Delhi Pollution: ਦਿੱਲੀ ਵਿੱਚ ਲਗਾਤਾਰ ਵੱਧ ਰਹੇ ਪ੍ਰਦੂਸ਼ਣ ‘ਤੇ ਵੱਡਾ ਫੈਸਲਾ
– GRAP-3 ਲਾਗੂ
– ਜਾਣੋ ਕਿਹੜੀਆਂ- ਕਿਹੜੀਆਂ ਲੱਗੀਆਂ ਪਾਬੰਦੀਆਂ
ਨਵੀ ਦਿੱਲੀ, 11 ਨਵੰਬਰ 2025 (ਵਿਸ਼ਵ ਵਾਰਤਾ): ਰਾਜਧਾਨੀ ਦਿੱਲੀ ਵਿੱਚ ਪ੍ਰਦੂਸ਼ਣ ਦਾ ਪੱਧਰ ਲਗਾਤਾਰ ਵੱਧ ਰਿਹਾ ਹੈ। ਸ਼ਹਿਰ ਦਾ ਔਸਤ AQI ਮੰਗਲਵਾਰ ਸਵੇਰੇ 425 ਹੋ ਗਿਆ ਜੋ ਸੋਮਵਾਰ ਨੂੰ 362 ਸੀ। ਲਗਾਤਾਰ ਪ੍ਰਦੂਸ਼ਣ ਦੇ ਕਾਰਨ, ਕੇਂਦਰ ਸਰਕਾਰ ਨੇ ਹੁਣ ਦਿੱਲੀ-ਐਨਸੀਆਰ ਵਿੱਚ ਗੈਰ-ਜ਼ਰੂਰੀ ਉਸਾਰੀਆਂ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਤੋਂ ਇਲਾਵਾ, GRAP-3 ਦੇ ਤਹਿਤ ਪਾਬੰਦੀਆਂ ਲਾਗੂ ਕਰ ਦਿੱਤੀਆਂ ਗਈਆਂ ਹਨ।
GRAP 3 ਦੇ ਤਹਿਤ ਕਿਹੜੀਆਂ ਪਾਬੰਦੀਆਂ ਲਗਾਈਆਂ ਜਾਣਗੀਆਂ?
– ਗੈਰ-ਜ਼ਰੂਰੀ ਉਸਾਰੀ ‘ਤੇ ਪਾਬੰਦੀ।
– ਸੀਮਿੰਟ ਅਤੇ ਰੇਤ ਵਰਗੇ ਸਮਾਨ ਦੀ ਢੋਆ-ਢੁਆਈ ‘ਤੇ ਪਾਬੰਦੀ।
– ਡੀਜ਼ਲ ਬੱਸਾਂ ‘ਤੇ ਪਾਬੰਦੀ।
– ਪੰਜਵੀਂ ਜਮਾਤ ਤੱਕ ਦੇ ਸਕੂਲ ਬੰਦ ਰਹਿਣਗੇ ਅਤੇ ਔਨਲਾਈਨ ਕਲਾਸਾਂ ਦੀ ਆਗਿਆ ਹੋਵੇਗੀ।
– ਸਟੋਨ ਕਰੱਸ਼ਰ ਅਤੇ ਮਾਈਨਿੰਗ ਗਤੀਵਿਧੀਆਂ ‘ਤੇ ਪਾਬੰਦੀ ਹੋਵੇਗੀ।
– ਐਮਰਜੈਂਸੀ ਸੇਵਾਵਾਂ ਨੂੰ ਛੱਡ ਕੇ ਡੀਜ਼ਲ ਜਨਰੇਟਰਾਂ ‘ਤੇ ਪਾਬੰਦੀ ਹੋਵੇਗੀ।
– ਕੰਪਨੀਆਂ ਵਿੱਚ ਘਰੋਂ ਕੰਮ ਕਰਨ ਜਾਂ ਹਾਈਬ੍ਰਿਡ ਮੋਡ ਚ ਕੰਮ ਕਰਨ ਦੀ ਸਲਾਹ
GRAP-3 ਉਦੋਂ ਲਾਗੂ ਕੀਤਾ ਜਾਂਦਾ ਹੈ ਜਦੋਂ ਹਵਾ ਗੁਣਵੱਤਾ ਸੂਚਕਾਂਕ (AQI) 401 ਅਤੇ 450 ਦੇ ਵਿਚਕਾਰ ਹੁੰਦਾ ਹੈ। GRAP-3 ਦੌਰਾਨ, ਸੜਕਾਂ ਨੂੰ ਰੋਜ਼ਾਨਾ ਸਾਫ਼ ਕੀਤਾ ਜਾਂਦਾ ਹੈ। ਨਿਯਮਿਤ ਤੌਰ ‘ਤੇ ਪਾਣੀ ਦਾ ਛਿੜਕਾਅ ਕੀਤਾ ਜਾਂਦਾ ਹੈ। ਉਸਾਰੀ ਦੌਰਾਨ ਪੈਦਾ ਹੋਣ ਵਾਲੀ ਧੂੜ ਅਤੇ ਮਲਬੇ ਦਾ ਸਹੀ ਢੰਗ ਨਾਲ ਨਿਪਟਾਰਾ ਕੀਤਾ ਜਾਂਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
