Delhi Blast : ਦਿੱਲੀ ਧਮਾਕੇ ਦੇ ਸਬੰਧ ਵਿੱਚ NIA ਵੱਲੋਂ ਕਸ਼ਮੀਰ ‘ਚ 10 ਥਾਵਾਂ ‘ਤੇ ਛਾਪੇਮਾਰੀ
ਚੰਡੀਗੜ੍ਹ,1 ਦਸੰਬਰ(ਵਿਸ਼ਵ ਵਾਰਤਾ) Delhi Blast : ਰਾਸ਼ਟਰੀ ਜਾਂਚ ਏਜੰਸੀ (National Investigation Agency-ਐਨਆਈਏ) ਨੇ ਦਿੱਲੀ ਅੱਤਵਾਦੀ ਧਮਾਕੇ ਦੇ ਮਾਮਲੇ ਦੇ ਸਬੰਧ ਵਿੱਚ ਸੋਮਵਾਰ ਨੂੰ ਕਸ਼ਮੀਰ ਵਿੱਚ ਲਗਭਗ 10 ਥਾਵਾਂ ‘ਤੇ ਛਾਪੇਮਾਰੀ ਕੀਤੀ। ਏਜੰਸੀ ਨੇ ਮੌਲਵੀ ਇਰਫਾਨ ਅਹਿਮਦ, ਡਾ. ਆਦਿਲ, ਡਾ. ਮੁਜ਼ਮਿਲ, ਅਮੀਰ ਰਾਸ਼ਿਦ ਅਤੇ ਜਸੀਰ ਬਿਲਾਲ ਦੇ ਘਰਾਂ ‘ਤੇ ਛਾਪੇਮਾਰੀ ਕੀਤੀ।
ਜਾਣਕਾਰੀ ਅਨੁਸਾਰ, ਸ਼ੋਪੀਆਂ ਦੇ ਨਦੀਗਾਮ ਪਿੰਡ, ਪੁਲਵਾਮਾ ਦੇ ਕੋਇਲ, ਚਾਂਦਗਾਮ, ਮਲੰਗਪੋਰਾ, ਸੰਬੂਰਾ ਅਤੇ ਕੁਲਗਾਮ ਵਿੱਚ ਐਨਆਈਏ ਦੇ ਛਾਪੇਮਾਰੀ ਜਾਰੀ ਹੈ। ਟੀਮਾਂ ਅਜਿਹੇ ਸਬੂਤਾਂ ਦੀ ਭਾਲ ਕਰ ਰਹੀਆਂ ਹਨ ਜੋ ਵ੍ਹਾਈਟ-ਕਾਲਰ ਅੱਤਵਾਦੀ ਨੈੱਟਵਰਕ ਅਤੇ ਦਿੱਲੀ ਧਮਾਕੇ ਨੂੰ ਜੋੜ ਸਕਦੇ ਹਨ।
ਕੇਂਦਰੀ ਜਾਂਚ ਏਜੰਸੀ ਡਾ. ਉਮਰ ਨਬੀ ਦੇ ਸਹਿਯੋਗੀ ਜਸੀਰ ਬਿਲਾਲ ਦੇ ਘਰ ਦੀ ਵੀ ਤਲਾਸ਼ੀ ਲੈ ਰਹੀ ਹੈ। ਜਸੀਰ ਨੂੰ ਦਿੱਲੀ ਧਮਾਕੇ ਦੇ ਮੁੱਖ ਸਹਿ-ਸਾਜ਼ਿਸ਼ਕਾਰਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਉਸਨੇ ਅਨੰਤਨਾਗ ਜ਼ਿਲ੍ਹੇ ਦੇ ਕਾਜ਼ੀਗੁੰਡ ਤੋਂ ਰਾਜਨੀਤੀ ਸ਼ਾਸਤਰ ਵਿੱਚ ਗ੍ਰੈਜੂਏਸ਼ਨ ਕੀਤੀ ਸੀ। ਉਹ ਉਮਰ ਦੇ ਨਾਲ ਮਿਲ ਕੇ ਭਾਰਤ ਵਿੱਚ ਡਰੋਨ ਹਮਲਿਆਂ ਦੀ ਯੋਜਨਾ ਬਣਾ ਰਿਹਾ ਸੀ>
ਐਨਆਈਏ ਨੇ ਹੁਣ ਤੱਕ ਦਿੱਲੀ ਕਾਰ ਬੰਬ ਧਮਾਕਿਆਂ ਦੇ ਸਬੰਧ ਵਿੱਚ ਸੱਤ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਵਿੱਚ ਮੌਲਵੀ ਇਰਫਾਨ, ਡਾ. ਆਦਿਲ ਅਤੇ ਜਸਿਰ ਬਿਲਾਲ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਪੰਜ ਜੰਮੂ-ਕਸ਼ਮੀਰ ਦੇ ਵਸਨੀਕ ਹਨ। ਧਮਾਕੇ ਵਿੱਚ ਆਪਣੇ ਆਪ ਨੂੰ ਉਡਾਉਣ ਵਾਲਾ ਡਾ. ਉਮਰ ਵੀ ਪੁਲਵਾਮਾ ਦਾ ਵਸਨੀਕ ਸੀ। ਉਹ ਫਰੀਦਾਬਾਦ ਦੀ ਅਲ-ਫਲਾਹ ਯੂਨੀਵਰਸਿਟੀ ਵਿੱਚ ਸਹਾਇਕ ਪ੍ਰੋਫੈਸਰ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
