Latest News : ਸੰਤਾਨ ਦੇ ਸਹੀ ਵਿਕਾਸ ਨਾਲ ਜੀਵਨ ’ਚ ਵਿਪੱਤੀਆਂ ਨਹੀਂ ਆਉਂਦੀਆਂ : ਡਾ. ਵਰੁਣ ਮੁਨੀ
ਚੰਡੀਗੜ੍ਹ, 20 ਜੁਲਾਈ (ਵਿਸ਼ਵਵਾਰਤਾ)-ਸ਼੍ਰੀ ਗੁਜਰਾਤੀ ਜੈਨ ਸੰਘ ਗਾਂਧੀਨਗਰ ਬੰਗਲੌਰ ਵਿੱਚ ਚਾਤੁਰਮਾਸ ਲਈ ਵਿਰਾਜਿਤ ਦੱਖਣ ਸੂਰਜ, ਓਜਸਵੀ ਪ੍ਰਵਚਨਕਾਰ ਪੂਜਨੀਯ ਡਾ. ਸ਼੍ਰੀ ਵਰੁਣ ਮੁਨੀ ਜੀ ਮਹਾਰਾਜ ਨੇ ਆਪਣੇ ਪਵਿੱਤਰ ਪ੍ਰਵਚਨ ਵਿੱਚ ਕਿਹਾ ਕਿ ਤਿਥੱਯਰਾ ਸਮੋਸੂਰੀ ਅਰਥਾਤ ਆਚਾਰਯ ਤੀਰਥੰਕਰ ਵਰਗੇ ਹੁੰਦੇ ਹਨ। ਭਗਵਾਨ ਮਹਾਵੀਰ ਦੇ ਪਿੱਛੋਂ ਸ਼੍ਰੀ ਸੁਧਰਮਾ ਸਵਾਮੀ ਆਚਾਰਯ ਦੇ ਪਾਟ ’ਤੇ ਵਿਰਾਜਮਾਨ ਹੋਏ, ਕਿਉਂਕਿ ਗੌਤਮ ਸਵਾਮੀ ਕੇਵਲੀ ਸਨ ਅਤੇ ਕੇਵਲੀ ਕਦੇ ਵੀ ਆਚਾਰਯ ਪਾਟ ’ਤੇ ਨਹੀਂ ਬੈਠਦੇ। ਸ਼੍ਰਮਣ ਸੰਘ ਦੇ ਦੂਜੇ ਪੱਧਰ ਵਜੋਂ ਆਚਾਰਯ ਸਮਰਾਟ ਸ਼੍ਰੀ ਆਨੰਦ ਰਿਸ਼ੀ ਜੀ ਮਹਾਰਾਜ ਆਸੀਨ ਹੋਏ।
ਪੂਜਨੀਯ ਪ੍ਰਵਚਨਕਾਰ ਸ਼੍ਰੀ ਅਮਰ ਮੁਨੀ ਜੀ ਮਹਾਰਾਜ ਕਹਿੰਦੇ ਸਨ ਕਿ ਜੋ ਵਿਅਕਤੀ ਹਰ ਕੰਮ ਮਰਿਆਦਾ ਦੇ ਅਧੀਨ ਕਰਦਾ ਹੈ, ਉਹ ਆਚਾਰਯ ਕਹਾਉਂਦਾ ਹੈ। ਜੋ ਮਰਿਆਦਾ ਦੀਆਂ ਅੱਖਾਂ ਨਾਲ ਵੇਖਦਾ, ਮਰਿਆਦਾ ਦੇ ਕੰਨ ਨਾਲ ਸੁਣਦਾ, ਮਰਿਆਦਾ ਵਾਲੇ ਹੱਥਾਂ ਨਾਲ ਕੰਮ ਕਰਦਾ ਹੈ—ਜਿਸਦੇ ਹਰ ਕੰਮ ’ਚ ਮਰਿਆਦਾ ਹੋਵੇ, ਉਹੀ ਆਚਾਰਯ ਬਣਦਾ ਹੈ। ਮਹਾਂਰਾਸ਼ਟਰ ਦੀ ਧਰਮ ਧਾਰਾ ’ਤੇ ਸਮਰਥ ਗੁਰੂ ਰਾਮਦਾਸ, ਸੰਤ ਗਿਆਨ ਦੇਵ, ਸੰਤ ਨਾਮਦੇਵ, ਸੰਤ ਤੁਕਾਰਾਮ, ਸ਼ਿਵਾਜੀ ਮਹਾਰਾਜ ਵਰਗੇ ਅਨੇਕ ਮਹਾਨ ਸਖਸ਼ੀਅਤਾਂ ਹੋਈਆਂ। ਇਸੇ ਧਰਤੀ ’ਤੇ ਅਹਿਮਦ ਨਗਰ ਦੇ ਨੇੜਲੇ ਚਿੰਚੋੜੀ ਪਿੰਡ ਵਿੱਚ ਸ਼੍ਰੀ ਦੇਵੀਚੰਦ ਜੀ ਗੁਗਲੀਆ ਦੇ ਘਰ ਵਿੱਚ ਮਾਤਾ ਹੁਲਸਾ ਬਾਈ ਦੀ ਪਵਿੱਤਰ ਕੁੱਖ ਤੋਂ ਸਾਵਣ ਸ਼ੁਕਲ ਪੱਖ ਦੀ ਪ੍ਰਤਿਪਦਾ ਨੂੰ ਇੱਕ ਪੁੱਤਰ ਦਾ ਜਨਮ ਹੋਇਆ, ਜਿਸਦਾ ਨਾਂ ਰੱਖਿਆ ਗਿਆ — ਸ਼੍ਰੀ ਨੇਮੀਚੰਦ।
ਬਚਪਨ ਵਿੱਚ ਇੱਕ ਵਾਰੀ ਜਦੋਂ ਉਹ ਸਕੂਲ ਤੋਂ ਘਰ ਆਏ ਤਾਂ ਦੇਖਿਆ ਕਿ ਘਰ ਵਿੱਚ ਰੋਣ ਪਿਆ ਹੋਇਆ ਸੀ। ਪੁੱਛਣ ’ਤੇ ਪਤਾ ਲੱਗਾ ਕਿ ਪਿਤਾ ਜੀ ਦੀ ਮੌਤ ਹੋ ਗਈ। ਅਲਪ ਉਮਰ ਵਿੱਚ ਪਿਤਾ ਜੀ ਦੇ ਵਿਛੋੜੇ ਤੋਂ ਬਾਅਦ ਉਹ ਮਾਤਾ ਜੀ ਨਾਲ ਛੁੱਟੀਆਂ ਵਿੱਚ ਮਾਸੀ ਦੇ ਘਰ ਗਏ। ਉੱਥੇ ਮਾਤਾ ਜੀ ਦੀ ਪ੍ਰੇਰਣਾ ਨਾਲ ਮਹਾਸਤੀ ਰਾਮ ਕੁੰਵਰ ਜੀ ਦੇ ਸਾਥ ਨਾਲ ਉਨ੍ਹਾਂ ਵਿੱਚ ਧਾਰਮਿਕ ਸੰਸਕਾਰ ਜਾਗੇ। ਘੋੜਾ-ਗੱਡੀ ਤੋਂ ਵਾਪਸੀ ਸਮੇਂ ਉਹ ਥੱਲੇ ਡਿੱਗ ਪਏ ਪਰ ਉਨ੍ਹਾਂ ਨੂੰ ਖਰੋਚ ਵੀ ਨਹੀਂ ਲੱਗੀ, ਜਿਸ ਨੂੰ ਉਨ੍ਹਾਂ ਨੇ ਮਹਾਸਤੀ ਜੀ ਦੇ ਮੰਗਲ ਪਾਠ ਦੀ ਕਿਰਪਾ ਮੰਨਿਆ। ਫਿਰ ਉਨ੍ਹਾਂ ਦੇ ਪਿੰਡ ਵਿੱਚ ਪੂਜਨੀਯ ਰਤਨ ਰਿਸ਼ਿ ਜੀ ਮਹਾਰਾਜ ਆਏ, ਜਿਨ੍ਹਾਂ ਦੇ ਉਪਦੇਸ਼ ਨਾਲ ਉਨ੍ਹਾਂ ’ਚ ਵੈਰਾਗ ਦਾ ਉਦੇ ਹੋਇਆ ਅਤੇ ਸਿਰਫ 9 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਸੰਯਮ ਅੰਗੀਕਾਰ ਕਰ ਲਿਆ। ਪੂਜਨੀਯ ਰਤਨ ਰਿਸ਼ਿ ਜੀ ਮਹਾਰਾਜ ਦੇ ਕਠੋਰ ਅਨੁਸ਼ਾਸਨ ਹੇਠ ਉਨ੍ਹਾਂ ਨੇ ਆਗਮ ਅਤੇ ਕਈ ਭਾਸ਼ਾਵਾਂ ਦਾ ਗਹਿਰਾ ਅਧਿਐਨ ਕੀਤਾ ਅਤੇ ਗੁਰੂਦੇਵ ਦੇ ਦੇਵਲੋਕ ਗਮਨ ਤੋਂ ਬਾਅਦ ਉਨ੍ਹਾਂ ਨੂੰ ਰਿਸ਼ਿ ਸੰਪਰਦਾਯ ਦਾ ਆਚਾਰਯ ਬਣਾਇਆ ਗਿਆ। ਬਾਅਦ ਵਿੱਚ ਸ਼੍ਰਮਣ ਸੰਘ ਦੀ ਏਕਤਾ ਲਈ ਸਾਦੜੀ ਵਿੱਚ ਉਨ੍ਹਾਂ ਨੂੰ ਪ੍ਰਧਾਨ ਮੰਤਰੀ ਪਦ ਦਿੱਤਾ ਗਿਆ ਅਤੇ ਫਿਰ ਉਪਾਧਿਆਇ ਬਣਾਇਆ ਗਿਆ। ਸ਼੍ਰਮਣ ਸੰਘ ਦੇ ਪਹਿਲੇ ਪੱਧਰ ਪੂਜਨੀਯ ਆਤਮਾ ਰਾਮ ਜੀ ਮਹਾਰਾਜ ਦੇ ਦੇਵਲੋਕ ਗਮਨ ਤੋਂ ਬਾਅਦ ਉਨ੍ਹਾਂ ਨੂੰ ਆਚਾਰਯ ਪਦ ਮਿਲਿਆ। ਉਸ ਸਮੇਂ ਪੰਜਾਬ ਦੇ ਵੀ 18 ਮਹਾਨ ਸੰਤ ਉੱਥੇ ਮੌਜੂਦ ਸਨ। ਉਹ 14 ਭਾਸ਼ਾਵਾਂ ਦੇ ਗਿਆਤਾ ਸਨ। ਅਜਿਹੇ ਮਹਾਨ ਆਚਾਰਯ ਦੇ ਜਨਮ ਦਿਨ ’ਤੇ ਅਸੀਂ ਉਨ੍ਹਾਂ ਦੇ ਚਰਨਾਂ ਵਿਚ ਭਾਵਾਂਜਲੀ ਅਰਪਿਤ ਕਰਦੇ ਹਾਂ। ਅੱਜ ਅਸੀਂ ਬੱਚਿਆਂ ਦੇ ਭਵਿੱਖ ਨੂੰ ਉਜਜਲ ਬਣਾਉਣ ਲਈ ਕੁੱਝ ਮੁੱਖ ਬਿੰਦੂਆਂ ’ਤੇ ਚਰਚਾ ਕਰਾਂਗੇ। ਜਨਮ ਤੋਂ 7 ਸਾਲ ਦੀ ਉਮਰ ਤੱਕ ਬੱਚਿਆਂ ਦੇ ਦਿਲ ਦਾ ਵਿਕਾਸ ਹੁੰਦਾ ਹੈ। ਇਸ ਸਮੇਂ ਉਹਨਾਂ ਨੂੰ ਪਿਆਰ ਅਤੇ ਸਹੀ ਮਾਹੌਲ ਮਿਲਣਾ ਚਾਹੀਦਾ ਹੈ। ਮਾਲ ਨਹੀਂ, ਮਾਹੌਲ ਚਾਹੀਦਾ। 