JEE ਐਡਵਾਂਸਡ 2025 ਦੇ ਨਤੀਜਿਆਂ ਦਾ ਐਲਾਨ
– ਕੁੱਲ 1,80,422 ਵਿਦਿਆਰਥੀਆਂ ਨੇ ਦਿੱਤੀ ਸੀ ਪ੍ਰੀਖਿਆ
– ਟਾਪਰ ਬਣੇ ਰਜਿਤ ਗੁਪਤਾ ਨੇ ਦੱਸੀ Key of Success
ਨਵੀ ਦਿੱਲੀ, 2 ਜੂਨ (ਵਿਸ਼ਵ ਵਾਰਤਾ) – ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (IIT) ਕਾਨਪੁਰ ਨੇ ਸੋਮਵਾਰ, 2 ਜੂਨ, 2025 ਨੂੰ JEE ਐਡਵਾਂਸਡ 2025 ਦਾ ਨਤੀਜਾ ਐਲਾਨ ਦਿੱਤਾ ਹੈ। ਕੁੱਲ 1,80,422 ਵਿਦਿਆਰਥੀਆਂ ਨੇ ਪ੍ਰੀਖਿਆ (JEE) ਦਿੱਤੀ ਸੀ, ਜਿਨ੍ਹਾਂ ਵਿੱਚੋਂ 54,378 ਵਿਦਿਆਰਥੀਆਂ ਕੁਆਲੀਫਾਈ ਹੋਏ ਹਨ।
ਦੱਸ ਦਈਏ ਕਿ ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਵਾਲੇ ਸਾਰੇ ਉਮੀਦਵਾਰ ਆਪਣੇ ਨਤੀਜੇ ਦੇਖਣ ਲਈ ਅਧਿਕਾਰਤ ਵੈੱਬਸਾਈਟ jeeadv.ac.in ‘ਤੇ ਜਾ ਸਕਦੇ ਹਨ। ਉੱਥੇ ਲਾਗਇਨ ਕਰਨ ਲਈ, ਅਰਜ਼ੀ ਨੰਬਰ ਅਤੇ ਜਨਮ ਮਿਤੀ ਦੀ ਲੋੜ ਹੋਵੇਗੀ। ਇਸ ਵਾਰ IIT ਦਿੱਲੀ ਜ਼ੋਨ ਦੇ ਰਜਿਤ ਗੁਪਤਾ ਨੇ ਟਾਪ ਕੀਤਾ ਹੈ। ਉਸਨੇ 360 ਵਿੱਚੋਂ 332 ਅੰਕ ਪ੍ਰਾਪਤ ਕੀਤੇ ਹਨ। ਆਪਣੀ ਸਫਲਤਾ ਬਾਰੇ ਰਜਿਤ ਨੇ ਕਿਹਾ ਕਿ ਉਸਨੇ ਆਪਣੀ ਹਰ ਗਲਤੀ ਤੋਂ ਸਬਕ ਸਿੱਖਿਆ। ਉਨ੍ਹਾਂ ਗਲਤੀਆਂ ਨੂੰ ਨਹੀਂ ਦੁਹਰਾਇਆ। ਵਿਸ਼ੇ ਦੀ ਨੀਂਹ ਉਦੋਂ ਹੀ ਮਜ਼ਬੂਤ ਹੁੰਦੀ ਹੈ ਜਦੋਂ ਗਲਤੀਆਂ ਦੂਰ ਕੀਤੀਆਂ ਜਾਂਦੀਆਂ ਹਨ। ਮੇਰੀ ਸਫਲਤਾ ਦੀ ਕੁੰਜੀ ਖੁਸ਼ੀ ਹੈ। ਮੈਂ ਹਰ ਹਾਲਤ ਵਿੱਚ ਖੁਸ਼ ਰਹਿੰਦਾ ਹਾਂ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
