IPL 2026 : ਰਾਜਸਥਾਨ ਰਾਇਲਜ਼ ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਵਿਚਾਲੇ ਮੁਕਾਬਲਾ ਜਾਰੀ
- ਬੇਹੱਦ ਖ਼ਰਾਬ ਰਹੀ ਰਾਜਸਥਾਨ ਦੀ ਜਵਾਬੀ ਸ਼ੁਰੂਆਤ!
- 4 ਓਵਰਾਂ ਬਾਅਦ 5 ਵਿਕਟਾਂ ਦੇ ਨੁਕਸਾਨ ‘ਤੇ ਬਣਾਈਆਂ ਇੰਨ੍ਹੀਆਂ ਦੌੜਾਂ
ਨਵੀ ਦਿੱਲੀ, 13 ਅਪ੍ਰੈਲ 2026 (ਵਿਸ਼ਵ ਵਾਰਤਾ): IPL 2026 ਦੇ 21ਵੇਂ ਮੈਚ ਵਿੱਚ ਰਾਜਸਥਾਨ ਰਾਇਲਜ਼ ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਆਹਮੋ ਸਾਹਮਣੇ ਹਨ। ਰਾਜਸਥਾਨ ਰਾਇਲਜ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਈਸ਼ਾਨ ਕਿਸ਼ਨ ਦੀ ਧਮਾਕੇਦਾਰ ਪਾਰੀ ਦੇ ਦਮ ‘ਤੇ 200 ਤੋਂ ਵੱਧ ਦੌੜਾਂ ਦਾ ਸਕੋਰ ਖੜ੍ਹਾ ਕੀਤਾ।
SRH ਨੇ 20 ਓਵਰਾਂ ਵਿੱਚ 5 ਵਿਕਟਾਂ ਗੁਆ ਕੇ 216 ਦੌੜਾਂ ਬਣਾਈਆਂ। SRH ਲਈ ਈਸ਼ਾਨ ਕਿਸ਼ਨ ਨੇ 44 ਗੇਂਦਾਂ ‘ਤੇ ਸਭ ਤੋਂ ਵੱਧ 91 ਦੌੜਾਂ ਦੀ ਪਾਰੀ ਖੇਡੀ। ਉਨ੍ਹਾਂ ਨੇ ਆਪਣੀ ਇਸ ਪਾਰੀ ਵਿੱਚ 8 ਚੌਕੇ ਅਤੇ 6 ਛੱਕੇ ਜੜੇ। ਹੇਨਰਿਕ ਕਲਾਸਨ ਨੇ 40 ਦੌੜਾਂ ਦਾ ਯੋਗਦਾਨ ਦਿੱਤਾ।
ਪਰ ਰਾਜਸਥਾਨ ਦੀ ਜਵਾਬੀ ਸ਼ੁਰੂਆਤ ਬਹੁਤ ਹੀ ਖ਼ਰਾਬ ਰਹੀ। ਵੈਭਵ ਅਤੇ ਯਸ਼ਸਵੀ ਦੋਵੇਂ ਅਸਫਲ ਰਹੇ। ਰਾਜਸਥਾਨ ਰਾਇਲਜ਼ ਨੇ 4 ਓਵਰਾਂ ਤੋਂ ਬਾਅਦ 5 ਵਿਕਟਾਂ ਦੇ ਨੁਕਸਾਨ ‘ਤੇ 20 ਦੌੜਾਂ ਬਣਾ ਲਈਆਂ ਹਨ। ਰਵਿੰਦਰ ਜਡੇਜਾ ਅਤੇ ਡੋਨੋਵਨ ਫਰੇਰਾ ਪਿੱਚ ‘ਤੇ ਮੌਜੂਦ ਹਨ।