7 ਤੋਂ 14 ਸਾਲ ਦੀ ਉਮਰ ਦਿਮਾਗੀ ਵਿਕਾਸ ਦਾ ਸਮਾਂ ਹੈ। ਇਸ ਦੌਰਾਨ ਉਨ੍ਹਾਂ ਨੂੰ ਅਨੁਸ਼ਾਸਨ ਅਤੇ ਮਰਿਆਾਦਤ ਪਿਆਰ ਦੀ ਲੋੜ ਹੁੰਦੀ ਹੈ। ਜ਼ਿਆਦਾ ਲਾਡ-ਪਿਆਰ ਨਾਲ ਬੱਚੇ ਵਿਗੜ ਜਾਂਦੇ ਹਨ। ਬੱਚਿਆਂ ਅੱਗੇ ਕਿਸੇ ਦਾ ਵੀ ਅਪਮਾਨ ਨਾ ਕਰੋ, ਕਿਉਂਕਿ ਇਸ ਦਾ ਪ੍ਰਭਾਵ ਉਹਨਾਂ ਦੇ ਮਨ ਤੇ ਦਿਮਾਗ ’ਤੇ ਪੈਂਦਾ ਹੈ। ਉਨ੍ਹਾਂ ਨੂੰ ਡਰਾਓ ਨਾ, ਝੂਠਾ ਲਾਲਚ ਨਾ ਦਿਓ, ਉਮਰ ਦੇ ਅਨੁਸਾਰ ਹੀ ਕੰਮ ਲਵੋ। ਉਨ੍ਹਾਂ ਦੀ ਹੌਸਲਾ ਅਫ਼ਜਾਈ ਕਰੋ, ਵਧਾਈ ਦਿਓ, ਨਹੀਂ ਤਾਂ ਉਹ ਹੀਨ ਭਾਵਨਾ ਵਿਚ ਚਲੇ ਜਾਂਦੇ ਹਨ। ਕੁਆਲਿਟੀ ਟਾਈਮ ਦਿਓ, ਕੁਆੰਟਿਟੀ ਨਹੀਂ। ਉਨ੍ਹਾਂ ਨੂੰ ਸਮਾਜ, ਦੇਸ਼ ਅਤੇ ਰਾਸ਼ਟਰ ਦੀ ਸੇਵਾ ਲਈ ਪ੍ਰੇਰਿਤ ਕਰੋ। ਸਹੀ ਉਮਰ ’ਚ ਸਹੀ ਦਿਸ਼ਾ ਮਿਲਣ ਨਾਲ ਬੱਚੇ ਕਦੇ ਵੀ ਵਿਗੜਦੇ ਨਹੀਂ। ਅਸੀਂ ਵੀ ਮਾਤਾ-ਪਿਤਾ ਵਜੋਂ ਆਪਣੇ ਬੱਚਿਆਂ ਦੇ ਭਵਿੱਖ ਨੂੰ ਸੰਵਾਰਣ ਵਿੱਚ ਸਹਿਯੋਗੀ ਬਣੀਏ ਅਤੇ ਆਪਣੇ ਧਾਰਮਿਕ ਕਰਤਵਾਂ ਦਾ ਨਿਭਾ ਕਰੀਏ। ਅੱਜ ਦੀ ਪ੍ਰਵਚਨ ਸਭਾ ਵਿੱਚ ਆਲ ਇੰਡੀਆ ਜੈਨ ਕਾਨਫਰੰਸ ਦੀ ਮਹਿਲਾ ਸ਼ਾਖਾ ਦੀਆਂ ਮੈਂਬਰਾਂ, ਚੇਨਈ, ਲੋਨਾਵਲਾ, ਮੁੰਬਈ, ਬੰਗਲੌਰ ਅਤੇ ਗਾਂਧੀਨਗਰ ਦੇ ਆਸਪਾਸ ਦੇ ਕਈ ਸ਼ਰਧਾਲੂ ਭਗਤ ਮੌਜੂਦ ਸਨ। ਮਧੁਰ ਗਾਇਕ ਸ਼੍ਰੀ ਰੁਪੇਸ਼ ਮੁਨੀ ਜੀ ਮਹਾਰਾਜ ਨੇ ਆਪਣੀ ਮਿੱਠੀ ਗਾਇਕੀ ਨਾਲ ਸਾਰਿਆਂ ਨੂੰ ਮੰਤਰਮੁਗਧ ਕਰ ਦਿੱਤਾ। ਉਪ ਪ੍ਰਵਰਤਕ ਪੂਜਨੀਯ ਸ਼੍ਰੀ ਪੰਕਜ ਮੁਨੀ ਜੀ ਮਹਾਰਾਜ ਨੇ ਮੰਗਲ ਪਾਠ ਪ੍ਰਦਾਨ ਕੀਤਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
