Health Tips : ਗਰਦਨ ‘ਤੇ ਦਿਖਣ ਵਾਲੀ ਕਾਲੀ ਲਕੀਰ ਨੂੰ ਨਾ ਕਰੋ ਨਜ਼ਰ ਅੰਦਾਜ਼; ਇਸ ਗੰਭੀਰ ਬਿਮਾਰੀ ਦਾ ਹੋ ਸਕਦਾ ਸੰਕੇਤ
ਚੰਡੀਗੜ੍ਹ, 28 ਜਨਵਰੀ (ਵਿਸ਼ਵ ਵਾਰਤਾ): ਬਦਲਦੀ ਜੀਵਨ ਸ਼ੈਲੀ ਅਤੇ ਗੈਰ-ਸਿਹਤਮੰਦ ਖਾਣ-ਪੀਣ ਦੀਆਂ ਆਦਤਾਂ ਦੇ ਪ੍ਰਭਾਵ ਸਾਡੇ ਸਰੀਰ ਉਪਰ ਨਜ਼ਰ ਆਉਂਦੇ ਹਨ। ਅਕਸਰ ਲੋਕ ਗਰਦਨ ‘ਤੇ ਦਿਖਣ ਵਾਲੀਆਂ ਕਾਲੀਆਂ ਲਕੀਰਾਂ ਨੂੰ ਸਫਾਈ ਦੀ ਕਮੀ ਜਾਂ ਟੈਨਿੰਗ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਪਰ ਮਾਹਰਾਂ ਦਾ ਕਹਿਣਾ ਹੈ ਕਿ ਇਹ ਸਿਰਫ਼ ਬਾਹਰੀ ਦਾਗ ਨਹੀਂ ਸਗੋਂ ਸਰੀਰ ਦੇ ਅੰਦਰ ਕਿਸੇ ਵੱਡੀ ਸਮੱਸਿਆ ਦਾ ਸੰਕੇਤ ਵੀ ਹੋ ਸਕਦੇ ਹਨ। ਇਹ ਤੁਹਾਡੇ ਬਲੱਡ ਸ਼ੂਗਰ, ਦਿਲ ਦੀ ਸਿਹਤ ਜਾਂ ਲਿਵਰ ਦੀ ਸਥਿਤੀ ਨਾਲ ਜੁੜੀਆਂ ਹੋ ਸਕਦੀਆਂ ਹਨ। ਆਓ ਜਾਣਦੇ ਹਾਂ ਕਿਵੇਂ।
- ਸਿਹਤ ਮਾਹਿਰਾਂ ਅਨੁਸਾਰ ਗਰਦਨ ‘ਤੇ ਦਿਖਾਈ ਦੇਣ ਵਾਲੇ ਕਾਲੇ ਪੈਚ ਜਾਂ ਲਕੀਰਾਂ ਆਮ ਤੌਰ ‘ਤੇ ਐਕਨਥੋਸਿਸ ਨਿਗਰੀਕੈਂਸ (Acanthosis Nigricans) ਨਾਮਕ ਸਥਿਤੀ ਦਾ ਸੰਕੇਤ ਹੋ ਸਕਦੀਆਂ ਹਨ। ਜੇਕਰ ਤੁਹਾਡੀ ਗਰਦਨ ਦੇ ਪਿੱਛੇ ਅਚਾਨਕ ਕਾਲੀਆਂ ਜਾਂ ਮੋਟੀਆਂ ਲਕੀਰਾਂ ਬਣਨ ਲੱਗ ਪਈਆਂ ਹਨ, ਤਾਂ ਇਹ ਟਾਈਪ-2 ਸ਼ੂਗਰ ਦਾ ਸ਼ੁਰੂਆਤੀ ਲੱਛਣ ਹੋ ਸਕਦਾ ਹੈ।
- ਸਿਰਫ਼ ਸ਼ੂਗਰ ਹੀ ਨਹੀਂ, ਗਰਦਨ ‘ਤੇ ਕਾਲੀਆਂ ਲਕੀਰਾਂ ਮੈਟਾਬੋਲਿਕ ਸਿੰਡਰੋਮ (Metabolic Syndrome) ਦੀ ਨਿਸ਼ਾਨੀ ਵੀ ਹੋ ਸਕਦੀਆਂ ਹਨ। ਇਹ ਇੱਕ ਅਜਿਹੀ ਸਥਿਤੀ ਹੈ ਜਿਸ ਵਿੱਚ ਬਲੱਡ ਪ੍ਰੈਸ਼ਰ, ਸ਼ੂਗਰ ਅਤੇ ਕੋਲੇਸਟ੍ਰੋਲ ਦਾ ਅਸੰਤੁਲਨ ਇੱਕੋ ਸਮੇਂ ਵਧਦਾ ਹੈ। ਅਜਿਹੀ ਹਾਲਤ ਵਿੱਚ ਸਰੀਰ ਵਿੱਚ ਖ਼ੂਨ ਦਾ ਪ੍ਰਵਾਹ (Blood Flow) ਪ੍ਰਭਾਵਿਤ ਹੁੰਦਾ ਹੈ ਅਤੇ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੀ ਵਧ ਜਾਂਦਾ ਹੈ ਮਾਹਰਾਂ ਦਾ ਕਹਿਣਾ ਹੈ ਕਿ ਜੇਕਰ ਗਰਦਨ ਦੀ ਚਮੜੀ ਵਿੱਚ ਅਜਿਹੇ ਬਦਲਾਅ ਦਿਖਾਈ ਦੇਣ, ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ
- ਕਈ ਵਾਰ ਇਹ ਡਾਰਕ ਲਾਈਨਾਂਲਿਵਰ ਨਾਲ ਜੁੜੀ ਸਮੱਸਿਆ ਵੱਲ ਵੀ ਇਸ਼ਾਰਾ ਕਰਦੀਆਂ ਹਨ। ਜਦੋਂ ਲਿਵਰ ਦੇ ਸੈੱਲ ਚਰਬੀ (Fat) ਨਾਲ ਭਰਨ ਲੱਗਦੇ ਹਨ, ਤਾਂ ਸਰੀਰ ਵਿੱਚ ਮੈਟਾਬੋਲਿਜ਼ਮ ਵਿਗੜ ਜਾਂਦਾ ਹੈ ਅਤੇ ਚਮੜੀ ‘ਤੇ ਅਜਿਹੇ ਬਦਲਾਅ ਨਜ਼ਰ ਆਉਣ ਲੱਗਦੇ ਹਨ। ਜੇਕਰ ਤੁਹਾਡੀ ਗਰਦਨ ‘ਤੇ ਕਾਲੇ ਪੈਚ ਲਗਾਤਾਰ ਵੱਧ ਰਹੇ ਹਨ, ਉਨ੍ਹਾਂ ਵਿੱਚ ਖ਼ਾਰਸ਼ ਜਾਂ ਮੋਟਾਪਨ ਮਹਿਸੂਸ ਹੋ ਰਿਹਾ ਹੈ, ਜਾਂ ਫਿਰ ਸਰੀਰ ਦੇ ਹੋਰ ਹਿੱਸਿਆਂ ਜਿਵੇਂ ਕਿ ਬਗਲਾਂ (armpits) ਅਤੇ ਗਰੋਇਨ (ਜੰਘਾਂ ਦੇ ਵਿਚਕਾਰ) ਵਿੱਚ ਵੀ ਅਜਿਹਾ ਹੋ ਰਿਹਾ ਹੈ, ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