ਆਪਣਾ ਡੈਬਿਊ ਮੈਚ ਖੇਡ ਰਹੇ ਪ੍ਰਫੁੱਲ ਹਿੰਗੇ ਨੇ ਸਿਰਫ਼ 2 ਓਵਰਾਂ ਵਿੱਚ 4 ਵਿਕਟਾਂ ਝਟਕ ਲਈਆਂ ਹਨ। ਉਨ੍ਹਾਂ ਨੇ ਵੈਭਵ ਸੂਰਿਆਵੰਸ਼ੀ, ਰਿਆਨ ਪਰਾਗ ਅਤੇ ਲੁਆਨ ਡੇਰ ਪ੍ਰੀਟੋਰੀਅਸ ਨੂੰ ਕੈਚ ਆਊਟ ਕਰਵਾਇਆ, ਜਦਕਿ ਧਰੁਵ ਜੁਰੇਲ ਨੂੰ ਬੋਲਡ ਕਰ ਦਿੱਤਾ। ਦੂਜੇ ਓਵਰ ਵਿੱਚ ਯਸ਼ਸਵੀ ਜੈਸਵਾਲ ਵੀ ਕੈਚ ਹੋ ਗਏ।
ਸਨਰਾਈਜ਼ਰਜ਼ ਹੈਦਰਾਬਾਦ: ਟ੍ਰੈਵਿਸ ਹੈੱਡ, ਅਭਿਸ਼ੇਕ ਸ਼ਰਮਾ, ਈਸ਼ਾਨ ਕਿਸ਼ਨ (ਕਪਤਾਨ, ਵਿਕਟਕੀਪਰ), ਹੇਨਰਿਕ ਕਲਾਸਨ, ਸਲਿਲ ਅਰੋੜਾ, ਅਨਿਕੇਤ ਵਰਮਾ, ਨਿਤੀਸ਼ ਕੁਮਾਰ ਰੈੱਡੀ, ਹਰਸ਼ ਦੂਬੇ, ਸ਼ਿਵਾਂਗ ਕੁਮਾਰ, ਈਸ਼ਾਨ ਮਲਿੰਗਾ ਅਤੇ ਪ੍ਰਫੁੱਲ ਹਿੰਗੇ।
ਇੰਪੈਕਟ ਪਲੇਅਰ ਆਪਸ਼ਨ: ਆਰ ਸਮਰਨ, ਸਾਕਿਬ ਹੁਸੈਨ, ਲਿਆਮ ਲਿਵਿੰਗਸਟਨ, ਸ਼ਿਵਮ ਮਾਵੀ, ਹਰਸ਼ਲ ਪਟੇਲ।
ਰਾਜਸਥਾਨ ਰਾਇਲਜ਼: ਯਸ਼ਸਵੀ ਜੈਸਵਾਲ, ਧਰੁਵ ਜੁਰੇਲ (ਵਿਕਟਕੀਪਰ), ਰਿਆਨ ਪਰਾਗ (ਕਪਤਾਨ), ਲੁਆਨ ਡੇਰ ਪ੍ਰੀਟੋਰੀਅਸ, ਡੋਨੋਵਨ ਫਰੇਰਾ, ਰਵਿੰਦਰ ਜਡੇਜਾ, ਜੋਫਰਾ ਆਰਚਰ, ਨਾਂਦਰੇ ਬਰਗਰ, ਸੰਦੀਪ ਸ਼ਰਮਾ, ਰਵੀ ਬਿਸ਼ਨੋਈ ਅਤੇ ਤੁਸ਼ਾਰ ਦੇਸ਼ਪਾਂਡੇ।
ਇੰਪੈਕਟ ਪਲੇਅਰ ਆਪਸ਼ਨ: ਵੈਭਵ ਸੂਰਿਆਵੰਸ਼ੀ, ਸ਼ਿਮਰੋਨ ਹੇਟਮਾਇਰ, ਰਵੀ ਸਿੰਘ, ਸ਼ੁਭਮ ਦੂਬੇ, ਬ੍ਰਿਜੇਸ਼ ਸ਼ਰਮਾ।
