Airport Technical Glitch: ਦਿੱਲੀ ਤੋਂ ਬਾਅਦ ਕਾਠਮੰਡੂ ਹਵਾਈ ਅੱਡੇ ‘ਤੇ ਆਈ ਤਕਨੀਕੀ ਖਰਾਬੀ: 350 ਉਡਾਣਾਂ ਪ੍ਰਭਾਵਿਤ
– ਸ਼ਾਮ 5:30 ਵਜੇ ਤੋਂ ਉਡਾਣਾਂ ਰੋਕੀਆਂ ਗਈਆਂ
– 100 ਅੰਤਰਰਾਸ਼ਟਰੀ ਅਤੇ 250 ਘਰੇਲੂ ਉਡਾਣਾਂ ਪ੍ਰਭਾਵਿਤ ਹੋਈਆਂ
ਨਵੀਂ ਦਿੱਲੀ, 9 ਨਵੰਬਰ 2025 (ਵਿਸ਼ਵ ਵਾਰਤਾ) – ਸ਼ਨੀਵਾਰ ਨੂੰ ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਦੇ ਤ੍ਰਿਭੁਵਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ (Airport Technical Glitch) ਤਕਨੀਕੀ ਖਰਾਬੀ ਕਾਰਨ ਸਾਰੀਆਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਰੋਕ ਦਿੱਤੀਆਂ ਗਈਆਂ ਹਨ।
ਹਵਾਈ ਅੱਡੇ ਦੇ ਬੁਲਾਰੇ ਰਿਜੀ ਸ਼ੇਰਪਾ ਨੇ ਦੱਸਿਆ ਕਿ ਰਨਵੇ ਲਾਈਟਿੰਗ ਸਿਸਟਮ ਵਿੱਚ ਸਮੱਸਿਆ ਆਈ ਹੈ। ਇਹ ਖਰਾਬੀ ਸ਼ਾਮ 5:30 ਵਜੇ (ਸਥਾਨਕ ਸਮੇਂ) ਦੇ ਕਰੀਬ ਆਈ। ਹਵਾਈ ਅੱਡਾ ਅਥਾਰਟੀ ਨੇ ਦੱਸਿਆ ਕਿ ਤਕਨੀਕੀ ਟੀਮਾਂ ਮੌਕੇ ‘ਤੇ ਪਹੁੰਚੀਆਂ ਹਨ ਅਤੇ ਲਾਈਟਿੰਗ ਸਿਸਟਮ ਦੀ ਮੁਰੰਮਤ ਲਈ ਕੰਮ ਕਰ ਰਹੀਆਂ ਹਨ। ਜਲਦੀ ਹੀ ਉਡਾਣਾਂ ਮੁੜ ਸ਼ੁਰੂ ਕਰਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।

ਇਸ ਤਕਨੀਕੀ ਖਰਾਬੀ ਨਾਲ ਲਗਭਗ 350 ਉਡਾਣਾਂ ਪ੍ਰਭਾਵਿਤ ਹੋਈਆਂ ਹਨ, ਜਿਸ ਵਿੱਚ 250 ਤੋਂ ਵੱਧ ਘਰੇਲੂ ਉਡਾਣਾਂ ਅਤੇ ਲਗਭਗ 100 ਅੰਤਰਰਾਸ਼ਟਰੀ ਉਡਾਣਾਂ (Airport Technical Glitch) ਸ਼ਾਮਲ ਹਨ। ਇਸ ਘਟਨਾ ਤੋਂ ਇੱਕ ਦਿਨ ਪਹਿਲਾਂ ਸ਼ਨੀਵਾਰ ਨੂੰ ਦਿੱਲੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਵੀ ਇਸੇ ਤਰ੍ਹਾਂ ਦੀ ਖਰਾਬੀ ਆਈ ਸੀ, ਜਿਸ ਨਾਲ 800 ਤੋਂ ਵੱਧ ਉਡਾਣਾਂ ਪ੍ਰਭਾਵਿਤ ਹੋਈਆਂ।
ਨੁਕਸ ਕਾਰਨ, ਦੋ ਘਰੇਲੂ ਅਤੇ ਤਿੰਨ ਅੰਤਰਰਾਸ਼ਟਰੀ ਉਡਾਣਾਂ ਨੂੰ ਹੋਰ ਹਵਾਈ ਅੱਡਿਆਂ ਵੱਲ ਮੋੜ ਦਿੱਤਾ ਗਿਆ। ਕਤਰ ਏਅਰਵੇਜ਼ ਦੀ ਇੱਕ ਉਡਾਣ ਨੂੰ ਢਾਕਾ, ਇੱਕ ਕੋਰੀਅਨ ਏਅਰ ਦੀ ਉਡਾਣ ਨੂੰ ਦਿੱਲੀ ਅਤੇ ਇੱਕ ਫਲਾਈ ਦੁਬਈ ਦੀ ਉਡਾਣ ਨੂੰ ਲਖਨਊ ਭੇਜਿਆ ਗਿਆ। ਦੋ ਘਰੇਲੂ ਬੁੱਧ ਏਅਰ ਉਡਾਣਾਂ ਨੂੰ ਨੇਪਾਲ ਦੇ ਹੋਰ ਸਥਾਨਕ ਹਵਾਈ ਅੱਡਿਆਂ ਵੱਲ ਮੋੜ ਦਿੱਤਾ ਗਿਆ।
ਇੱਕ ਕਰਮਚਾਰੀ ਨੇ ਮੀਡੀਆ ਨੂੰ ਦੱਸਿਆ ਕਿ ਰਨਵੇਅ ਲਾਈਟਿੰਗ ਸਿਸਟਮ ਪਾਇਲਟਾਂ ਨੂੰ ਰਾਤ ਨੂੰ ਜਾਂ ਘੱਟ ਦ੍ਰਿਸ਼ਟੀ ਦੇ ਦੌਰਾਨ ਲੈਂਡ ਕਰਨ ਵਿੱਚ ਮਦਦ ਕਰਦਾ ਹੈ। ਸਮੱਸਿਆ ਦਾ ਸਹੀ ਕਾਰਨ ਸਾਹਮਣੇ ਨਹੀਂ ਆਇਆ, ਪਰ ਅੱਜ ਰਾਤ ਤੱਕ ਇਸ ਦੇ ਠੀਕ ਹੋਣ ਦੀ ਉਮੀਦ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/























