Corona cases : ਦੇਸ਼ ‘ਚ ਕੋਰੋਨਾਵਾਇਰਸ ਦੇ ਮਾਮਲਿਆਂ ‘ਚ ਆਈ ਕਮੀ
– 6500 ਤੋਂ ਘੱਟ ਹੋਏ ਸਰਗਰਮ ਮਾਮਲੇ
– ਜਾਣੋ ਕਹਿੰਦੇ ਸੂਬੇ ਵਿੱਚ ਕਿੰਨੇ ਮਰੀਜ਼?
ਨਵੀ ਦਿੱਲੀ, 18 ਜੂਨ (ਵਿਸ਼ਵ ਵਾਰਤਾ): ਭਾਰਤ ਵਿੱਚ ਪਿਛਲੇ ਇੱਕ ਮਹੀਨੇ ਤੋਂ ਕੋਰੋਨਾਵਾਇਰਸ ਦੇ ਮਾਮਲੇ (Corona cases) ਚਿੰਤਾ ਦਾ ਵਿਸ਼ਾ ਬਣੇ ਹੋਏ ਹਨ। ਪਰ ਹੁਣ ਇਸ ਵਿਚਾਲੇ ਇਕ ਰਾਹਤ ਭਰੀ ਖਬਰ ਸਾਹਮਣੇ ਆਈ ਹੈ। ਬੁੱਧਵਾਰ (18 ਜੂਨ) ਨੂੰ ਦੇਸ਼ ਵਿੱਚ ਸਰਗਰਮ ਮਾਮਲਿਆਂ ਵਿੱਚ ਥੋੜ੍ਹਾ ਜਿਹਾ ਸੁਧਾਰ ਹੋਇਆ ਹੈ। ਸੋਮਵਾਰ ਨੂੰ ਕੁੱਲ ਸਰਗਰਮ ਮਾਮਲਿਆਂ ਦੀ ਗਿਣਤੀ 7264 ਸੀ, ਜੋ ਬੁੱਧਵਾਰ ਨੂੰ ਘੱਟ ਕੇ 6,483 ਹੋ ਗਈ ਹੈ। ਇਸ ਦੇ ਨਾਲ ਹੀ ਦੇਸ਼ ਵਿੱਚ ਸਰਗਰਮ ਮਾਮਲੇ 6500 ਤੋਂ ਘੱਟ ਹੋ ਗਏ ਹਨ।
ਦੱਸ ਦਈਏ ਕਿ ਬੀਤੇ ਦਿਨ ਕਈ ਰਾਜ ਅਜਿਹੇ ਵੀ ਹਨ ਜਿੱਥੇ ਕੋਵਿਡ ਦੇ ਮਾਮਲੇ ਵਧੇ ਹਨ। ਦਿੱਲੀ ਵਿੱਚ 65, ਰਾਜਸਥਾਨ ਵਿੱਚ 51, ਮਨੀਪੁਰ ਵਿੱਚ 14, ਹਰਿਆਣਾ ਵਿੱਚ 12, ਛੱਤੀਸਗੜ੍ਹ ਵਿੱਚ 6, ਪੰਜਾਬ ਵਿੱਚ 5, ਬਿਹਾਰ ਵਿੱਚ 3, ਜੰਮੂ-ਕਸ਼ਮੀਰ ਵਿੱਚ 2, ਤਾਮਿਲਨਾਡੂ ਵਿੱਚ 2, ਅਸਾਮ ਵਿੱਚ 1, ਮੱਧ ਪ੍ਰਦੇਸ਼ ਵਿੱਚ 1 ਅਤੇ ਤੇਲੰਗਾਨਾ ਵਿੱਚ 1 ਕੇਸ ਸਾਹਮਣੇ ਆਏ ਹਨ।
ਇਸ ਦੇ ਨਾਲ ਹੀ, ਗੁਜਰਾਤ ਵਿੱਚ 143, ਕਰਨਾਟਕ ਵਿੱਚ 43, ਮਹਾਰਾਸ਼ਟਰ ਵਿੱਚ 23, ਆਂਧਰਾ ਪ੍ਰਦੇਸ਼ ਵਿੱਚ 15, ਝਾਰਖੰਡ ਵਿੱਚ 5, ਪੁਡੂਚੇਰੀ ਵਿੱਚ 4, ਉਤਰਾਖੰਡ ਵਿੱਚ 4, ਉੱਤਰ ਪ੍ਰਦੇਸ਼ ਵਿੱਚ 3 ਅਤੇ ਗੋਆ ਵਿੱਚ 1 ਕੇਸ ਘਟਿਆ ਹੈ।
