈਦਿਕ ਦਵਾਈਆਂ ਵਿੱਚ ਸ਼ਾਮਲ ਹਨ। ਇਹ ਲਿਵਰ ਨੂੰ ਮਜ਼ਬੂਤ ਬਣਾਉਂਦੇ ਹਨ ਅਤੇ ਚਮੜੀ ਤੇ ਵਾਲਾਂ ਨੂੰ ਵੀ ਲਾਭ ਪਹੁੰਚਾਉਂਦੇ ਹਨ। ਇੱਕ ਕੱਪ ਪਾਣੀ ਵਿੱਚ ਦੋ ਚਮਚ ਐਲੋਵੇਰਾ ਜੂਸ ਅਤੇ ਇੱਕ ਚਮਚ ਆਂਵਲਾ ਜੂਸ ਮਿਲਾ ਕੇ ਪੀਣ ਨਾਲ ਸਰੀਰ ਨੂੰ ਭਰਪੂਰ ਐਂਟੀਆਕਸੀਡੈਂਟਸ ਮਿਲਦੇ ਹਨ, ਜੋ ਡਿਟੌਕਸ ਵਿੱਚ ਮਦਦ ਕਰਦੇ ਹਨ। ਆਂਵਲਾ-ਐਲੋਵੇਰਾ ਬਿਹਤਰੀਨ ਇਮਿਊਨਿਟੀ ਬੂਸਟਰ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
